දූෂණය මැඩලීම වෙනුවෙන් වූ දිගු කාලීන සටන සවිමත් කිරීමේ දී ළමා හා තරුණ පරපුර ඉලක්ක කරමින් සුපිලිපන් අධ්‍යාපනය ඉහළ නැංවීම අතිශය වැදගත් සාධක වන බව අල්ලස් හෝ දූෂණ චෝදනා විමර්ශන කොමිෂන් සභාව විසින් හඳුනා ගෙන ඇත. මෙම මූලධර්මය අනුව යමින්, අල්ලස් හෝ දූෂණ චෝදනා විමර්ශන කොමිෂන් සභාවේ දූෂණ නිවාරණ අංශය විසින් 2024 ඔක්තෝම්බර් මස 03 වන දින සාගර විශ්වවිද්‍යාල අධ්‍යයන හා අනධ්‍යයන කාර්ය මණ්ඩලය සඳහා වැඩසටහනක් පවත්වන ලදි.

ශ්‍රී ජයවර්ධනපුර විශ්වවිද්‍යාලයේ ආරාධනයෙන්, අල්ලස් හෝ දුෂණ චෝදනා විමර්ශන කොමිෂන් සභාව(CIABOC) එක්ව සංවිධානය කරන ලද අල්ලසින් තොර සුපිළිපන් පරපුරක් බිහි කිරීම උදෙසා පාසල් ප්‍රජාව දැනුවත් කිරීමේ පුහුණු වැඩමුළුවක් 2024 ඔක්තෝම්බර් මස 10 වන දින අනුරාධපුර, කහටගස්දිගිලිය කෝන් වැව සිද්ධාර්ථ විද්‍යාලයීය ප්‍රධාන ශාලාවේ දී පැවැත්විණි.

ශ්‍රී ලංකා පොලිසියේ රථ වාහන අංශයේ රථවාහන පාලනය හා මාර්ග ආරක්ෂාව -22 වන ජ්‍යෙෂ්ඨ පොලිස් රථ වාහන කළමනාකරණ පාඨමාලාව හදාරන පොලිස් නිලධාරින් 73 දෙනෙකු සඳහා අල්ලස් හා දූෂණ නිවාරණය පිළිබඳව වැඩසටහනක් 2024 අගෝස්තු 13 වන දින පවත්වන ලදී. මෙම වැඩසටහන සඳහා අල්ලස් හෝ දූෂණ චෝදනා විමර්ශන කොමිෂන් සභාවේ දූෂණ නිවාරණ නිලධාරි සම්පත් ආරච්චිගේ මහතා හා මදුකා රුවන්ති මහත්මිය සම්පත් දායකත්වය ලබා දෙන ලදී. මෙම වැඩසටහන තුලින් සුපිළිපන්නභාවය යන සංකල්පය, රාජ්‍ය නිලධාරියාගේ කාර්යක්ෂමතාවය ,සඵලදායී බව සහ රාජ්‍ය නිලධාරියාගේ වගකීම, වගවීම පිළිබඳවත් 2023 අංක 09 දූෂණ විරෝධී පනත පිළිබඳවත්, අල්ලස දූෂණය හා අයතා වත්කම් රැස් කිරීමට අදාළ නව නීතිමය විධිවිධාන හා ඒ සම්බන්ධයෙන් ඔවුනට පවතින ගැටළු පිළිබඳවත් දැනුවත් කිරීම සිදු කරන ලදී.

විශ්වවිද්‍යාල ප්‍රජාව අල්ලස, දූෂණය සහ සුපිළිපන්නභාවය පිළිබඳව දැනුවත් කිරීම සහ බල ගැන්වීම සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව සහ විශ්වවිද්‍යාල ප්‍රතිපාදන කොමිෂන් සභාව අතර පැවැති විශේෂ සාකච්ඡාව 2024 ජූලි මස 15 වන දින අල්ලස් හෝ දූෂණ චෝදනා විමර්ශන කොමිෂන් සභාවේ කුඩා ශ්‍රවනාගාරයේ දී සාර්ථක ලෙස පැවැත්විණි.

