2020.10.12 වන දින ලද පැමිණිල්ලකට අනුව කටයුතු කළ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් 13.10.2020 දින සහාධිපත්‍ය කළමනාකරණ අධිකාරියේ නියෝජ්‍ය සාමාන්‍යාධිකාරී (නියාමන හා වැඩ ආවරණ) රු.25000/- ක් වූ මුදලක් තුටු පඩුරක් භාර ගැනීමේදී එම කාර්යාලය තුළදී අත්අඩංගුවට ගන්නා ලදී. පැමිණිලිකරු විසින් විකිනීමට ඉදිකරන ලද බද්ධ නිවාස 02ක් වෙනුවෙන් සහාධිපත්‍ය සහතිකය ලබා දීමට සැකකරු විසින් රු.25,000/- අල්ලස ඉල්ලා ඇත.

කණුපැලැල්ල,බදුල්ල ප්‍රදේශයේ පුද්ගලයකුගෙන් ලද පැමිණිල්ලකට අනුව රු. 300000/- ක මුදලක් අල්ලස් ලෙස ලබා ගැනීමේ චෝදනාව මත බණ්ඩාරවෙල පොලිස් විශේෂ අපරාධ විමර්ශන අංශයට අනුයුක්ත උප පොලිස් පරීක්ෂකවරයෙක් 2020.10.06 වන දින වැලිමඩ මහේස්ත්‍රාත් අධිකරණය අසල ඇති ආපනශාලාව තුලදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

වැලිමඩ මහේස්ත්‍රාත් අධිකරණයේ විභාගවෙමින් පවතින නඩුවක 12 වන චූදිත ලෙස පැමිණිලිකරු නම්කර ඇති අතර එයින් නිදහස්කර රජයේ සාක්ෂිකරුවෙකු වශයෙන් නම් කිරීමට සහ කෑගල්ල මහේස්ත්‍රාත් අධිකරණයේ විභාග වන නඩුවකටද පැමිණිලිකරුගේ සම්බන්ධයක් ඇති බව පවසා එම නඩුවෙන්ද සැකකරුවෙකු ලෙස නම් නොකර රජයේ සාක්ෂිකරුවකු කිරීම සඳහා අවශ්‍ය කටයුතු කරදීමට රු. 300000/= ක මුදලක් අල්ලස් ලෙස ඉල්ලා ලබා ගැනීමේදී සැකකරු මෙලෙස අත්අඩංගුවට ගන්නා ලදී.

කැලණිය, නාතුඩුව ප්‍රදේශයේ පදිංචිකාරියකගෙන් ලද පැමිණිල්ලකට අනුව රු. 5000/- ක මුදලක් අල්ලස් ලෙස ලබා ගැනීමේ චෝදනාව මත ජල සම්පාදන මණ්ඩලයේ කඩවත උප ඒකකයට  අයත් මනු කියවන්නෙක් හා අල්ලස් මුදල් ලබා ගැනීමට අනුබල දුන් ජල සම්පාදන මණ්ඩලයේ සේවය කර විශ්‍රාම ලබා  ඇති පුද්ගලයෙකු 2020.10.06 වන දින පැමිණිලිකාරියගේ නිවසේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

පැමිණිලිකාරියගේ නිවසට ලැබී ඇති 2020 සැප්තැම්බර් මසට අදාල ජල බිල්පතෙහි එම මාසෙට අදාල මුදල හා  අය විය යුතු මුලු මුදල අඩුකර ජල මීටරය ඒකක 77කින් අඩුකර ගෙවීය යුතු මුදල අඩු කිරීම සඳහා රු. 5000/= ක මුදලක් අල්ලස් ලෙස ඉල්ලා ලබා ගැනීමේදී සැකකරුවන් මෙලෙස අත්අඩංගුවට ගන්නා ලදී

පැමිණිලිකරුගේ බස් රථය කරදරයකින් තොරව බස්නැවතුම්පලේ නවතා නියමිත කාලය අවසන් වන තෙක් රදවා ගනිමින් මගීන් රැගෙන යාම වෙනුවෙන් රු100/=ක මුදලක් අල්ලස් වශයෙන් අයැද ඒම මුදල 2020.09.24 වන දින ඉල්ලා ලබා ගත් අවස්ථාවේදී, අල්ලස් හෝ දුෂණ චෝදනා විමර්ශණ කොමිෂන් සභාවේ නිළධාරින් විසින් අත්අඩංගුවට ගෙන ඇත.

