පැමිණිලිකරුට විරුද්ධව පැල්මඩුල්ල මහේස්ත්‍රාත් අධිකරණයේ විභාග වන නඩුවකට අදාලව පැල්මඩුල්ල පොලිස්ථානය මගින් පැමිණිලිකරු වෙත ලේඛණ ලබාදීම සදහා ඉහත සදහන් පොලිස් නිලධාරියා විසින් රු. 50,000/- ක මුදලක් අල්ලස් වශයෙන් ඉල්ලා එම මුදල 2020.01.21 වන දින ලබා ගත් අවස්ථාවේදී අල්ලස් හෝ දුෂණ චෝදනා විමර්ශණ කොමිෂන් සභාවේ බලයලත් නිළධාරින් විසින් අත් අඩංගුවට ගෙන ඇත.

2020 වසරේ 1වන පන්තියට දරුවෙකු ඇතුළත් කර ගැනීමට රු.25,000/- ක අල්ලසක් ඉල්ලා ලබාගන්නා අවස්ථාවේදී පේරාදෙනිය, හිදගල සීවලී මහ විද්‍යාලයේ විදුහල්පති අත් අඩංගුවට ගන්නා ලදී.

පුත්තලම මූලස්ථාන පොලිස් ස්ථානයට අනුයුක්තව රාජකාරී කළ පොලිස් සැරයන් වරයෙකු විසින් පොලිස් නිලධාරීන් භාරයට ගෙන තිබූ ඩීමෝ බට්ටා වර්ගයේ ලොරි රථයක ආදායම් බලපත්‍ර හා රක්‍ෂණ සහතිකය යලි ලබා දීම සඳහා රු.10,000/- ක මුදලක් අල්ලස් ලෙස ඉල්ලා ඉන් රු.5000/-ක මුදලක් අඩුකර ඉතිරි රු.5000/- ක මුදල ඉල්ලා ලබා ගන්නා අවස්ථාවේ දී අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන ඇත.

පැමිණිලිකරු හෙරොයින් මත්ද්‍රව්‍ය ‍අලෙවිකරන බවට චෝදනා කරමින්, ඒ සදහා නීති මගින් කටයුතු නොකර සිටිමට, ලංකා විදුලි බල මණ්ඩලයේ, ගම්පහ ප්‍රාදේශිය විදුලි කාර්යාලයේ, විදුලි කාර්මික නිළධාරියෙකු පොලිස් නිලධාරියකු ලෙස පෙනී සිටිමින් රු.130,000/- ක මුදලක් අල්ලස් වශයෙන් ඉල්ලා, එම මුදල 2019.12.20 දින ලබාගත් අවස්ථාවේදි අල්ලස් හෝ දුෂණ චෝදනා විමර්ශණ කොමිෂන් සභාවේ නිළධාරින් විසින් අත් අඩංගුවට ගෙන ඇත.

ගල්කිස්ස කොට්ඨාශ රථවාහන අංශයට අනුයුක්ත පලියන්දල පොලිස් ස්ථානයේ රාජකාරී කළ පොලිස් කොස්තාපල්වරයෙකු විසින් පැමිණිලිකරු බලපත්‍ර උල්ලංඝනය කරමින් වැලි ප්‍රවාහනය කළ බව පවසා ඔහුගේ වැලි ප්‍රවාහන බලපත්‍රය ආදායම් බලපත්‍රය, රක්‍ෂණ සහතිකය හා ලංකාපුර පොලිස් ස්ථානයේ පැමිණිලිකරුට ලබා දී ඇති තාවකාලික රියදුරු බලපත්‍රය පොලිස් නිලධාරියා භාරයට ගෙන නීති මගින් කටයුතු නොකර සිටීමට රු.2000/- ක මුදලක් ඉල්ලා ලබා ගන්නා අවස්ථාවේ දී අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන ඇත ( 2019.11.22).

රුපියල් 190,000/- අල්ලස් වශයෙන් ඉල්ලා ලබා ගැනීමේ දී හලාවත කොට්ඨාශයේ සහකාර පොලිස් අධිකාරිවරයෙක් අත්අඩංගුවට ගෙන ඇත.

