ශ්‍රී ලංකා පොලිස් දෙපාර්තමේන්තුවේ නිලධාරීන් සඳහා දූෂණ නිවාරණ දැනුවත් කිරීමේ වැඩසටහනක් 2026 මැයි 09 වන දින සාර්ථකව පවත්වන ලදී. මෙම වැඩසටහන කොළඹ පිහිටි ශ්‍රී ලංකා පොලිස් මූලස්ථානය විසින් සංවිධානය කර තිබූ අතර, ජ්‍යෙෂ්ඨ පොලිස් අධිකාරී චන්දන හේරත් මහතාගේ සම්බන්ධීකරණයෙන් ක්‍රියාත්මක කරන ලදී. මෙම වැඩසටහන මෙහෙයවනු ලැබුවේ අල්ලස් හෝ දූෂණ චෝදනා විමර්ශන කොමිෂන් සභාවේ-(CIABOC) දූෂණ නිවාරණ නිලධාරී සම්පත් ආරච්චිගේ මහතා විසිනි.

කුරුණෑගල දිස්ත්‍රික්කයෙහි ක්‍රියාකාරී රාජ්‍ය නොවන සංවිධාන, සිවිල් සමාජ ක්‍රියාකරුවන්, මාධ්‍යවේදීන්, තරුණ හා කාන්තා කණ්ඩායම් සඳහා අල්ලස හා දූෂණය නිවාරණය පිළිබඳ දැනුවත් කිරීමේ වැඩසටහනක් පසුගිය 2026 මැයි මස 16 දින දී සාර්ථකව පැවැත්වීය.

අල්ලස් හෝ දූෂණ චෝදනා විමර්ශන කොමිෂන් සභාවේ දූෂණ නිවාරණ අංශය සහ සෞඛ්‍ය අමාත්‍යංශය ඒකාබද්ධව සිදු කරනු ලබන සෞඛ්‍ය අංශයේ ආවරණය නොවූ හා වැඩි අවදානම් සහිත අංශයන් හඳුනාගෙන, පළාත් මට්ටමින් මහජන සෞඛ්‍ය පරීක්ෂකවරුන්ගේ අල්ලස හා දූෂණය පිළිබඳ දැනුවත්භාවය හා ධාරිතා වර්ධනය කිරීමේ දීපව්‍යාප්ත වැඩසටහනේ පළමු වැඩමුළුව 2026.05.20 සහ 2026.05.21 යන දිනයන්හි දී වයඹ පළාත මුල් කරගනිමින් වයඹ ප්‍රධාන ලේකම් කාර්යාලයේ, කළමණාකරණ සංවර්ධන හා පුහුණු ඒකකයේ, නියෝජ්‍ය ප්‍රධාන ලේකම්ගේ (පුහුණු) සම්බන්ධීකරණයෙන් වාරියපොළ, වයඹ පුහුණු ආයතනයේ දී සාර්ථකව පවත්වා අවසන් කරන ලදි. මේ සඳහා වයඹ පළාත නියෝජනය කරමින් මහජන සෞඛ්‍ය පරීක්ෂකවරුන් 150 ක පමණ පිරිසක් සහභාගී වන ලදි.

නවක කම්කරු නිලධාරීන් සඳහා අල්ලස හා දූෂණය නිවාරණය පිළිබඳ දැනුවත් කිරීමේ වැඩසටහනක් පසුගිය 2026 මැයි මස 08 දින කම්කරු මහ ලේකම් කාර්යාලයේ, ජාතික ශ්‍රම අධ්‍යයන ආයතනයේ දී සාර්ථකව පැවැත්වීය.

යාපනය ආරක්ෂක සේනා මුලස්ථානයෙහි සේවයේ නියුතු නිලධාරීන් හා සෙසු නිලයන් 300 දෙනෙකු සඳහා දූෂණ විරෝධී පනතේ නීතිමය තත්ත්වය පිළිබඳ දැනුවත් කිරීමේ දේශනයක්, 2026 මැයි 13 වන දින එම මුලස්ථාන ශ්‍රවණාගාරයේ දී පැවැත්වුණි.

කිලිනොච්චිය, පළමුවන බලකායෙහි සේවයේ නියුතු නිලධාරීන් හා සෙසු නිලයන් 120 දෙනෙකු සඳහා දූෂණ විරෝධී පනතේ නීතිමය තත්ත්වය පිළිබඳ දැනුවත් කිරීමේ දේශනයක්, 2026 මැයි 12 වන දින එම බලකා ශ්‍රවණාගාරයේ දී පැවැත්වුණි. මෙම බලකායේ අභ්‍යන්තර කටයුතු ඒකකය විසින් මෙය සංවිධනය කර තිබුණි.

