වාරියපොල ප්‍රදේශයේ පුද්ගලයෙකු විසින් සිදු කරන ලද පැමිණිල්ලකට අනුව, පැමිණිලිකරු තම බොලෙරෝ වර්ගයේ කැබ් රථය රියදුරු බලපත්‍රය නොමැතිව සහ තවත් රථවාහන වැරදි කිහිපයක් කරමින් ධාවනය කිරීමේ රථවාහන වැරදිවලට නීති මඟින් කටයුතු නොකර සිටීම වෙනුවෙන් මත්පැන් බෝතලයක් අල්ලස් වශයෙන් ඉල්ලා එය ලබා ගැනීම සඳහා අල්ලස් ලෙස රු.3,000/- (රුපියල් තුන්දහසක) මුදලක් ඉල්ලා ලබාගැනීම හා එම මුදල ඉල්ලීම හා ලබාගැනීමට ආධාර අනුබල ලබාදීම යන චෝදනා මත පිටකොටුව පොලිස් ස්ථානයේ විශේෂ රාජකාරි යටතේ හදිසි ඇමතුම් අංශයට සහ නාගරික රථවාහන කොට්ඨාසයට අනුයුක්තව - යෙදී සිටින පොලිස් කොස්තාපල්වරුන් දෙදෙනෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.11.30 වන දින ප.ව.6.08 ට සහ ප.ව.6.10 පමණ ගුණසිංහපුර හන්දියේ පිළිරුව අසල රථවාහන කුටිය තුළ දී අත්අඩංගුවට ගන්නා ලදී.

ලංකා ඛනිජ තෙල් නීතිගත සංස්ථාවේ බවුසර් රිය සහායක තනතුරේ රැකියා ලබාදීමේ පොරොන්දුවක් මත අවස්ථා 02 කදී පැමිණිලිකරුගෙන් සහ පැමිණිලිකරුගේ මිතුරකුගෙන් රු.40,000/- ක මුදලක් ද, බැංකු ගිණුමක් මඟින් රු.10,000/- ක මුදලක් ද අල්ලස් වශයෙන් ඉල්ලා ලබාගත් පුද්ගලික අංශයේ ආරක්ෂකයෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.11.20 වන දින පෙ.ව.11.30 පමණ කැළණිය, පෙතියාගොඩ ප්‍රදේශයේ දී අත්අඩංගුවට ගන්නා ලදී.

දෙහිඅත්තකණ්ඩිය, ප්‍රදේශයේ පදිංචිකරුවෙකු විසින් සිදු කරන ලද පැමිණිල්ලකට අනුව, පැමිණිලිකරු විසින් තේක්ක දැව ඉරීම සඳහා ලබාගත යුතු බලපත්‍ර දෙකක් සකස් කර දීමේ කටයුතු කරදීමට අවශ්‍ය නිර්දේශය ලබා දී එම බලපත්‍ර ලබා දී එම බලපත්‍ර දෙක ලබා දීමට කටයුතු කර දීම වෙනුවෙන් එක් බලපත්‍රයක් සඳහා රු.5,000/- (රුපියල් පන්දහස) බැගින් බලපත්‍ර දෙකට රු.10,000/- (රුපියල් දස දහසක) මුදලක් අල්ලස් වශයෙන් ඉල්ලා ලබා ගැනීමේ අල්ලස් චෝදනාව මත දෙහිඅත්තකණ්ඩිය බීට්ටු වන නිලධාරී කාර්යාලයේ බීට්ටු වන නිලධාරියෙකු අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් 2025.11.12 වන දින පෙ.ව.9.55ට පමණ දෙහිඅත්තකණ්ඩිය බීට්ටු වන නිලධාරී කාර්යාලයේ පිටුපස පිහිටි කැලෑ කොටසෙ දී අත් අඩංගුවට ගන්නා ලදි.

