2023/08/18 දින රෙජිස්ට්‍රාර් ජනරාල් දෙපාර්තමේන්තුවේ සේවයේ නියුතු ලේඛන සහකාරවරු 300 දෙනෙකු සදහා නිවාරණ වැඩසටහනක් පවත්වන ලදී. මෙම නිවාරණ වැඩසටහන සඳහා සම්පත්දායකයින් ලෙස අල්ලස් හෝ දූෂණ චෝදනා විමර්ශන කොමිෂන් සභාවේ සහකාර අධ්‍යක්ෂ ජනරාල් තුශාරි දයාරත්න මහත්මිය නිවාරණ නිලධාරී චමෝදි ජයසිංහ මහත්මිය, නිවාරණ නිලධාරී මදුකා රුවන්ති මහත්මිය සහභාගී විය.

2023 අගෝස්තු 03 දිනයේ දී කල්ලඩි පොලිස් අභ්‍යාස විද්‍යාලයේ දී පොලිස් කොස්තාපල් තනතුරේ සිට පොලිස් සැරයන් තනතුරට උසස්වීම් ලද නිලධාරින් සඳහා තනතුරට හැඩගැස්වීමේ නිවාරණ වැඩසටහන අල්ලස් හෝ දූෂණ චෝදනා විමර්ශන කොමිෂන් සභාවේ දූෂණ නිවාරණ නිලධාරී ජේ. එල්. ඒ. උදේශිකා මධුභාෂණී මහත්මිය, දූෂණ නිවාරණ නිලධාරී රුශාන්ති දිල්ශානි මෙනවිය හා දුෂණ විමර්ශන අංක 2 ස්ථානාධිපති ටි.එම්.ටි.එස්. තෙන්නකෝන් මහතාගේ දායකත්වයෙන් පැවැත්විණි.

අල්ලස හා දූෂණය වැලැක්වීම අරමුණු කරගනිමින් අල්ලස් හෝ දූෂණ චෝදනා විමර්ශණ කොමිෂන් සභාව විසින් පවත්වනු ලබන දැනුවත් කිරීමේ වැඩසටහන් මාලාවේ තවත් එක් වැඩසටහනක් 2023 අගෝස්තු මස 07 වැනි දින ශ්‍රී ජයවර්ධනපුර විශ්වවිද්‍යාලයේ අපරාධ විද්‍යාව හා අපරාධ යුක්තිය පිලිබඳ අධ්‍යයන අංශයේ අංශ ප්‍රධානී, මහාචාර්ය ඩබ්. එම්. ධනපාල මහතාගේත්, එම අධ්‍යයන අංශයේ ජ්‍යෙෂ්ඨ කතිකාචාර්ය ආචාර්ය එච්. පී. කේ. එන් හේවාවසම් මහතා ගේ සහ එම අධ්‍යයන අංශයේ අධ්‍යාපනය හදාරන සිසුන්ගේත් සහභාගීත්වයෙන් පැවැත්විණි. එම වැඩසටහන සැසි 03කින් සමන්විත වූ අතර අල්ලස් හෝ දූෂණ චෝදනා, දූෂණය සම්බන්ධයෙන් ශ්‍රී ලංකාව ජාත්‍යන්තර වශයෙන් සිටින ස්ථානය, සහ සුපිලිපන් අනාගත නායයෙක් වශයෙන් විශ්වවිද්‍යාල සිසුවා ගේ කාර්යභාරය යන මාතෘකා එයට ඇතුලත් විය.

ඇල්පිටිය ශ්‍රී ලංකා පොලිස් අභ්‍යාස විද්‍යාලයේ ආධුනික පොලිස් නිලධාරීන් 140 දෙනෙක් සඳහා නිවාරණ වැඩසටහනක් 2023-07-26 වන දින පවත්වන ලදි. මෙම නිවාරණ වැඩසටහන සඳහා සම්පත්දායකයින් ලෙස විමර්ශන නිලධාරී (පොලිස් පරීක්ෂක) එස්. ටී. ප්‍රසංග මහතා, නිවාරණ නිලධාරී දිල්රුක්ෂි චන්ද්‍රසේකර මෙය, නිවාරණ නිලධාරී චමෝදි ජයසිංහ මෙය සහභාගී විය.

