පුත්තලම දිසා/මහේස්ත්‍රාත් අධිකරණයට අනුයුක්තව අධිකරණ කළමනාකරණ සහකාරවරයෙක් වශයෙන් සේවය කළ තැනැත්තෙක් රු.4500ක මුදලක් අල්ලස් වශයෙන් ලබා ගැනීමේ වරද නිසා කොළඹ මහාධිකරණය මගින් ඒ තැනැත්තාව වරදකරු කර ඇත.

පැමිනිලිකරු විසින් කරණ ලද පහර දිමක් සම්බන්ධයෙන් නීති මගින් කටයුතු නොකර සිටිමට හා පැමිනිලිකරු සන්තකයේ තිබු ලියකියවිලි ඇතුලත් ගමන් බෑගය පොලිසිය භාරයට ගෙන, එය ආපසු දිම සදහා බොරැල්ල පොලිස් ස්ථානයේ කොස්තාපල්වරයෙකු අල්ලස් වශයෙන් රු 2000/- ක මුදලක් ඉල්ලා එම මුදල 2019.07.21 වන දින ලබා ගත් අවස්ථාවේදි , අල්ලස් හෝ දුෂණ චෝදනා විමර්ශණ කොමිෂන් සභාවේ නිළධාරින් විසින් අත් අඩංගුවට ගෙන ඇත.

විදුලි ජනක යන්ත්‍රයක් අස්ථාන ගත වීම සම්බන්ධයෙන් විල්ගමුව පොලිස් ස්ථානය වෙත කරන ලද පැමිණිල්ලක විමර්ශන කටයුතු සිදුකර සැකකරුවන් අත්අඩංගුවට ගැනීමටත්, එම විදුලි ජනක යන්ත්‍රය සොයා දීමටත් විල්ගමුව පොලිස් ස්ථානයට අනුයුක්තව හඳුන්ගමුව පොලිස් මුරපලේ සේවය කළ පොලිස් කොස්තාපල්වරයෙකු විසින් රු: 50,000/= ක මුදලක් අල්ලස් වශයෙන් ඉල්ලා ලබා ගන්නා අවස්ථාවේ දී අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරින් විසින් අත්අඩංගුවට ගෙන ඇත.

ප්‍රායෝගික අපහසුතා මත විමර්ශන නිලධාරීන් බඳවා ගැනීම සඳහා පැවැත්වෙන සම්මුඛ පරීක්ෂණයට සහභාගී වීමට නොහැකි වන අයට ඔවුන්ගේ ඉල්ලීම මත අගෝස්තු මස 03 වන දින සම්මුඛ පරීක්ෂණය සඳහා අවස්ථාව සලසා ඇත. සම්මුඛ පරීක්ෂණයට සහභාගී විමට නොහැකි වූ අයෙක් වන්නේ නම් පහත සදහන් අංක අමතා සම්මුඛ පරීක්ෂණ සඳහා අවස්ථාව සලසා ගත හැකිය.

වත්කම් හා බැරකම් නීතිය සංශෝධනය කිරීම සම්බන්ධ තුන්වන ක්‍රියාකාරී වැඩමුළුව 2019 ජුලි 17 සිට 2019 ජූලි මස 19 වැනිදා දක්වා කොළඹදී පැවැත්වේ.

හම්බේගමුව පොලිස් ස්ථානයට අනුයුක්තව සේවය කරන ලද පොලිස් සැරයන්වරයෙකුට හා පොලිස් කොස්තාපල්වරුන් දෙදෙනෙකුට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව විසින් අධිචෝදනා ගොනුකරනු ලැබීය.

ආයුර්වේද දෙපාර්තමේන්තුවේ සේවය කරන නීති සහකාරවරයෙකුට හා තාක්‍ෂණ නිළධාරියෙකුට එරෙහිව 2019.07.11 දින අල්ලස් හෝ දූෂණ චෝදනා විමර්ශන කොමිෂන් සභාව විසින් අධිචෝදනා ගොනුකරන ලදී. පැමිණිලිකරු වන වලිමුණි දේවලයාලගේ සේන ආටිගල නමැත්තාගෙන් රු. 300,000/- ක් අයදීම හා ලබාගැනීම සම්බන්ධයෙන් එම නීති සහකාරවරයා (පළමු විත්තිකරු) වෙත චෝදනා එල්ල විය.

