නොච්චියාගම ප්‍රදේශයේ පුද්ගලයකු විසින් සිදු කරන ලද පැමිණිල්ලකට අනුව, අල්ලස් ලෙස මුදල් ඉල්ලා ලබා ගැනීමේ චෝදනාව මත ශ්‍රී ලංකා මහවැලි අධිකාරිය -නොච්චියාගම ඒකක වැඩබලන ඒකක කළමණාකරු2023.09.20 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින.

පදවිය ප්‍රාදේශිය ලේකම් කොට්ඨාසයේ ජනපද නිලධාරී 2023.08.25 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී, පදවිය, ශ්‍රී පුර ප්‍රදේශයේ පදිංචිකාරියක වන පැමිණිලිකාරියට හිමි පදවිය පාදේශිය ලේකම් කොට්ඨාශයේ ස්වර්ණභූමි ඔප්පුවක අයිතිය පැමිණිලිකාරියගේ ඥාතියකු වෙත පැවරීමට අවශ්‍ය කටයුතු කරදීම වෙනුවෙන් රුපියල් 25000/- ක (විසිපන්දහසක) මුදලක් අල්ලස් වශයෙන් ඉල්ලා ලබා ගන්නා අවස්ථාවේදී පදවිය - ශ්‍රී පුර ජනපද නිලධාරි කාර්යාලය තුලදී අත්අඩංගුවට ගන්නා ලදි.

අල්ලස් කොමිෂන් සභාවට ලද පැමිණිල්ලකට අනුව රු. 5000/- ක මුදලක් අල්ලස් ලෙස ඉල්ලා ලබා ගැනීමේ චෝදනාව මත, මතුගම ප්‍රාදේශීය ඉංජිනේරු කාර්යාලයේ සේවය කරනු ලබන කාර්මික නිලධාරියකු 2023.08.25 වන දින අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබීය.

ලංකා ගමනාගමන මණ්ඩලයේ දියසෙන්පුර උප ඩිපෝවේ ස්ථානභාර නිලධාරි 2023.08.24 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින. දියසෙන්පුර උප ඩිපෝවේ කොන්දොස්තරවරයකු වන පැමිණිලිකරුට විරුද්ධව ඔහු විසින් සමරි ටිකට් මගීන්ට නිකුත් කිරීම සම්බන්ධව ගොනු කර ඇති චෝදනා පත්‍රයට අදාලව පවත්වනු ලබන විනය පරීක්ෂණයේදී උසස් නිලධාරීන් මගින් පැමිණිලිකරුට වාසි වන සේ අඩු දඩුවමක් ලැබෙන ආකාරයට විනය පරීක්ෂණය සිදු කිරීමට උදව් කිරීම හා සැකකරුගේ සාක්ෂිය පැමිණිලිකරුට වාසි වන සේ ලබා දීම සදහා සැකකරු විසින් මුලින් රුපියල් 20,000.00ක් (විසිදහසක්) අල්ලස් වශයෙන් ඉල්ලා ලබාගෙන පසුව නැවත රුපියල් 60,000.00 (හැටදහසක) මුදලක් අල්ලස් වශයෙන් අයදින අවස්ථාවේදී හිගුරක්ගොඩ මැදිරිගිරිය මාර්ගයේ දිවුලන්කඩවල ප්‍රදේශයේදී අත්අඩංගුවට ගන්නා ලදි.

