නීති විරෝධී පස් කැපීමකට අදාළව බැඳිගම, දකුණ ප්‍රදේශයේ දී සිදු කරන ලද වැටලීමක දී, අත්අඩංගුවට ගන්නා ලද පුද්ගලයන් සහ නඩු භාණ්ඩ අධිකරණයට ඉදිරිපත් කර නීති මඟින් කටයුතු නොකිරීම සඳහා පන්නිපිටිය, රුක්මලේ ප්‍රදේශයේ පදිංචිකරුවෙකු වූ චූදිත විසින් රු.25,000/ - (රුපියල් විසිපන්දහස) ක මුදලක් පිරිනැමීමට තැත් කර ඇත.

හිටපු ජනපති කාර්ය මණ්ඩල ප්‍රධානී අයි. එච්. කේ. මහානාම හා රාජ්‍ය දැව සංස්ථාවේ හිටපු සභාපති පී. දිසානායක යන පුද්ගලයින්ට විශේෂ ස්ථිර ත්‍රි පුද්ගල මහාධිකරණයේ පැවති නඩු විභාගයෙන් පසුව ලබා දුන් තීන්දුව අනුව, ආචාර්ය අයි.එච්.කේ. මහානාමට වසර 20ක බරපතල වැඩ සහිත සිර දඩුවම්ද, රු.65,000/-ක දඩයක්ද, රු. මිලියන 20ක දණ්ඩනයක්ද නියම වූ අතර පී. දිසානායක යන අයට වසර 12ක බරපතල වැඩ සහිත සිර දඩුවම් හා රු.55,000/-ක දඩයක් නියම විය.

ත්‍රස්තවාදී ක්‍රියා සම්බන්ධයෙන් සැක පිට අත්අඩංගුවේ රඳවා සිටි පුද්ගලයකු නිදහස් කිරීම සඳහා පෙළඹවීමක් ලෙස, රුපියල් ලක්ෂ පහක මුදලක් පිරිනැමීමට පොරොන්දු වී, එයින් රුපියල් දෙලක්ෂ පනස් දහසක මුදලක් හොරොව්පතාන පොලිස් ස්ථානාධිපතිවරයාට පිරි නැමීමෙන් අල්ලස් වරදවල් සිදු කළ තැනැත්තෙකු මහාධිකරණයේ දී වරද පිළිගන්නා ලදී.

2021.08.06 වන දින කොළඹ මහාධිකරණ විනිසුරු ගරු ඒ.කේ.එම්. පටබැඳිගේ මහතා විසින් මාතර දිස්ත්‍රික් කම්කරු කාර්යාලයේ සේවය කළ එච්.එන්. සුනිල්ලාල් නමැති කම්කරු නිලධාරියෙකුට, අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් විසින් එකී කම්කරු නිලධාරියාට එරෙහිව ඉදිරිපත් කළ අධිචෝදනා පත්‍රයේ සියලුම චෝදනාවන්ට වරදකරු කරමින් තීන්දුවක් නිකුත් කරන ලදී.

සෞඛ්‍ය අමාත්‍යාංශයේ කළමනාකාර සහකාර ලෙස සේවයේ යෙදී සිටි නිලධාරියෙකු, විශේෂඥ වෛද්‍යවරයකුගේ විදේශ නිවාඩු කාලයට අදාළ වැටුප සකස් කර දීම සඳහා පෙළඹවීමක් හෝ ත්‍යාගයක් වශයෙන් රුපියල් 20,000/= ක මුදලක් ඉල්ලා ලබා ගැනීම සම්බන්ධයෙන් නඩු පවරන ලද අතර, චූදිත චෝදනා පත්‍රයේ සඳහන් චෝදනා 4 ටම වරද පිළිගෙන ඇත. එක් චෝදනාවකට මාස 6 බැගින් බරපතල වැඩ සහිත සිර දඬුවම් නියමකර, එය අවුරුදු 5 ක කාලයක් සඳහා අත්හිටුවන ලදී.

