2024 මාර්තු 12 වන දින, වරාය අධිකාරියේ නිලධාරීන් 80 දෙනෙකු සඳහා අල්ලස් හා දූෂණ නිවාරණ වැඩසටහන වරාය අධිකාරියේ මහපොළ වරාය හා සමුද්‍රීය විද්‍යායතනය ශ්‍රවණාගාරයේ දී පවත්වන ලදී. මෙම වැඩසටහන සඳහා අල්ලස් හෝ දූෂණ චෝදනා විමර්ශන කොමිෂන් සභවේ සහකාර අධ්‍යක්ෂ ජනරාල් තනූජා බණ්ඩාර මෙනවිය, දූෂණ නිවාරණ  නිලධාරී සම්පත් ආරච්චිගේ මහතා, දූෂණ නිවාරණ  නිලධාරිනී  චමෝදි ජයසිංහ මහත්මිය හා දූෂණ නිවාරණ  නිලධාරිනී විමුක්ති ජයසුරිය මෙනවිය, සම්පත් දායකත්වය ලබා දෙන ලදී. මෙම වැඩසටහන තුලින් අල්ලස දූෂණය වැලැක්වීම හා එහි ප්‍රතිවිපාක සම්බන්ධයෙන් ද, ඒ පිළිබඳව  ඔවුනට පවතින ගැටළු හා සුපිළිපන්නභාවය යන සංකල්පය පිළිබඳවත්, නව දූෂණ විරෝධී පනත පිළිබඳවත් දැනුවත් කිරීම සිදු  කරන ලදී.