පැමිනිලිකරු ප්‍රසිද්ධ ස්ථානයක මත් පැන් පානය කල බවට චෝදනා කර, ඒ වෙනුවෙන් පැමිනිලිකරුට විරුද්ධව නඩු නොපවරා සිටිමට රු-2000/=ක මුදලක් අල්ලස් වශයෙන් ඉල්ලා එම මුදල 2019.11.08 වන දින ලබා ගත් අවස්ථාවේදි ,අල්ලස් හෝ දුෂණ චෝදනා විමර්ශණ කොමිෂන් සභාවේ නිළධාරින් විසින් එකී නිලධාරියා අත් අඩංගුවට ගෙන ඇත.

මීගමුව මහේස්ත්‍රාත් අධිකරණයේ නඩුවකට අදාලව තැන්පත් කර තිබූ රු.50,000/-ක ඇප මුදලක් යලි ලබා දීමට එම අධිකරණයේ ගිණුම් සහකාර ලෙස සේවය කළ සංවර්‍ධන නිලධාරීවරයෙකු විසින් රු.5,000/- ක මුදලක් අල්ලස් වශයෙන් අයැද ඉන් රු.4000/- ක මුදලක් ලබා ගන්නා අවස්ථාවේ දී අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන ඇත.

රු.3000/- අල්ලසක් ගත් ත්‍රිකුණාමළය උප්පුවේලි පොලිස් ස්ථානයට අනුයුක්තව සේවය කළ පොලිස් කොස්තාපල්වරයෙකු කොළඹ මහාධිකරණය විසින් වරදකරු කරනු ලැබීය. මෙහිදී ඉදිරිපත් කරනු ලැබූ චෝදනා දෙක වෙනුවෙන් කෙළඹ මහාධිකරණයේ ගරු විනිසුරු විකුම් කළුආරච්චි මහතා විසින් වසර 4ක බරපතල වැඩ සහිත සිර දඩුවම් නියම කරනු ලැබීය. එමෙන්ම රු.5,000/-ක දඩයක්ද (එක් වරදට රු.2,500/- බැගින්) පනවන ලදී. මීට අමතරව වරදකරු විසින් ලබාගත් අල්ලස් මුදල වෙනුවෙන් රු.3,000/-ක දණ්ඩනයක් ද පනවන ලදී.

පැමිණිලිකාරියගේ විදේශගතව සිටින පුතාට රජයෙන් ලබාදෙනු ලබන සමෘද්ධි සහනාධාරය අවලංගු නොකොට එකී සමෘද්ධි සහනාධාර කාඩ්පත පැමිණිලිකාරියට ලබාදීම සඳහා රුපියල් 8,500/= ක මුදලක් අල්ලස් වශයෙන් ඉල්ලා ලබාගත් අවස්ථාවේ කුච්චවේලි ප්‍රාදේශීය ලේකම් බල ප්‍රදේශයේ, කාසිනගර් වසමේ සමෘද්ධි නිළධාරී අල්ලස් හෝ දූෂණ චෝදනා විමර්ශන කොමිෂන් සභාවේ බලයලත් විමර්ශන නිළධාරීන් විසින් 2019.10.09 වන දින අත් අඩංගුවට ගෙන ඇත.

පැමිණිලිකාරියගේ දරුවා 8 ශ්‍රේණියට ඇතුලත් කිරීමට අවශ්‍ය කටයුතු කර දීම සදහා රු. 10000/- ක මුදලක් අයැද ඉන් රු. 8000/- ක මුදලක් නීති විරෝධී තුටු පඩුරක් වශයෙන් භාර ගැනීමේදී මොරටුව වේල්ස් කුමර විද්‍යාලයේ පාසැල් මුරකරු අල්ලස් හෝ දුෂණ චෝදනා විමර්ශණ කොමිෂන් සභාවේ විමර්ශන නිළධාරින් විසින් 2019.09.20 දින අත් අඩංගුවට ගෙන ඇත.

07 වසරට ළමයකු ඇතුලත් කිරිම වෙනුවෙන්, යාපනය හින්දු විද්‍යාලයේ විදුහල්පති විසින් රුපියල් 100,000/=ක මුදලක් අල්ලස් වශයෙන් අයැද ඉන් රුපියල් 50.000/=ක් පළමුව ලබාගෙන, ඉතිරි රුපියල් 50.000/=ක මුදල 2019.09.20 දින ඉල්ලා ලබාගත් අවස්ථාවේදි, අල්ලස් හෝ දුෂණ චෝදනා විමර්ශණ කොමිෂන් සභාවේ නිළධාරින් විසින් අත් අඩංගුවට ගෙන ඇත.