අල්ලස් හෝ දූෂණ චෝදනා විමර්ශන කොමිෂන් සභාව වෙත ලද පැමිණිල්ලකට අනුව සිදු කරන ලද වැටලීම් රාජකාරියේදී, අල්ලස් වශයෙන් මුදල් ඉල්ලා ලබා ගැනීමේ චෝදනා මත තෙල්දෙනිය කොට්ඨාස අපරාධ විමර්ශන ඒකකයට අනුයුක්තව සේවය කල පොලිස් කොස්තාපල්වරයෙකු හා ඒ සදහා ආධාර අනුබල දුන් පොලිස් සැරයන්වරයෙකු 2023.08.22 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

දඹදෙනිය ප්‍රදේශයේ පුද්ගලයකු විසින් සිදු කරන ලද පැමිණිල්ලකට අනුව, අල්ලස් ලෙස මුදල් ඉල්ලා ලබා ගැනීමේ චෝදනාව මත මරදාන පොලිස් ස්ථානයේ පරිසර අංශයේ ස්ථානාධිපති (උප පොලිස් පරීක්ෂක) 2023.07.20 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින.

ශ්‍රී ලංකා වරාය අධිකාරියේ සභාපති ලෙස කටයුතු කළ ප්‍රියත් බන්දු වික්‍රමමුණි, බහාලුම් මෙහෙයුම් උපකරණ ක්‍රියාකරු ලෙස කටයුතු කළ ආර්.බී. සංජය කුමාර යන අයට සහ කළමනාකරණ අධ්‍යක්ෂ ලෙස කටයුතු කළ ආර්. සී. ඩබ්ලිව්. එම්. නිහාල් කැප්පෙටිපොළ යන අයට විරුද්ධව අල්ලස් හෝ දූෂණ චෝදනා විමර්ශන කොමිෂන් සභාව අද දින කොළඹ මහාධිකරණයේ දී අධිචෝදනා ගොනු කිරීමට කටයුතු කර ඇත.

අවිස්සාවේල්ල ප්‍රදේශයේ පුද්ගලයකු විසින් කරන ලද පැමිණිල්ලකට අනුව, අල්ලස් ඉල්ලා ලබාගැනීමේ චෝදනාව මත අවිස්සාවේල්ල නගර සභාවේ වැඩබලන ලේකම් සහ ආදායම් පරීක්ෂකවරයා 2023.06.23 දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත් අඩංගුවට ගනු ලැබින.

ශ්‍රී ලංකා ගමනාගමන මණ්ඩලයට අයත් පානදුර ඩිපෝවේ රියදුරුවරයකු විසින් සිදුකරන ලද පැමිණිල්ලකට අනුව, අල්ලස් ලෙස මුදල් ඉල්ලා ලබා ගැනීමේ චෝදනාව මත ශ්‍රි ලංගම කළුතර ප්‍රාදේශීය කාර්යාලයේ ධාවන කළමනාකරු 2023.06.15 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින.

ශ්‍රී ලංකා ගමනාගමන මණ්ඩලයට අයත් පොතුවිල් ඩිපෝවේ කොන්දොස්තරවරයෙකු විසින් සිදුකරන ලද පැමිණිල්ලකට අනුව, අල්ලස් ලෙස මුදල් ඉල්ලීමේ හා ලබා ගැනීමේ චෝදනාව මත සමස්ථ ලංකා මෝටර් සේවක වෘත්තීය සමිති ප්‍රධාන ලේකම් (ජ්‍යෙෂ්ඨ ඩිපෝ පරීක්ෂක) 2023.06.12 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබිණ.

අම්බලන්තොට, බැරගම ප්‍රදේශයේ පුද්ගලයකු විසින් කරන ලද පැමිණිල්ලකට අනුව, අල්ලස් ඉල්ලීමේ හා ලබාගැනීමේ චෝදනාව මත සූරියවැව ප්‍රාදේශීය සභා ලේකම්වරයා 2023.06.07 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින.

අලවතුගොඩ ප්‍රදේශයේ පුද්ගලයකු විසින් කරන ලද පැමිණිල්ලකට අනුව, අල්ලස් ඉල්ලා ලබාගැනීමේ චෝදනාව මත අලවතුගොඩ ගොවිජන සේවා මධ්‍යස්ථානයේ නිලධාරීන් දෙදෙනෙකු 2023.06.05 දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත් අඩංගුවට ගනු ලැබින.