ප්‍රවේශ මාර්ගයක් ඉදිකිරීම සදහා අනුමැතිය ලබා දීමට රු.මිලියන 3ක අල්ලසක් ඉල්ලා ලබා ගැනීම සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් කළුතර ප්‍රාදේශීය සභාවේ සභාපති ලක්‍ෂ්මන් විධානපතිරණට විරුද්ධව නඩු පවරනු ලැබ තිබූණි. අල්ලස් හෝ දූෂණ චෝදනා විමර්ශන කොමිෂන් සභාව විසින් සිදුකළ වැටලීමකදී මොහු අත්අඩංගුවට ගනු ලැබිණි.

අල්ලස් කොමිසමට ලද නිර්නාමික පැමිණිල්ලකට මෙහෙයවනු ලැබූ නඩු වකට 2019-02-01 වන දින කොළඹ මහේස්ත්‍රාත් පුර්වගාමී විනිසුරු දුලානි අමරසිංහ මැතිනිය විසින් හිඟුරක්ගොඩ හිටපු ප්‍රාදේශීය ලේකම් ඩබ්ලිව්.ගුනවර්ධන යන අයට වසර 02 ක  බරපතල වැඩ සහිත සිර දඩුවම් නියම කර එය වසර 05 කට අත්හිටුවන ලදී.මීට අමතරව රු.100,000 ක දඩ මුදලක්ද එය නොගෙවන්නේ නම් මස 06ක ලිහිල් වැඩ සහිත සිර දඩුවම්නියම කරන ලදී.

ගොකරැල්ල පොලිස් ස්ථානයට අනුයුක්තව පොලිස් සැරයන් වරයෙකු ලෙස සේවය කළ තැනැත්තෙක් රු.5000ක මුදලක් අල්ලස් වශයෙන් ලබා ගැනීමේ වරද නිසා අල්ලස් කොමිසම් සභාව විසින් චෝදනා 4 ක් යටතේ ගොනු කරන ලද අධි චෝදනා පත්‍රයේ සියලු චෝදනා සඳහා  ඒ තැනැත්තාව කොළඹ මහාධිකරණය විසින් වරදකරු කර ඇත.

මස්කෙළිය පශු වෛද්‍ය කාර්යාලයට අනුයුක්තව සත්ව සංවර්ධන උපදේශකවරයෙක් සේවය කළ තැනැත්තෙක් රු.5000ක මුදලක් අල්ලස් වශයෙන් ලබා ගැනීමේ වරද නිසා කොළඹ මහාධිකරණය විසින් ඒ තැනැත්තාව වරදකරු කර ඇත.

යතුරු පැදිකරුවකුගෙන් රු.3000ක අල්ලසක් ඉල්ලු පොලිස් නිලධාරියෙකුට වසර 4ක බරපතල වැඩ සහිත සිර දඩුවම් හා රු.20,000ක දඩයක් නියම කෙරුණි. චූදිත පොලිස් නිලධාරියා ගිරාදුරුකෝට්ටේ පොලීසියට අනුයුක්තව සේවය කරමින් සිටියදී වයස අවුරුදු 6ක දරුවකු අනතුරකට භාජනය කළ යතුරුපැදිකරුවකුගෙන් රු.3000ක අල්ලසක් ඉල්ලා ඇත. අල්ලස නොගෙවන්නේ නම් යතුරුපැදිකරුට විරුද්ධව පියවර ගන්නා බවට මෙම පොලිස් නිලධාරියා විසින් පවසා ඇත.

චූදිත විසින් 2005.03.31-2006.03.31 අතර කාලය තුලදී රු. ලක්ෂ 35 කට ආසන්න මුදලක් ඔහුගේ දැනගත් ආදායමට වඩා වැය කර තිබීම නැතහොත් වත්කම් රැස් කිරීම හේතුවෙන් අල්ලස් කොමිසන් සභාව ගොනුකරනු ලැබූ නඩුවෙන් නාවික ඉංජිනේරු සහකාරවරයෙකුට රු.ලක්ෂ 35 ක දඩ නියම විය.

නඩු අංකය - B/1928/12

ගරු මහාධිකරණ විනිසුරුතුමා විසින් අනුරාධපුර දේශිය ආදායම් දෙපාර්තමේන්තුවේ හිටපු තක්සේරුකරුවෙකුට රුපියල් 15000ක අල්ලසක් ලබා ගැනිමට අවුරුදු 14ක බරපතල වැඩ සහිත සිර දඩුවම් නියම කරන ලදි.