ශ්‍රී ලංකා වෙරළ ආරක්ෂක දෙපාර්තමේන්තුවේ මාතර පිහිටි ශ්‍රවණාගාරයේදී 2026 මැයි 07 දින දූෂණ නිවාරණ වැඩසටහනක් සාර්ථකව පැවැත්වුණි. මෙම වැඩසටහන ශ්‍රී ලංකා වෙරළ ආරක්ෂක දෙපාර්තමේන්තුව විසින් සංවිධානය කරන ලදී.

ශ්‍රී ලංකා සුරැකුම්පත් සහ විනිමය කොමිෂන් සභාවේ නිලධාරීන් සඳහා අල්ලස හා දූෂණ නිවාරණය සම්බන්ධ වැඩසටහනක්, එම කොමිෂන් සභාව හා අල්ලස් හෝ දූෂණ චෝදනා විමර්ශන කොමිෂන් සභාව එක්ව පවත්වනු ලැබිය. එම වැඩසටහන පසුගිය 2026 අප්රේල් මස 9 වන දින ජාතික පදනම් ආයතන ප්රධාන ශ්රවණාගාරයේ දී පැවැත් වූ අතර එයට මෙහි නිලධාරීන් 250ක් පමණ සහභාගි විය.

මධ්යම පරිසර අධිකාරියේ නිලධාරින් සදහා ධාරිතා පුහුණු වැඩසටහනක් පැවැත් වූ අතර ඒ සදහා අල්ලස හා දූෂණ නිවාරණය සම්බන්ධ දේශනයක් මධ්යම පරිසර අධිකාරියේ ආරාධනයකට අනුව, අල්ලස් හෝ දූෂණ චෝදනා විමර්ශන කොමිෂන් සභාව විසින් පවත්වනු ලැබිය. එම වැඩසටහන පසුගිය 2026 මැයි මස 8 වන දින පැවැත්වුණු අතර, අදාළ දේශනයට නිලධාරීන් 80 දෙනෙක් පමණ සහභාගි විය.

මුද්‍රණ දෙපාර්තමේන්තුවේ ඉහළ නිලධාරීන් හා දෙවන කළමනාකරණ මට්ටමේ නිලධාරීන් වෙත අල්ලස හා දූෂණය නිවාරණය පිළිබඳ දැනුවත් කිරීමේ වැඩසටහනක් මැයි මස 05 වන දින පැවැත්වුණි. මෙය 2026 පෙබරවාරි මස 27 දින පැවැති වැඩසටහනෙහි දෙවන වැඩසටහන ලෙස පැවැත් වුණි.

විශ්‍රාම වැටුප් දෙපාර්තමේන්තුවේ නිලධාරීන් සඳහා ධාරිතා සංවර්ධන පුහුණු වැඩසටහනක් පසුගිය 2026 මැයි 24 වන දින පැවැත්වුණු අතර, එහිදී අල්ලස හා දූෂණ නිවාරණය සම්බන්ධ දේශනයක් විශ්‍රාම වැටුප් දෙපාර්තමේන්තුවේ ආරාධනයකට අනුව අල්ලස් හෝ දූෂණ චෝදනා විමර්ශන කොමිෂන් සභාව විසින් දේශනයක් ද පවත්වන ලදී.

මෝටර් රථ ප්රවාහන දෙපාර්තමේන්තුවේ නිලධාරීන් සදහා අල්ලස හා දූෂණ නිවාරණය සම්බන්ධ වැඩසටහනක්, අල්ලස් හෝ දූෂණ චෝදනා විමර්ශන කොමිෂන් සභාව විසින් පවත්වනු ලැබිය. එම වැඩසටහන පසුගිය 2026 පෙබරවාරි මස 20 වන දින මෝටර් රථ ප්රවාහන දෙපාර්තමේන්තුවේ ප්රධාන ශ්රවණාගාරයේදී පැවැත්වුණු අතර එයට මෝටර් රථ ප්රවාහන දෙපාර්තමේන්තුවේ කොමසාරිස් ජනරාල්තුමන් සහ මාණ්ඩලික නිලධාරීන් ඇතුළු සමස්ත නිලධාරීන් 78ක් පමණ සහභාගි විය.