මුලතිව් මුල්ලියාවලි ප්‍රදේශයේ පදිංචිකාරියක විසින් සිදුකළ පැමිණිල්ලක් අනුව විදේශගතව සිටින පැමිණිලිකාරියගේ ස්වාමිපුරුෂයාට අයත් පර්චස් 120ක ඉඩමෙන් පර්චස් 20ක ප්‍රමාණය මුලින් ස්වාමිපුරුෂයාගේ නමින් බලපත්‍රය කුච්චවේලි ප්‍රාදේශීය ලේකම්වරයාගේ මාර්ගයෙන් රු. 160,000/-ක මුදලක් අල්ලස් ලෙස ලබාගෙන සකස් කර දී ඉතිරි ඉඩම් කොටස සඳහා ස්වාමිපුරුෂයා බලපත්‍ර සකස් කර ගැනීමට විදේශගතව සිට නැවත සභාපතිවරයාට කතාකිරීමෙන් පසුව කර දෙන බව පවසා ඒ සඳහා රු. ලක්ෂ 05 ක මුදලක් ස්වාමිපුරුෂයාගෙන් ඉල්ලා, ඔහු විදේශගතව සිටින නිසා එම කටයුතු කර දීමට පැමිණිලිකාරිය යොමු කරන ලෙස කරන ලද දැනුම් දීම අනුව පැමිණිලිකාරිය දුරකතනයෙන් සභාපතිවරයාට කථාකල පසු ස්වාමිපුරුෂයාගේ නමින් ඉතිරි ඉඩම් කොටසේ බලපත්‍ර කුච්චවේලි ප්‍රාදේශීය ලේකම්වරයා මගින් සකස් කර දීමට අවශ්‍ය කටයුතු කර දීමට රු. 500,000ක් ඉල්ලා, ලබාගැනීමේදී කුච්චවේලි ප්‍රාදේශීය සභාවේ සභාපති අයිනියප්පිල්ලේ මුබාරක් යන ය සහ සභාපතිවරයාගේ පුද්ගලික රියදුරු මෝහම්මදු මුස්තාෆා ඉර්සාත් යන අය 2025.10.31 දින ප.ව. 12.10 ට පමණ පුල්මුඩේ ත්‍රිකුණාමලය මාර්ගයේ ඉක්බාල් නගර 07 කනුව අසල වෙළඳසැලක් ඉදිරිපිටදී කොමිෂන් සභාවේ විමර්ෂණ නිලධාරීන් විසින් අත්අඩංගුවට ගන්නා ලදී.

මුලතිව් මුල්ලියාවලි ප්‍රදේශයේ පදිංචිකාරියක විසින් සිදුකළ පැමිණිල්ලක් අනුව විදේශගතව සිටින පැමිණිලිකාරියගේ ස්වාමිපුරුෂයාට අයත් පර්චස් 120ක ඉඩමෙන් පර්චස් 20ක ප්‍රමාණය මුලින් ස්වාමිපුරුෂයාගේ නමින් බලපත්‍රය කුච්චවේලි ප්‍රාදේශීය ලේකම්වරයාගේ මාර්ගයෙන් රු. 160,000/-ක මුදලක් අල්ලස් ලෙස ලබාගෙන සකස් කර දී ඉතිරි ඉඩම් කොටස සඳහා ස්වාමිපුරුෂයා බලපත්‍ර සකස් කර ගැනීමට විදේශගතව සිට නැවත සභාපතිවරයාට කතාකිරීමෙන් පසුව කර දෙන බව පවසා ඒ සඳහා රු. ලක්ෂ 05 ක මුදලක් ස්වාමිපුරුෂයාගෙන් ඉල්ලා, ඔහු විදේශගතව සිටින නිසා එම කටයුතු කර දීමට පැමිණිලිකාරිය යොමු කරන ලෙස කරන ලද දැනුම් දීම අනුව පැමිණිලිකාරිය දුරකතනයෙන් සභාපතිවරයාට කථාකල පසු ස්වාමිපුරුෂයාගේ නමින් ඉතිරි ඉඩම් කොටසේ බලපත්‍ර කුච්චවේලි ප්‍රාදේශීය ලේකම්වරයා මගින් සකස් කර දීමට අවශ්‍ය කටයුතු කර දීමට රු. 500,000ක් ඉල්ලා, ලබාගැනීමේදී කුච්චවේලි ප්‍රාදේශීය සභාවේ සභාපති අයිනියප්පිල්ලේ මුබාරක් යන ය සහ සභාපතිවරයාගේ පුද්ගලික රියදුරු මෝහම්මදු මුස්තාෆා ඉර්සාත් යන අය 2025.10.31 දින ප.ව. 12.10 ට පමණ පුල්මුඩේ ත්‍රිකුණාමලය මාර්ගයේ ඉක්බාල් නගර 07 කනුව අසල වෙළඳසැලක් ඉදිරිපිටදී කොමිෂන් සභාවේ විමර්ෂණ නිලධාරීන් විසින් අත්අඩංගුවට ගන්නා ලදී.