සෞඛ්‍ය අමාත්‍යාංශයේ කළමනාකාර සහකාර ලෙස සේවයේ යෙදී සිටි නිලධාරියෙකු, විශේෂඥ වෛද්‍යවරයකුගේ විදේශ නිවාඩු කාලයට අදාළ වැටුප සකස් කර දීම සඳහා පෙළඹවීමක් හෝ ත්‍යාගයක් වශයෙන් රුපියල් 20,000/= ක මුදලක් ඉල්ලා ලබා ගැනීම සම්බන්ධයෙන් නඩු පවරන ලද අතර, චූදිත චෝදනා පත්‍රයේ සඳහන් චෝදනා 4 ටම වරද පිළිගෙන ඇත. එක් චෝදනාවකට මාස 6 බැගින් බරපතල වැඩ සහිත සිර දඬුවම් නියමකර, එය අවුරුදු 5 ක කාලයක් සඳහා අත්හිටුවන ලදී. එමෙන්ම එක් චෝදනාවක් සඳහා රු.5000/= බැගින් චෝදනා 04 සඳහා රු.20,000/= ක දඩ මුදලක් ද, එය නොගෙවන්නේ නම් එක් චෝදනාවකට මාසය බැගින් මාස 04 ක සිර දඬුවම් ද නියම කරන ලදී. තවද අල්ලස් ලෙස අයදින ලද රු.20,000/= ක මුදල දණ්ඩනයක් ලෙස ගෙවීමට නියම කර ඇත. කොළඹ මහාධිකරණ අංක 05 හි ගරු විනිසුරු මංජුල තිලකරත්න මැතිතුමා විසින් 2021.03.23 දින මෙම තීන්දුව දෙන ලදී.

යාපනය මහේස්ත්‍රාත් අධිකරණයට අනුයුක්තව සිටි පොලිස් නිලධාරියෙකු කොළඹ ප්‍ර‍ධාන මහේස්ත්‍රාත් ලංකා ජයරත්න මෙනවිය විසින් අල්ලස් චෝදනාවට වරදකරු කරන ලදී. අල්ලස් හෝ දූෂණ චෝදනා විමර්ශන කොමිෂන් සභාව විසින් ගොනුකර තිබූ චෝදනා 4න් 2කට සැකකරු වරදකරු කරනු ලැබූ අතර 2කට නිදොස් කරන ලදී. සෑම චෝදනාවකටම වසර බැගින් ලිහිල් සිර දඩුවම් නියම කෙරුණි. එමෙන්ම රු.10,000/- ක දඩයක් හා රු.500/- ක දණ්ඩනයක් නියම කළ අතර එය නොගෙවන්නේ නම් මාසයක ලිහිල් සිර දඩුවම් නියම කරන ලදී.

තවදුරටත් කියවන්න

පොලිස් නිලධාරියෙකුට අල්ලස් ලබා දීමට තැත්කළ තැනැත්තෙකු ප්‍ර‍ධාන මහේස්ත්‍රාත් අධිකරණයේ පැවති නඩුවකදී වරද පිළිගත් බැවින් වසර1ක බරපතල වැඩ සහිත සිර දඩුවම් නියම විය. එය වසර 5කට අත්හිටවූ අතර රු.5000/- ක දඩයක් නියම විය. එය නොගෙවන්නේ නම් මාස 1ක බරපතල වැඩ සහිත සිර දඩුවම් ද නියම කරන ලදී. මෙම තීන්දුව අධිකරණය විසින් 2019.12.03 දින ලබා දෙන ලදී.  

දොම්පේ කුඹල්විල වත්ත, අංක 320 ලිපිනයෙහි පදිංචි විතානගේ දිනේෂ්  චන්දන යන අය ගංජා ලග තබා ගැනීමේ වරදට නීති මගින්  කටයුතු නොකර සිටීම සඳහා  රු. 10,000/= ක මුදලක් ඉල්ලා ඉන් රු. 5,000/= ක මුදලක් එදිනම ලබාගෙන ඉතිරි රු. 5,000/= ක මුදල සම්බන්ධයෙන් අල්ලස් කොමිසමට කරන  ලද පැමිණිල්ලට අනුව සංවිධානය කරන ලද වැටලීමේදී අල්ලස් නිලධාරීන් ඉදිරිපිට ඉතිරි රු. 5,000/= ක මුදල ලබා ගත් බවට අධි චෝදනා ගොණු කරන ලද අතර එකී අධි චෝදනා පත්‍රයේ සඳහන් 01 – 08 දක්වා වූ චෝදනා සඳහා චූදිත තැනැත්තා වන දෙල්ගොඩ, පොල්හේන හන්දිය, බැලුම්මහර, අංක 165 ඩී, හි පදිංචි ජයවර්ධන මුදියන්සේලාගේ නිමල් රත්නායක යන (පොලිස් කොස්තාපල්, 43903, දොම්පෙ පොලස් ස්ථානය) අය වරද පිළිගන්නා ලදී.

