හිටපු පාර්ලිමේන්තු මන්ත්‍රී සරණ ගුණවර්ධන යන අය සංවර්ධන ලොතරැයි මණ්ඩලයේ සභාපතිවරයා වශයෙන් කටයුතු කිරීමේදී ඔහුගේ වර්තමාන බිරිඳගෙන් සංවර්ධන ලොතරැයි මණ්ඩලයට කුලී පදනම මත වාහන ලබාගැනීමේදී රැපියල් හයලක්‍ෂ තිස්පන්දහසක් බැගින් වටානකමින් යුතු වාහන 03ක් සඳහා රුපියල් නවලක්‍ෂ හැටදහස බැඟින් බදු අත්තිකාරම් ගෙවීමට සංවර්ධන ලොතරුයි මණ්ඩලයේ නිළධාරීන් පෙළඹවීමෙන් දූෂණය නැමැති වරද සිදු කළ බවට සරණ ගුණවර්ධනට චෝදනා නගා තිබිණි.

ගෝන මස් සන්තකයේ තබා ගැනීමට විරුද්ධව නීතිමය පියවර ගැනීමෙන් වැලකී සිටීමට අරලගන්විල හෝටල් හිමියෙකුගෙන් 2009 වසරේදී රු.10,000/- අල්ලසක් ඉල්ලා එය ලබාගත් අරලගන්විල පොලිස් ස්ථානයේ උප පොලිස් පරික්‍ෂකවරයෙකු හා පොලිස් කොස්තාපල්වරයෙකු අදාල වැරදි සම්බන්ධව වරදකරුවන් බවට පත්කරන ලදී.

හිටපු ජනපති කාර්ය මණ්ඩල ප්‍රධානී I.H.K. මහානාම හා රාජ්‍ය දැව සංස්ථාවේ හිටපු සභාපති P. දිසානායක යන පුද්ගලයින්ට විශේෂ මහා අධිකරණයේ පැවති නඩු විභාගයෙන් පසුව ලබා දුන් තීන්දුව දූෂණ විරෝධී යාන්ත්‍රනය දිරිගැන්වීමක් බව ට්‍රාන්ස්පේරන්සි ඉන්ටනැෂනල් ශ්‍රී ලංකා (TISL) ආයතනය පවසයි. ඉන්දීය ව්‍යාපාරිකයකුගෙන් ලද පැමිණිල්ලක් අනුව අල්ලස් හෝ දූෂණ චෝදනා විමර්ශන කොමිසම (CIABOC) සිදු කරන ලද වැටලීමකින් ඔවුන් දෙදෙනා රුපියල් මිලියන 100 අල්ලසක් ඉල්ලා සිටීම හා එම මුදලින් රුපියල් මිලියන 20 අත්තිකාරමක් ලබා ගැනීම යන චෝදනා මත අත්අඩංගුවට පත් වුහ. විශේෂ මහා අධිකරණයෙදී වරදකරුවන් බවට පත්වූ ඔවුන් දෙදෙනාට පිළිවෙලින් වසර 20 හා වසර 12 සිර දඬුවම් නියම වුනි.

10වන සැතපුම් කණුව සෙවනගල පොලීසියට අනුයුක්තව සිටි පොලිස් සැරයන් කේ. කේ බුද්ධදාස නමැති චූදිතට විරුද්ධව අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්‍ෂ ජනරාල් විසින් ගොනු කළ අධිචෝදනා පත්‍රයෙහි චෝදනා හතරට කොළඹ මහාධිකරණ ගරු විනිසුරු ඒ. කේ. එම්. පටබැදිගේ මහතා විසින් 2019.12.12 දින වරදකරු කරන ලදී.

නැසීගිය අනුර බණ්ඩාරනායක මහතා විසින් අල්ලස් කොමිසම වෙත සිදුකරන ලද පැමිණිල්ලක් අනුව එම කොමිසම විසින් විමර්ශන සිදුකරන ලදුව සතොස වැඩබලන සාමාන්‍යාධිකාරී විමල් පෙරේරා මහතාට එරෙහිව දූෂණ වරද යටතේ අධිකරණයේ නඩු පවරන ලදී.