පැමිනිලිකාරියගේ ස්වාමිපුරුෂයාගේ අහිමි වි ඇති රැකියාව නැවත ලබා ගැනිමට උදව් කිරිම වෙනුවෙන්,  ල.ග.ම.ට අළුතින් රැකියා ලබා දිමට පුද්ගලයින් දෙදෙනෙකු සොයා දෙන ලෙසටත් ඉන් එක් අයකුගෙන් රු 50.000/= බැගින් රු 100,000 /=ක් ඉල්ලා, ඉන් පළමුව රු 30,000/=ක මුදලක් අයැද එම මුදල 2020.09.13 වන දින ඉල්ලා ලබා ගත් අවස්ථාවේදි, අල්ලස් හෝ දුෂණ චෝදනා විමර්ශණ කොමිෂන් සභාවේ නිළධාරින් විසින් අත්අඩංගුවට ගෙන ඇත. 

අල්ලස් හෝ දූෂණ චෝදනා විමර්ශන කොමිෂන් සභාවට ලද පැමිණිල්ලකට අනුව රු. 60,000/- ක මුදලක් අල්ලස් ලෙස ලබා ගැනීමේ චෝදනාව මත පාර්ලිමේන්තුවේ සැපයුම් හා සේවා අංශයේ භාර ගැනීමේ නිලධාරියකු 2020.09.03 වන දින කඩුවෙල නගරයේදී මෙම කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින. පැමිණිලිකරු විසින් පාර්ලිමේන්තුවට දෛනිකව සපයන පළතුරු වලින් කොටසක් පරිභෝජනයට නුසුදුසු බව පවසා එම පලතුරු ප්‍රතික්‍ෂේප නොකර සිටීමට රු. 60,000/= ක මුදලක් අල්ලස් ලෙස ඉල්ලා ලබා ගැනීමේදී සැකකරු මෙලෙස අත්අඩංගුවට ගන්නා ලදී.

ගෝනපොල ප්‍රදේශයේ පුද්ගලයකු විසින් කරන ලද පැමිණිල්ලකට අනුව, ලිංගික අල්ලස් ඉල්ලීමේ චෝදනාව මත හොරණ පොලිස් ස්ථානයට අනුයුක්තව රාජකාරී කරනු ලබන උප පොලිස් පරීක්ෂකවරයෙක් 2020.08.26 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින. පැමිණිලිකාරියගේ පුතාගේ නැති වු, යතුරු පැදිය සම්බන්ධව කරන ලද පැමිණිල්ලේ පිටපතක් පැමිණිලිකාරියට ලබා දීමට අවශ්‍ය කටයුතු කර දීම වෙනුවෙන් ලිංගික අල්ලස් ඉල්ලා ලබා ගැනීමට තැත්කිරීමේදී ඉංගිරිය, නම්බපාන ප්‍රදේශයේදී මෙසේ අත් අඩංගුවට ගන්නා ලදි.

කොලොන්නාව ප්‍රදේශයේ පුද්ගලයකු විසින් කරන ලද පැමිණිල්ලකට අනුව රු. 9,000/- ක මුදලක් අල්ලස් ලෙස ලබා ගැනීමේ චෝදනාව මත හුණුපිටිය දුම්රිය ස්ථානයට අනුයුක්තව රාජකාරි කරන ලද “දුම්රිය පනිට්ටුකරු” 2020.08.19 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින. පැමිණිලිකරු විසින් ධාවනය කරන ලද ලොරි රථය හුණුපිටිය දුම්රිය හරස් මාර්ගයේ ධාවනය කළ අවස්ථාවේ ගේට්ටු සංඥා අණ නොතකා ධාවනය කිරීම මගින් දුම්රිය ගේට්ටුවට සිදු කරන ලද අලාභ හානිය දුම්රිය දෙපාර්තමේන්තුව වෙත වාර්තා නොකර සිටීමට හා නීති මගින් කටයුතු නොකර සිටීමට රුපියල් 9,000/-ක මුදලක් අල්ලස් ලෙස ඉල්ලා ලබාගත් අවස්ථාවේදී හුණුපිටිය ලක්පොහොර සංස්ථාව ඉදිරිපිටදී සැකකරු අත් අඩංගුවට ගන්නා ලදී.