මහජනතාව සඳහා CaFFE සංවිධානය විසින් සංවිධානය කරන ලද නිවාරණ වැඩසටහන 2019.07.09 දින ප.ව 2.00 සිට ප.ව 4.00 හැටන් නගරයේදී පැවැත්විණි.අල්ලස් හෝ දූෂණ චෝදනා විමර්ශන කොමිෂන් සභාවේ නියෝජ්‍ය අධ්‍යක්‍ෂ ජනරාල් මයුරි උඩවෙල මහත්මිය හා සහකාර අධ්‍යක්‍ෂ (නීති) අනුරාධා සිරිවර්ධන මහත්මිය එහි සම්පත් දායකයින් වශයෙන් සහභාගී විය.

මහජනතාව සඳහා CaFFE විසින් සංවිධානය කරන ලද නිවාරණ වැඩසටහන අද දින (2019.07.09) පෙ.ව 9.00 සිට ප.ව 12.00 දක්වා මස්කෙළිය මහ නිලු දේවස්ථානයේදී පැවැත්විණි.අල්ලස් හෝ දූෂණ චෝදනා විමර්ශන කොමිෂන් සභාවේ නියෝජ්‍ය අධ්‍යක්‍ෂ ජනරාල් මයුරි උඩවෙල මහත්මිය හා සහකාර අධ්‍යක්‍ෂ (නීති) අනුරාධා සිරිවර්ධන මහත්මිය එහි සම්පත් දායකයින් වශයෙන් සහභාගී විය.

අල්ලස් හෝ දූෂණ චෝදනා විමර්ශන කොමිෂන් සභාව වෙනුවෙන් එහි අධ්‍යක්‍ෂ අනරාල් ජනාධිපති නීතීඥ සරත් ජයමාන්න මහතා විසින් ජුලි මස 05 වැනි දින බණ්ඩාරනායක සම්මන්ත්‍රණ ශාලාවේදී අතිගරු ජනාධිපතිතුමා අතින් රන් සම්මානය ලබා ගන්නා ලදී.2017 වසරේදී රජයේ ගිණුම් පිළිබඳ විශිෂ්ඨ භාවිතාව වෙනුවෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් මෙම සම්මානය දිනාගන්නා ලදී.

කොළඹ මහාධිකරණ විනිසුරු ගිහාන් කුලතුංග මහතා විසින් අද දින (2019.07.04) අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල්වරයා විසින් ගොනු කරන ලද අධි චෝදනාවක් මත පවත්වන ලද නඩු විභාගයෙන් අනතුරුව එම නඩුවේ 01 වන චූදිත වූ දැරණියගල ප්‍රාදේශීය සභාවේ හිටපු සභාපති අනිල් චම්පික විජේසිංහ යන අයට එරෙහිව එකී අධි චෝදනා පත්‍රයේ පැවති 01, 02, 05 සහ 06 යන චෝදනාවන් සියල්ලටම වරදකරු කරන ලද අතර එකී එක් චෝදනාවකට වසර 6 බැගින් වසර 24 ක බරපතල වැඩ සහිත වූ සිර දඩුවම් නියම කරන ලදී. එසේම එක් චෝදනාවකට රු: 5,000/- බැගින් චෝදනා 4 ට රු: 20,000/- ක දඩ මුදලක් නියම කරන ලදී. එකී දඩ මුදල නොගෙවයි නම් එක් චෝදනාවකට වසර බැගින් බරපතල වැඩ සහිත සිර දඬුවම් නියම කරන ලදී. අල්ලස් පනතේ 26 වන වගන්තිය යටතේ රුපියල් ලක්ෂ 04 ක් වූ මුදලක් දණ්ඩනයක් වශයෙන් ගෙවන ලෙසට නියම කරන ලද අතර එය නොගෙවන්නේ නම් අමතර වසර 01 ක බරපතල වැඩ සහිත සිර දඬුවම් නියම කරන ලදී. මෙම නඩුවේ පැමිණිලිකාරියට රුපියල් 250,000/- ක් වූ වන්දියක් ගෙවන ලෙසටද එකී වන්දිය නොගෙවයි නම් තවත් වසර 02 ක බරපතල වැඩ සහිත සිර දඬුවම්ද නියම කරන ලදී.

රජයේ මුදල් භාවිතයේ දී දක්වන ලද ප‍්‍රශස්තභාවය සැළකිල්ලට ගනිමින් රාජ්‍ය ගිණුම් කාරක සභාව විසින් විමර්ශනය කරන ලද රජයේ විශේෂ වැයකිරීම් ඒකකය යටතේ වන ආයතන 838 ක් අතරින් අල්ලස් හෝ දූෂණ වංචා විමර්ශන කොමිෂන් සභාව තුන්වැනි තැන හිමිව තිබේ.