කිරිබත්ගල, වටාපත, පදිංචි පැමිණිලිකරු භුක්ති  විදින රජයේ කුඹුරු ඉඩම සඳහා නීත්‍යායානුකූලව ඔප්පුව සකස් කර දීමට අවශ්‍ය ලිපියක් සකස් කිරීමට රු. 5,000/= මුදලක් අල්ලස් වශයෙන් අයැද ලබාගන්නා ලද රත්නපුර ඉඩම් ප්‍රතිසංස්කරණ කොමිෂන් සභාවේ කළමනාකරණ සහකාර, ඕමල්පේ දයාරත්න යන අය දීර්ඝ නඩු විභාගයකින් අනතුරුව වැරදිකරු කරන ලදී.

නිර්නාමික පෙත්සමක් මත, අල්ලස් කොමිසම මෙහෙයවූ වත්කම් විමර්ශනයක් පිලිබඳ නඩුවේ තීන්දුව 2020.06.12 දින , චුදිත එනම් විදුලි බල මණ්ඩලයේ රත්නපුර කාර්යාලයේ සැපයුම් සහකාර විජේකෝන් මුදියන්සේලාගේ සුමනසේකර යන නිලධාරියා වරද කරු කර ප්‍රකාශයට පත් කරන ලදී.

හෝමාගම දිසා/මහේස්ත්‍රාත් අධිකරණයේ නඩු අංක 13774 විශේෂ නඩුවේ පාර්ශවයක් වූ කැලණියගේ දීපිකා ශ්‍යාමලී ජයවීර යන අයට පක්‍ෂග්‍රාහී තීන්දුවක් ලබාදීම සඳහා පෙළඹවීමක් හෝ ත්‍යාගයක් වශයෙන් රුපියල් ලක්ෂ තුනක  මුදලක් එකී තැනැත්තියගෙන්  අයදිම, භාරගැනීම, කුමන්ත්‍රණය කිරීම සහ අනුබල දීමේ චෝදනාවන්ට මෙම නඩුවේ 01 වන චුදිත වූ හිටපු හෝමාගම දිසා/මහේස්ත්‍රාත් වූ හේරත් පතිරණලාගේ සුනිල් වික්‍රම අබේසිංහ සහ ඉහත 01 වන චුදිත ගේ පෞද්ගලික ආරක්ෂක වූ මෙම නඩුවේ දෙවන චුදිත වන පොලිස් කොස්තාපල්  65303 මොහොප්පු ගමගේ මහින්ද කිත්සිරි යන චුදිතයන්ට 2020.02.20 වන අද දින කොළඹ මහධිකරන ගරු විනිසුරු ආදිත්‍ය පටබැඳිගේ මහතා විසින් සියලු චෝදනාවන්ට වරද කරුවන් කරන ලදී.ඒ අනුව පලවන චුදිතට 01.,02,04 සහ 05 යන චෝදනාවන්ට වෙන්වෙන්ව වසර 04 බැගින් බරපතලවස්ද සහිතව වූ වසර 16 කසිර දඩුවම් නියම කරන ලදී. ඊට අමතරව එක් චෝදනාවකට 5000 බැගින් චෝදනා 04 කට රුපියල් 20000 ක දඩ මුදලක් නියම කරන ලද අතර එය නොගෙවන්නේ නම් වසර 01 ක බැගින් බරපතල වැඩ සහිත වූ සිර දඩුවම්නියම කරන ලදී. එසේම අල්ලස් පනතේ 26 වන වගන්තිය අනුව අල්ලස් වශයෙන් ලබා ගන්නා ලද රුපියල් ලක්ෂ තුනක මුදල දණ්ඩනයක් වශයෙන් නියම කරන ලදී. එය නොගෙවන්නේ නම් වසර දෙකක බරපතල වැඩ සහිත වූ දඩුවම් නියම කරන ලදී.