අල්ලස් හෝ දූෂණ චෝදනා විමර්ශන කොමිෂන් සභාව විසින් පවත්වනු ලබන නිවාරණ වැඩසටහනක් 2024 ජූලි මස 15 වන දින කල්ලඩි පොලිස් අභ්‍යාස විද්‍යාලයේ දී සාර්ථක ව සිදු කරන ලදි. මෙම සේවාරම්භක වැඩසටහන සඳහා නවක පත්වීම් ලද පොලිස් නිලධාරීන් 117 දෙනෙකු සහභාගී වූ අතර මෙම කොමිෂන් සභාවේ සහකාර අධ්‍යක්ෂ (නීති), සාල්ඩීන් එම්. සබ්රි මහතා සහ විමර්ශන නිලධාරී මොහොමඩ් ඉර්ෆාන් මහතා විසින් එම වැඩසටහන පවත්වන ලදි. එහි දී දූෂණ විරෝධී නීතිය පිලිබඳ ව මෙන් ම අල්ලස හා දූෂණය නිවාරණය කිරීම හා ඒවායේ ප්‍රායෝගික භාවිතයන් පිලිබඳ ව රැස්ව සිටි පිරිස දැනුවත් කරන ලදි. කල්ලඩි පොලිස් අභ්‍යාස විද්‍යාලයේ ස්ථානාධිපති සිවනාන්දන් මහතා ද පිලිගැනීමේ කතාව සහ ස්තූති කථාව සිදු කරමින් රැස්ව සිටි පිරිස ඇමතුවේය. සහභාගී වූ පිරිස මෙහි දී සිය අත්දැකීම් ද හුවමාරු කර ගත් අතර අල්ලස හා දූෂණය මඩිමින් සිය රාජකාරිය ඉටුකිරීම සඳහා අවශ්‍ය මග පෙන්වීම සම්පත් දායකයින් විසින් ප්‍රායෝගික ක්‍රියාකාරකම් සමගින් ඔවුන්ට ලබා දුන්හ.

ශ්‍රී ලංකා ක්වාසි විනිසුරුවන් ගේ සංසදයේ සාමාජිකයන් ඉල්ලක කර ගනිමින් දූෂණ නිවාරණ වැඩසටහනක් 2024.07.07. වන දින පෙ. ව. 9.00 සිට ප.ව. 3.30 දක්වා දෙහිවල රෝස් වුඩ් සිලෝන් හෝටලයේ දී පවත්වන්නට යෙදුනි. මෙම වැඩසටහන ක්වාසි විනිසුරුවන් ගේ සංසදය විසින් සම් සම් ෆවුන්ඩේෂන් ආයතනයේ මූලිකත්වයෙන් සංවිධානය කල අතර ඒ සඳහා ක්වාසි විනිසුරුවන් ගේ මණ්ඩලයේ සභාපති ගරු. එම්. එන්. එම්. බිෂ්රුල් අමීන් මහතා, සම් සම් ෆවුන්ඩේෂන් ආයතනයේ සභාපති අෂෙයික් මුෆ්ති යූසුෆ් හනීෆා මහතා සහ ක්වාසි විනිසුරුවන් ගේ මණ්ඩලයේ සාමාජිකයින් හා ක්වාසි විනිසුරුවන් ගේ සංසදයේ සාමාජිකයන් ද නීතිඥ අම්හර් ෂෙරීෆ් මහතා ද ඉෆ්හාම් යෙහියා මහතා ද අල්ලස් හා දූෂණ චෝදනා විමර්ශන කොමිෂන් සභාව වෙනුවෙන් සහකාර අධ්‍යක්ෂ (නීති) එස්. එම්. සබ්රි මහතා ද සහභාගී විය. මෙහි දී එස්. එම්. සබ්රි මහතා විසින් “සුපිලිපන්න දේශයක් කරා- අල්ලස හා දූෂණය තුරන් කිරීම” යන මැයෙන් දේශනයක් පවත්වමින් දූෂණ විරෝධී නීතිය පිලබඳ ව හඳුන්වා දීමක් සිදු කලේය. ඉන් අනතුරුව, අෂෙයික් මුෆ්ති යූසුෆ් හනීෆා මහතා සභාව අමතමින් ක්වාසි විනිසුරුවරුන් ගේ වගකීම ඉස්ලාමීය දෘෂ්ඨිකෝණයෙන් විස්තර කල අතර වක්ෆ් මණ්ඩල සාමාජිකයින් ද සභාව අමතන ලදි. මෙම වැඩසටහන සඳහා ක්වාසි විනිසුරුවරුන් 57 දෙනෙකු සහභාගී විය.