පුත්තලම දිස්ත්‍රික්කයේ පුත්තලම පොලිස් කොට්ඨාශයේ පොලිස් නිලධාරීන් / නිලධාරිණියන් 250 කට ආසන්න පිරිසක් සදහා අල්ලස හා දූෂණය වැලැක්වීම පිළිබඳ වැඩමුළුවක් 2023.07.15 වන දින පැවැත්වූ අතර මෙහිදී අල්ලස් හෝ දූෂණ චෝදනා විමර්ශන කොමිෂන් සභාවේ සහකාර අධ්‍යක්ෂ ජනරාල් සුභාෂිනී සිරිවර්ධන මහත්මිය, දූෂණ නිවාරණ නිලධාරිනී මධූකා රුවන්ති මහත්මිය, දූෂණ නිවාරණ නිලධාරිනී නිපුනි තෙන්නකෝන් මහත්මිය සහ තොරතුරු හා සන්නිවේදන තාක්ෂණ සහකාර දුලාජ් මහතා විසින් වැඩමුළුව සඳහා සම්පත් දායකත්වය ලබා දෙන ලදී.

පුත්තලම දිස්ත්‍රික්කයේ හලාවත පොලිස් කොට්ඨාශයේ පොලිස් නිලධාරීන් / නිලධාරිණියන් 180 කට ආසන්න පිරිසක් සදහා අල්ලස හා දූෂණය වැලැක්වීම පිළිබඳ වැඩමුළුවක් 2023.07.08 වන දින පැවැත්වූ අතර මෙහිදී අල්ලස් හෝ දූෂණ චෝදනා විමර්ශන කොමිෂන් සභාවේ සහකාර අධ්‍යක්ෂ ජනරාල් සුභාෂිනී සිරිවර්ධන මහත්මිය, දූෂණ නිවාරණ නිලධාරිනී මධූකා රුවන්ති මහත්මිය, දූෂණ නිවාරණ නිලධාරිනී එරංගා මධුෂි කුමාරි මහත්මිය සහ තොරතුරු හා සන්නිවේදන තාක්ෂණ සහකාර කමල් ජයසේකර මහතා විසින් වැඩමුළුව සඳහා සම්පත් දායකත්වය ලබා දෙන ලදී.

2023 ජුනි මස 09 වන දින සොල්ට්‍රිම් අන්තර්ජාතික පුද්ගලික සමාගමේ දී එම ආයතනයේ නිලධාරින් සඳහා අල්ලස හා දුෂණය පිළිබඳව නිවාරණ වැඩමුළුවක් සිදු කල අතර අල්ලස් හෝ දුෂණ චෝදනා විමර්ශන කොමිෂන් සභාවේ සහකාර අධ්‍යක්‍ෂ ජනරාල් අනුත්තරා ජයසිංහ මහත්මිය හා දුෂණ නිවාරණ නිලධාරී ජේ.එල්.ඒ. උදේශිකා මධුභාෂණි මහත්මිය මේ සදහා සම්පත් දායකත්වය ලබාදෙන ලදි. මෙසේ අල්ලස හා දුෂණය පිළිබඳව නිවාරණ වැඩමුළුවක් සිදු කිරීමට පෞද්ගලික අංශය වෙතින් අප ලද ප්‍රථම ආරාධනය විය.

2023.03.08 වන දිනට යෙදුණු ජාත්‍යන්තර කාන්තා දිනය නිමිත්තෙන් 2023.03.10 වන දින නවමැදගම, දියවිද්දාගම,හෙනානිගල යන ගම්මාන ආවරණය වන පරිදි නවමැදගම කොට්ඨාස කාර්යාලීය ශ්‍රවණාගාරයේ දී ස්ත්‍රී පුරුෂ සමාජ විභව්‍යතාවය හා කුටුම්භය තුළ කාන්තා අයිතිවාසිකම් යන මැයෙන් පැවැත් වූ වැඩසටහනෙහි දී අල්ලස හා දූෂණය තුරන් කිරීමෙහිලා කාන්තාවගේ භූමිකාව කුමක් ද යන්න පැහැදිලි කරමින් එම වැඩසටහනෙහි දී අල්ලස් හෝ දූෂණ චෝදනා විමර්ශන කොමිෂන් සභාවේ දූෂණ නිවාරණ නිලධාරීන් වන ටී.එම්.නිපුනි කෝෂිලා තෙන්නකෝන් මෙනවිය සහ ඩබ්.ඒ.අයි.සී.විජේසූරිය මහත්මිය විසින් සම්පත් දායකත්වය සපයන ලදි..

කල්ලඩි පොලිස් අභ්‍යාස විද්‍යාලයේ පොලිස් කොස්තාපල් තනතුරේ සිට පොලිස් සැරයන් තනතුරට උසස්වීම් ලද නිලධාරින් 47 කට ආසන්න පිරිසක් සඳහා නිවාරණ වැඩසටහනක් 2023.03.16 වන දින ප්‍රධාන පොලිස් පරීක්ෂක ජී. අබේසිංහ මහතා, දූෂණ නිවාරණ නිලධාරීන් වන එන්. විමුක්ති ජයසූරිය මෙය සහ සම්පත් ආරච්චිගේ මහතා යන නිලධාරීන් ගේ සම්පත්දායකත්වයෙන් පවත්වන ලදි.