මන්නාරම ප්‍රදේශයේ ගණකාධිකාරිවරයකු විසින් කරන ලද පැමිණිල්ලකට අනුව, රු60,000/- ක මුදලක් අල්ලස් ලෙස ලබා ගැනීමේ චෝදනාව මත ලංකා ගමනා ගමන මණ්ඩලයේ උතුරු පළාතේ වැඩ බලන ප්‍රධාන ප්‍රාදේශීය කළමණාකරු 2020.08.19 වන දින මන්නාරම පල්ලිමුනේ ප්‍රදේශයේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

පැමිණිලිකරුට එරෙහිව යාපනය ලංකා ගමනා ගමන මණ්ඩලයේ ප්‍රධාන කාර්යාලයේ නිලධාරින් විසින් සිදුකරනු ලබන විනය පරික්‍ෂණයෙන්, කොළඹ ප්‍රධාන කාර්යාලයේ නිලධාරින් ලවා පැමිණිලිකරුට එරෙහිව ඇති චෝදනා වලින් නිදහස් කරවා දීමට රු. 60,000/= ක මුදලක් අල්ලස් ලෙස ඉල්ලා ලබා ගැනීමේදී සැකකරු මෙලෙස අත්අඩංගුවට ගන්නා ලදී.

මැණික්හින්න, වලල ප්‍රදේශයේ පදිංචිකාරියක් විසින් ජනාධිපති මහජන පැමිණිලි අංශයට කරන ලද පැමිණිල්ලක් අල්ලස් හෝ දූෂණ චෝදනා විමර්ශන කොමිෂන් සභාවට යොමුු කිරීමෙන් පසුව සිදුකරන ලද වැටලීමකදී රු. 21,000/= ක මුදලක් අල්ලස් ලෙස ලබා ගැනීමේ චෝදනාව මත වරාය අධිකාරියේ හිටපු කම්කරුවකු 2020.08.18 වන දින මහනුවර, යටිනුවර වීදියේදි අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින. පැමිණිලිකාරියට ස්ථානමාරුවීමක් ලබා දීමට හා දිගන ප්‍රදේශයේ රජයේ ඉඩමක ඉඩම් කොටසක් ලබා දීමට අදාල අමාත්‍යංශය මගින් අවශ්‍ය කටයුතු කරදීම සඳහා රු. 26,000/= ක මුදලක් අල්ලස් ලෙස ඉල්ලා, ඉන් රු. 21,000/= ක මුදලක් ලබා ගැනීමේදී සැකකරු මෙලෙස අත්අඩංගුවට ගන්නා ලදී.

පැමිණිලිකරුට අයත් කුඹුරු ඉඩමක් ගොඩකිරීමට හා එම ඉඩමේ ගොඩනැගිල්ලක් ඉදි කිරීමට නාගරික සංවර්ධන අධිකාරියේ අනුමැතිය ලබා දීම සඳහා අවශ්‍ය කටයුතු කර දීම වෙනුවෙන් රුපියල් 50000/- ක මුදලක් අයැද එම මුදල 2020.08.18 දින ඉල්ලා ලබා ගත් අවස්ථාවේදී නාගරික සංවර්ධන අධිකාරියේ සැලසුම් නිළධාරියෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිළධාරීන් විසින් අත් අඩංගුවට ගෙන ඇත.

පුද්ගලයෙකු සදහා , හෙරොයින් මත්ද්‍රව්‍ය භාවිතා කිරීම සම්බන්ධව හා වෙළදාම් කිරීමට උදව් කිරීම සම්බන්ධව අත්අඩංගුවට නොගෙන සිටීමටත්, නීති මගින් කටයුතු නොකර සිටීමටත්, පොලිස් නිලධාරීයා භාරයට ගෙන ඇති එම පුද්ගලයාගේ මෙමරි කාඩ්පත ඉදිරියේදී නැවත ලබා දීමටත් යයි පවසා වරින් වර අල්ලස් ලෙස මුදල් ඉල්ලා ලබාගෙන , පසුව නැවත ඉහත පරිදිම ක්‍රියාකිරීමට යැයි පවසා අල්ලස් ලෙස රු.10000/- ක මුදලක් ඉල්ලා ලබාගැනීමේදී පොලිස් මත්ද්‍රව්‍ය කාර්යංශයට අනුයුක්ත පොලිස් කොස්තාපල් වරයකු මෙම කොමිෂන් සභාවේ නිලධාරීන් විසින් අත්අඩංගුවට ගන්නා ලදී.