අල්ලස් හෝ දූෂණ චෝදනා විමර්ශන කොමිෂන් සභාවට ලද තොරතුරු මත, සිදු කරන ලද වැටලීමකට අනුව, නඩු වාර්තාවක සහතික පිටපතක් ලබාදීම සඳහා අල්ලස් වශයෙන් රු.10,000/- (රුපියල් දස දහසක) මුදලක් අල්ලස් වශයෙන් ඉල්ලා ලබාගත් කොළඹ 12, දිසා අධිකරණයේ කාර්යාල කාර්ය සහායකවරයෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.10.29 වන දින පෙ.ව.10.26ට පමණ කෙසෙල්වත්ත පොලිස් ස්ථානය ආසන්නයේ ඇති වෙළඳසැලක් ඉදිරිපිට දී අත්අඩංගුවට ගන්නා ලදී.

අඩ්ඩාලචේන ප්‍රදේශයේ පුද්ගලයෙකු විසින් සිදු කරන ලද පැමිණිල්ලක් මත, කොච්චිකච්චේන කුඹුරු යායට ජලය සපයන ඇල මාර්ගය සුද්දකිරීමට පැමිණිලිකරු සභාපතිත්වය දරණ ගොවි සමිතිය මඟින් කරන ලද ඉල්ලීමට අනුව, අක්කරපත්තුව වාරිමාර්ග දෙපාර්තමේන්තුවෙන් ලබා දී ඇති ස්කැවේටර් යන්ත්‍රය සඳහා ගොවි සමිතිය මඟින් ලබාදෙන ඉන්ධන ප්‍රමාණය ප්‍රමාණවත් නොවන බව පවසා, ඒ සඳහා වැඩිපුර ඩීසල් ලීටර් 51ක් වැය වන බවට දන්වා ඒ වෙනුවෙන් රුපියල් දහතුන්දහස් දෙසීයක (රු.13,200/-) මුදලක් අල්ලස් වශයෙන් ඉල්ලා, ලබාගැනීම සහ එම මුදල ලබා ගැනීමට ආධාර අනුබල ලබාදීම යන චෝදනා මත පොතුවිල් ප්‍රාදේශීය වාරිමාර්ග ඉංජිනේරු කාර්යාලයේ කම්කරුවෙකු (යන්ත්‍ර ක්‍රියාකරුවෙකු) සහ අක්කරපත්තුව සහකාර ඉංජිනේරු ඒකක කාර්යාලයේ නඩත්තු කම්කරුවෙකු 2025.10.17 වන දින ප.ව.3.40ට පමණ කොච්චිකච්චේන කුඹුරු යායට යන මාර්ගයේ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිළධාරීන් විසින් අත්අඩංගුවට ගන්නා ලදී.

මහව ප්‍රදේශයේ පුද්ගලයෙකු විසින් සිදු කරන ලද පැමිණිල්ලකට අනුව, සැකකරු විසින් අනවසරයෙන් අල්ලාගෙන වගා කටයුතු සිදු කරන ලද අක්කර 20ක පමණ ප්‍රමාණයක රජයේ ඉඩමකින් අක්කර 12ක පමණ ප්‍රමාණයක් පැමිණිලිකරු වෙත වගා කටයුතු සිදු කිරීම සඳහා එම ඉඩමට පැමිණිලිකරු මඟින් අක්කරබදු ගෙවූ බවට කුවිතාන්සියක් ලබා දී ඒ සඳහා අවශය කටයුතු සිදු කර දීම සඳහා මුලින් ලක්ෂ 35ක මුදලක් ඉල්ලා එයින් පසුව ලක්ෂ 10ක මුදලක් ලබාගැනීම සහ ඉතිරි ලක්ෂ 25ක මුදලින් රු.1,200,000/-ක (රුපියල් ලක්ෂ දොළහක) මුදලක් අල්ලස් වශයෙන් ඉල්ලා, ලබාගැනීමේ අල්ලස් චෝදනාව මත දියළුම ගොවිජන සේවා මධ්‍යස්ථානයේ කෘෂිකර්ම පර්යේෂණ හා නිෂ්පාදන සහකාරවරයෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.10.16 වන දින ප.ව.12.15ට පමණ තණමල්විල - වැල්ලවාය ප්‍රධාන මාර්ගයේ ඇතිලිවැව නගරයේ අවන්හලක් තුළ දී අත්අඩංගුවට ගන්නා ලදී.

අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.09.25 වන දින සිදු කරන ලද වැටලීම්වල දී ගොවිජන සංවර්ධන නිලධාරියෙකු , කාර්යාල සේවක සේවයේ නිලධාරියෙකු සහ කාන්තා ආරක්ෂක නිලධාරිණියක අත්අඩංගුවට ගෙන ඇත. වැටලීම් 02කට අදාළව මෙම අත්අඩංගුවට ගැනීම් සිදු වී ඇති අතර, එම වැටලීම් 02කට අදාළ තොරතුරු පහත පරිදි වේ.

පිටිගල ප්‍රදේශයේ පදිංචි පුද්ගලයෙකු විසින් සිදුකරන ලද පැමිණිල්ලක් අනුව පැමිණිලිකරුගේ නිවස ඉදිකිරීම සඳහා නිවාස සංවර්ධන අධිකාරිය මගින් ලබාදෙන රු. ලක්ෂ 10 ක ආධාර මුදල ලබාදීම සඳහා අවශ්‍ය තාක්ෂණික සහාය හා නිර්දේශය ලබාදීමට රු. 50,000/- ක මුදලක් අල්ලස් ලෙස ඉල්ලා, 2025.08.19 දින මෙම ආධාර මුදලේ පළමු වාරිකය ලෙස රු. 146,000/- ක මුදල පැමිණිලිකරු ලබාගන්නා අවස්ථාවේදී ඉන් රු. 25,000/- ක මුදලක් අල්ලස් වශයෙන් ඉල්ලා ලබාගෙන ඇති අතර, ඉතිරි ආධාර මුදල ලබාගැනීමට අවශ්‍ය කටයුතු කරදීමට හා නිර්දේශය ලබා දීම වෙනුවෙන් රු. 25,000/- ක මුදලක් ඉල්ලා ලබාගැනීමේ දී ගාල්ල, නිවාස සංවර්ධන අධිකාරී කාර්යාලයේ නිවාස (තාක්ෂණික) නිලධාරියෙකු 2025.09.15 වන දින පෙ.ව. 11.45 ට පමණ නියාගම, ප්‍රාදේශීය ලේකම් කාර්යාලයේ සංවර්ධන අංශය තුළදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත් අඩංගුවට ගන්නා ලදී.

සයින්දමරුදු ප්‍රදේශයේ ව්‍යාපාරිකයෙකු විසින් සිදු කරන ලද පැමිණිල්ලකට අනුව, සැකකරු භාරයට ගන්නා ලද පැමිණිලිකරුගේ ආදායම් බලපත්‍රය නඩු නොපවරා පැමිණිලිකරුට ආපසු ලබාදීම සඳහා අල්ලස් වශයෙන් රු.10,000 (රුපියල් දසදහසක) මුදලක් ඉල්ලා ලබා ගැනීමේ චෝදනාව මත අම්පාර කොට්ඨාසයේ, කාර්තිවු පොලිස් ස්ථානයේ, පොලිස් කොස්තාපල්වරයෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.09.11 වන දින ප.ව.6.10ට පමණ කාර්තිවු පොලිස් ස්ථානයේ චෝදනාගාරයේ දී අත්අඩංගුවට ගන්නා ලදී.

සයින්දමරුදු ප්‍රදේශයේ ව්‍යාපාරිකයෙකු විසින් සිදු කරන ලද පැමිණිල්ලකට අනුව, සැකකරු භාරයට ගන්නා ලද පැමිණිලිකරුගේ ආදායම් බලපත්‍රය නඩු නොපවරා පැමිණිලිකරුට ආපසු ලබාදීම සඳහා අල්ලස් වශයෙන් රු.10,000 (රුපියල් දසදහසක) මුදලක් ඉල්ලා ලබා ගැනීමේ චෝදනාව මත අම්පාර කොට්ඨාසයේ, කාර්තිවු පොලිස් ස්ථානයේ, පොලිස් කොස්තාපල්වරයෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.09.11 වන දින ප.ව.6.10ට පමණ කාර්තිවු පොලිස් ස්ථානයේ චෝදනාගාරයේ දී අත්අඩංගුවට ගන්නා ලදී.