ශ්‍රී ලංකාව අල්ලසින් හා දූෂණයෙන් තොර සුපිළිපන්න දේශයක් බවට පත් කිරීමේ අරමුණින්, රාජ්‍ය ආයතනයන් හී අල්ලස හා දූෂණය තුරන් කර රාජ්‍ය සේවයේ සුපිලිපන්බව ඇති කිරීම සඳහා රාජ්‍ය නිලධාරින් බලගැන්වීම අල්ලස් හෝ දුෂණ චෝදනා විමර්ශන කොමිෂන් සභාව විසින් සිදු කරනු ලබයි. ඒ අනුව, නුවර දිස්ත්‍රික්කයේ පවත්වනු ලබන දූෂණ නිවාරණ වැඩසටහන් මාලාවේ තවත් වැඩසටහනක් 2023-05-25 වැනි දින උඩුනුවර ප්‍රාදේශීය ලේකම් කාර්යාල නිලධාරීන් සඳහා පවත්වන ලදි. පැය 3 ½ ක් පුරා පැවති මෙම වැඩසටහන සඳහා ප්‍රාදේශීය ලේකම් කාර්යාලයේ නිලධාරීන් 350 දෙනෙක් පමණ සහභාගී විය. එහි දේශන සඳහා සම්පත් දායකත්වය එන්. විමුක්ති ජයසූරිය මෙය, නිපුනි තෙන්නකෝන් මෙය හා ශිලාමේඝ වැලිතොටගේ යන දූෂණ නිවාරණ නිලධාරීන් විසින් ලබා දෙන ලදි.

ශ්‍රී ලංකාව අල්ලසින් හා දූෂණයෙන් තොර සුපිළිපන්න දේශයක් බවට පත් කිරීමේ අරමුණින්, ජනතාවට සේවාවන් ලබා දෙන ආයතනයන් හී අල්ලස හා දූෂණය තුරන් කර එම ආයතන විසින් සපයන සේවාවේ සුපිලිපන්බව ඇති කිරීම සඳහා එම ආයතනවල නිලධාරීන් බලගැන්වීම අල්ලස් හෝ දුෂණ චෝදනා විමර්ශන කොමිෂන් සභාව විසින් සිදු කරනු ලබයි. ඒ අනුව, ලංකා විදුලිබල මණ්ඩලය ආවරණය කරමින් පවත්වනු ලබන දූෂණ නිවාරණ වැඩසටහන් මාලාවේ පලමු වැඩසටහන 2023-05-18 වැනි දින පිලියන්දල ලංකා විදුලිබල මණ්ඩල පුහුණු මධ්‍යස්ථානයේ දී පවත්වන ලදි. එම වැඩසටහන සඳහා එහි නිලධාරීන් 67 දෙනෙක් සහභාගී වූ අතර එහි දේශන සඳහා සම්පත් දායකත්වය එන්. විමුක්ති ජයසූරිය මෙය, සම්පත් ආරච්චිගේ මහතා, දිල්රුක්ෂි චන්ද්‍රසේකර මිය සහ මධූකා රුවන්ති යන දූෂණ නිවාරණ නිලධාරීන් විසින් ලබා දෙන ලදි.

ශ්‍රී ලංකාව අල්ලසින් හා දූෂණයෙන් තොර සුපිළිපන්න දේශයක් බවට පත් කිරීමේ අරමුණින්, රාජ්‍ය ආයතනයන් හී අල්ලස හා දූෂණය තුරන් කර රාජ්‍ය සේවයේ සුපිලිපන්බව ඇති කිරීම සඳහා රාජ්‍ය නිලධාරින් බලගැන්වීම අල්ලස් හෝ දුෂණ චෝදනා විමර්ශන කොමිෂන් සභාව විසින් සිදු කරනු ලබයි. ඒ අනුව, නුවර දිස්ත්‍රික්කයේ පවත්වනු ලබන දූෂණ නිවාරණ වැඩසටහන් මාලාවේ තවත් වැඩසටහනක් 2023-04-18 වැනි දින පාතදුම්බර ප්‍රාදේශීය ලේකම් කාර්යාල නිලධාරීන් සඳහා පවත්වන ලදි. පැය 3 ½ ක් පුරා පැවති මෙම වැඩසටහන සඳහා ප්‍රාදේශීය ලේකම් කාර්යාලයේ නිලධාරීන් 310 දෙනෙක් පමණ සහභාගී විය. එහි දේශන සඳහා සම්පත් දායකත්වය එන්. විමුක්ති ජයසූරිය මෙය, උදේශිකා ජයසේකර මිය, දිල්රුක්ෂි චන්ද්‍රසේකර මිය යන දූෂණ නිවාරණ නිලධාරීන් විසින් ලබා දෙන ලදි.