බන්ධනාගාර දෙපාර්තමේන්තුවේ සේවයේ නියුතු නියාමක නිලධාරින් සඳහා ධාරිතා සංවර්ධනය කිරීමේ පුහුණු වැඩමුළු මාලාවක් අඟුණුකොළපැලැස්ස බන්ධනාගාරයේ නව පුහුණු මධ්‍යස්ථානයේ දී එම දෙපාර්තමේන්තුවේ නිලධාරීන් විසින් සිදු කරමින් පවතී. එම වැඩසටහන් මාලාවේ පස්වන වැඩසටහන යටතේ දූෂණ නිවාරණය පිළිබඳ පුහුණු වැඩසටහන 2024 ජූනි 03 වන දින අල්ලස් හා දූෂණ නිවාරණය සඳහා එක් දින පුහුණු වැඩසටහනක් ලෙස වෙන් කර තිබිණි. මෙම වැඩසටහන සඳහා අල්ලස් හෝ දූෂණ චෝදනා විමර්ශන කොමිෂන් සභාවේ දූෂණ නිවාරණ නිලධාරිනී J.L.A උදේශිකා මධුභාෂනි මහත්මිය හා පොලිස් පරීක්‍ෂක යූ.පී. වික්‍රමාරච්චි මහතා සම්පත් දායකත්වය ලබා දෙන ලදී. මෙම වැඩසටහන තුලින් සුපිළිපන්නභාවය යන සංකල්පය පිළිබඳවත්, නව දූෂණ විරෝධී පනත පිළිබඳවත්, අල්ලස දූෂණය හා අයතා වත්කම් රැස් කිරීමට අදාළ නව නීතිමය විධිවිධාන හා ඒ සම්බන්ධයෙන් ඔවුනට පවතින ගැටළු පිළිබඳවත් දැනුවත් කිරීම සිදු කරන ලදී.

අල්ලස් හෝ දුෂණ චෝදනා විමර්ශන කොමිෂන් සභාව(CIABOC) සහ එක්සත් ජාතීන්ගේ සංවර්ධන වැඩසටහන (UNDP) මගින් සංවිධානය කරනු ලබන “අල්ලසින් තොර සුපිළිපන් පරපුරක් බිහි කරමු” මැයෙන් ශිෂ්‍ය නායක පුහුණු වැඩසටහනක් 2024 ජුනි 20 වන දින යාපනයේ ග්‍රීන් ග්‍රාස් හෝටලයේදී පැවැත්විණි.

ශ්‍රී ලංකාවෙන් අල්ලස හා දූෂණය වැළැක්වීම අරමුණු කරගනිමින්, අනුරාධපුර දිස්ත්‍රික් නවක ග්‍රාම නිලධාරීන් සඳහා පවත්වනු ලැබූ දැනුවත් කිරීමේ වැඩසටහන 2024 ජූනි මස 24 වන දින අනුරාධපුර දිස්ත්‍රික් ලේකම් කාර්යාලයේ දී පැවැත්වීය.

අල්ලස් හෝ  දුෂණ චෝදනා විමර්ශන කොමිෂන් සභාව(CIABOC) සහ රාජය පරිපාලන ස්වදේශ කටයුතු පළාත් සභා සහ පළාත් පාලන අමාත්‍යංශයේ  සහයෝගය ද ඇතිව . JURE ව්යාපෘතියේ අනුග්‍රහයෙන්, යුරෝපා සංගමයේ හා එක්සත් ජාතීන් ගේ සංවර්ධන වැඩසටහයෙහි මුල්‍යාධාර යටතේ “අල්ලසින් තොර සුපිළිපන් දේශයක් බිහි කරමු” මැයෙන් දකුණු පළාත කේන්ද්‍ර කරගනිමින් ශ්‍රී ලංකාවෙන් අල්ලස හා දූෂණ වැළැක්වීම සඳහා වන ජාතික ක්‍රියාකාරී සැලැස්ම ක්‍රියාත්මක කිරීම සඳහා සුපිලිපන්න නිලධාරීන් පුහුණු කිරීමේ එක දින පුහුණු වැඩමුළුව 2024 මැයි මස 18 දින හික්කඩුව සිට්‍රස් හෝටලයේදී අති සාර්ථක අන්දමින් පැවැත්විණි.

ශ්‍රී ලංකාවෙන් අල්ලස් හා දූෂණය වැළැක්වීම සඳහා වන ජාතික ක්‍රියාකාරී සැලැස්ම ප්‍රකාරව ව්‍යවස්ථාපිත මණ්ඩල සාමාජිකයින් සහ නිලධාරීන්ගේ දැනුවත්භාවය වැඩිදියුණු කිරීම අරමුණු කරගනිමින් නිවාරණ වැඩසටහනක් 2024 ජූනි මස 15 වන දින කොළඹ, ටාජ් සමුද්‍රා හෝටලයේ දී පැවැත්වීය.

අල්ලස් හෝ දුෂණ චෝදනා විමර්ශන කොමිෂන් සභාව(CIABOC) සහ එක්සත් ජාතීන්ගේ සංවර්ධන වැඩසටහන (UNDP) මගින් සංවිධානය කරනු ලබන “අල්ලසින් තොර සුපිළිපන් පරපුරක් බිහි කරමු” මැයෙන් “පාසල් තුළ සුපිළිපන්න සමාජ පිහිටු වීමේ වැඩසටහනක්” 2024 ජුනි 12 වන දින මොණරාගල කැන්වෙල් හෝටලයේදී පැවැත්විණි.