අල්ලස් හෝ දුෂණ චෝදනා විමර්ශන කොමිෂන් සභාවේ රහසිගත හා බුද්ධි විමර්ශන ඒකකය වෙත ලද තොරතුරක් මත ශ්‍රි ලංකා රේගුවේ නිෂ්කාශනය නොවු වාහන සම්බන්ධයෙන් සිදු කරන ලද විමර්ශනය මගින් භාරයට ගන්නා ලද මිට්ෂුබිසි ජිප් රථයක් අධිකරණ නියෝග පරිදි 2024.10.11 වන දින භාර දෙන ලද අතර එම වාහනය කොළඹ ප්‍රධාන මහේස්ත්‍රාත් වෙත ඉදිරිපත් කිරිමෙන් අනතුරව ඉදිරි රේගු විමර්ශන සදහා ශ්‍රි ලංකා රේගුව වෙත භාර ගන්නා ලෙසට කොළඹ ප්‍රධාන මහේස්ත්‍රාත් තිළිණ ගමගේ මැතිතුමන් විසින් නියෝග ලබාදෙන ලදි.
මෙම වාහනය අනීතිකව ලියාපදිංචි කිරීම හේතුවෙන් රජයට ආසන්න වශයෙන් මිලියන පහකට අධික බදු පාඩුවක් සිදුව ඇත. අදාළ වාහන ආනයනය කිරිම සදහා සහාය වු රේගු නිලධාරින් හා වාහන ලියාපදිංචිය සදහා සහාය වු මෝටර් රථ ප්‍රවාහන දෙපාර්තමේන්තු නිලධාරින් සම්බන්ධයෙන් කඩිනමින් විර්ශන සිදු කර ඔවුන්ව අත් අඩංගුවට ගෙන අධිකරණය වෙත ඉදිරිපත් කරන ලෙසට අල්ලස් හෝ දුෂණ චෝදනා විමර්ශන කොමිෂන් සභාවේ රහසිගත හා බුද්ධි විමර්ශන ඒකකය වෙත නියෝග කරන ලද අතර මෙම නඩුව 2025.01.17 දිනට නැවත කැදවිමට නියෝග ලබා දෙන ලදි.
