අල්ලස් හෝ දූෂණ චෝදනා විමර්ශන කොමිෂන් සභාව සමග සම්බන්ධීකරණය වී කොළඹ දකුණ කොට්ඨාශයට අනුයුක්ත සියලුම නිලධාරින් වෙත අල්ලස් හා දුෂණ විමර්ශනය සම්බන්ධ විශේෂ වැඩමුළු මාලාවක් පැවැත්වීමට කටයුතු සුදානම් කර ඇත.
ඒ අනුව 2025 මාර්තු මස පළමු වන දින මෙම වැඩසටහන් මාලාවෙහි පළමු වැඩසටහන කොළඹ නියෝජ්‍ය පොලිස්පති කාර්යාලයේ සිව්වන මහලේ පිහිටි සම්මන්ත්‍රණ ශාලාවේ දී නිලධාරින් එකසිය 110කට ආසන්න ප්‍රමාණයක් දැනුවත් කිරීම සිදු කල අතර මෙම වැඩසටහන සඳහා අල්ලස් හෝ දූෂණ චෝදනා විමර්ශන කොමිෂන් සභවේ දූෂණ නිවාරණ නිලධාරිනී උදේශිකා ජයසේකර මහත්මිය, දූෂණ නිවාරණ නිලධාරි සම්පත් ආරච්චිගේ මහතා සම්පත් දායකත්වය ලබා දෙන ලදී. මෙම වැඩසටහන තුලින් අල්ලස දූෂණය වැලැක්වීම හා එහි ප්‍රතිවිපාක සම්බන්ධයෙන් ද, ඒ පිළිබඳව ඔවුනට පවතින ගැටළු හා සුපිළිපන්නභාවය යන සංකල්පය පිළිබඳවත්, නව දූෂණ විරෝධී පනත පිළිබඳවත් දැනුවත් කිරීම සිදු කරන ලදී.