සිවිල් වැසියෙකුගෙන් රු. 450,000 ක අල්ලසක් ඉල්ලා එය ලබාගත් ග්‍රාම නිළධාරීවරයෙකු වරදකරු කරන ලද අතර ඔහුට එරෙහිව වසර දෙකක බරපතළ සිරදඬුවමක් හා රු. 10,000ක දඩයක්ද නියම කරන ලදී.

කොළඹ මහාධිකරණ විනිසුරු ප්‍රදිප් හෙට්ටිආරච්චි මහතා විසින් 2019.07.23 වන දින කහවත්ත පොලිස් ස්ථානයේ පොලිස් සැරයන්වරයෙකු වූ ආර්.එම්. ජයසේන යන අයට එරෙහිව අල්ලස් හෝ දූෂණ චෝදනා කොමිෂන් සභාවේ අධ්‍යක්ෂ ජනරාල්වරයා විසින් ගොනු කරන ලද අධිචෝදනා පත්‍රයේ චෝදනා 04ටම වරදකරු කරන ලදී.

පුත්තලම දිසා/මහේස්ත්‍රාත් අධිකරණයට අනුයුක්තව අධිකරණ කළමනාකරණ සහකාරවරයෙක් වශයෙන් සේවය කළ තැනැත්තෙක් රු.4500ක මුදලක් අල්ලස් වශයෙන් ලබා ගැනීමේ වරද නිසා කොළඹ මහාධිකරණය මගින් ඒ තැනැත්තාව වරදකරු කර ඇත.

කොළඹ මහාධිකරණ විනිසුරු ගිහාන් කුලතුංග මහතා විසින් අද දින (2019.07.04) අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල්වරයා විසින් ගොනු කරන ලද අධි චෝදනාවක් මත පවත්වන ලද නඩු විභාගයෙන් අනතුරුව එම නඩුවේ 01 වන චූදිත වූ දැරණියගල ප්‍රාදේශීය සභාවේ හිටපු සභාපති අනිල් චම්පික විජේසිංහ යන අයට එරෙහිව එකී අධි චෝදනා පත්‍රයේ පැවති 01, 02, 05 සහ 06 යන චෝදනාවන් සියල්ලටම වරදකරු කරන ලද අතර එකී එක් චෝදනාවකට වසර 6 බැගින් වසර 24 ක බරපතල වැඩ සහිත වූ සිර දඩුවම් නියම කරන ලදී. එසේම එක් චෝදනාවකට රු: 5,000/- බැගින් චෝදනා 4 ට රු: 20,000/- ක දඩ මුදලක් නියම කරන ලදී. එකී දඩ මුදල නොගෙවයි නම් එක් චෝදනාවකට වසර බැගින් බරපතල වැඩ සහිත සිර දඬුවම් නියම කරන ලදී. අල්ලස් පනතේ 26 වන වගන්තිය යටතේ රුපියල් ලක්ෂ 04 ක් වූ මුදලක් දණ්ඩනයක් වශයෙන් ගෙවන ලෙසට නියම කරන ලද අතර එය නොගෙවන්නේ නම් අමතර වසර 01 ක බරපතල වැඩ සහිත සිර දඬුවම් නියම කරන ලදී. මෙම නඩුවේ පැමිණිලිකාරියට රුපියල් 250,000/- ක් වූ වන්දියක් ගෙවන ලෙසටද එකී වන්දිය නොගෙවයි නම් තවත් වසර 02 ක බරපතල වැඩ සහිත සිර දඬුවම්ද නියම කරන ලදී.

සිය ගරාජයේ සේවකයන්ට සේවක අර්ථසාධක අරමුදල් නොගෙවීම සම්බන්ධයෙන් නීතිමය කටයුතු නොකර සිටීමට රු.150,000/- ක අල්ලසක් ඉල්ලා ලබාගත් මාතලේ දිස්ත්‍රික් කම්කරු කාර්යාලයේ කම්කරු නිලධාරියෙකුට විරුද්ධව අල්ලස් හෝ දූෂණ චෝදනා විමර්ශන කොමිෂන් සභාව විසින් මහාධිකරණයේ නඩු පවරා තිබුණි. අල්ලස් හෝ දූෂණ චෝදනා විමර්ශන කොමිෂන් සභාව විසින් සිදුකරන ලද වැටලීමකින් මෙම චූදිතයා අත්අඩංගුවට ගන්නා ලදී.

නඩු අංකය 6835/2012
චුදිත - එස්.වී.පී.හෙක්ටර් ධර්මසිරි