අල්ලස් හෝ දූෂණ චෝදනා විමර්ශන කොමිෂන් සභාව සහ දෙහිඅත්තකණ්ඩිය මහවැලි සංවර්ධන අධිකාරී “සී” කලාපය එක් ව 2025.02.17 වන දින සාර්ථක ලෙස දූෂණ නිවාරණ වැඩමුළුක් පවත්වන ලදි. රාජ්‍ය සම්පත් කලමණාකරණයේ දී සුපිලිබන්නබව හා විනිවිදභාවය ඉහළ නැංවීම සඳහා පැවැත් වූ මෙම වැඩමුළුව සඳහා, ඉඩම් නිලධාරීන්, ඒකක කලමණාකරුවන්, ක්ෂේත්‍ර සහකාර නිලධාරීන්, කාර්යාලීය ලිපිකරු කාර්ය මණ්ඩලය, විධායක නිලධාරීන්, ඉංජිනේරුවන් සහ කෘෂී උපදේශකවරුන් සහභාගී විය.

අල්ලස හා දූෂණය සම්බන්ධයෙන් කැලණිවැලි ප්ලාන්ටේෂන්ස් පීඑල්සී වතුකාර්ය මණ්ඩලය සහ කලමණාකාරීත්වය දැනුවත් කිරීම සඳහා වූ මාර්ගගත වැඩසටහනක් 2025.02.11 ප.ව. 2.00 සිට 4.00 දක්වා සාර්ථකව පවත්වන ලදි. මයික්‍රොසොෆ්ට් ටීම්ස් යොදා ගනිමින් කැලණිවැලි ප්ලාන්ටේෂන්ස් පීඑල්සී සම්මණ්ත්‍රණ ශාලාවේ දී සිදු කල මෙම වැඩසටහන සදාචාරසම්පන්න පරිචයන් පිලිබඳ ව වතු සේවකයින් තුල වූ දැනුවත්බව හා අවබෝධය ඉහළ නැංවීම අරමුණු කර ගනිමින් සිදු කෙරුනි.

ආගමන හා විගමන දෙපාර්තමේන්තුවේ සේවය කල කලමණාකරන සහකාර නිලධාරීවරයෙක්ට එරෙහි ව මහාධිකරණ අංක 03 හි නඩු අංක HCB 231/2023 යටතේ අල්ලස් චෝදනා සම්බන්ධයෙන් ගොනු කල නඩුවේ දී චූදිත වරදකරු කරමින් මහාධිකරණ අංක 03 විනිසුරු ගරු මංජුල තිලකරත්න මැතිතුමා විසින් 2025.02.20 වන දින තීන්දුව ලබා දෙන ලදි.

පොදු මගී බස් රථ ප්‍රවාහන ක්ෂේත්‍රයේ අල්ලස හා දූෂණය තුරන් කිරීම පරමාර්ථ කරගනිමින් අල්ලස හා දූෂණය සම්බන්ධයෙන් පවතින නීතියපිළිබඳ දැනුවත් කිරීමේ මෙන් ම සුපිළිපන්නභාවය පිළිබඳ දැනුවත් කිරීමේ තවත් එක් නිවාරණ වැඩසටහනක් 2025.02.07 වන දින පැවැත්වුණි. මෙම වැඩසටහන සඳහා ජාතික ගමනාගමන කොමිෂන් සභාවේ සහ බස්නාහිර පළාත් මාර්ගස්ථ ම‍ගී ප්‍රවාහන අධිකාරියේ නිලධාරීන් 38 පමණ පිරිසක් සහභාගී වූ අතර, බැස්ටියන් මාවත පිහිටි ජාතික ගමනාගමන කොමිෂන් සභා කාර්යාල පරිශ්‍රයේ දී පැවැත්වීය.

ශ්‍රී ලංකා සංවර්ධන පරිපාලන ආයතනය මගින් සංවිධානය කරන ලද “ආයතනික රාමුව තුල රාජ්‍ය අංශයේ සුපිලිපන්නභාවය ප්‍රවර්ධනය කිරීම” යන තේමාව යටතේ ශ්‍රී ලංකා ක්‍රමසම්පාදන සේවයේ II ශ්‍රේණියේ (2013 බඳවා ගන්නා ලද) නිලධාරීන් සඳහා වූ නිවාරණ වැඩසටහන 2025 පෙබරවාරි මස 06 වැනි දින ශ්‍රී ලංකා සංවර්ධන පරිපාලන ආයතන ශ්‍රවණාගාරයේ දී පැවැත්විණි.

ජාතික ජල සම්පාදන හා ජලපවහන මණ්ඩලයේ නිලධාරීන් සඳහා පවත්වනු ලබන නිවාරණ වැඩසටහන් මාලාවේ තවත් එක් වැඩසටහනක් 2025 ජනවාරී මස 24 වන දින රත්මලානෙහි පිහිටි ප්‍රධාන කාර්යාලයීය ශ්‍රවණාගාරයේ දී පවත්වන ලදී. මෙම වැඩසටහන සඳහා අල්ලස් හෝ දූෂණ චෝදනා විමර්ශන කොමිෂන් සභාවේ දූෂණ නිවාරණ නිලධාරි සම්පත් ආරච්චිගේ මහතා සහ මධුකා රුවන්ති මහත්මිය සම්පත් දායකත්වය ලබා දෙන ලදී. මෙම වැඩසටහන තුලින් සුපිළිපන්නභාවය යන සංකල්පය, රාජ්‍ය නිලධාරියාගේ කාර්යක්ෂමතාවය ,සඵලදායී බව සහ රාජ්‍ය නිලධාරියාගේ වගකීම, වගවීම පිළිබඳවත්, 2023 අංක 09 දරන දූෂණ විරෝධී පනත පිළිබඳවත්, අල්ලස දූෂණය හා අයතා වත්කම් රැස් කිරීමට අදාළ නව නීතිමය විධිවිධාන හා ඒ සම්බන්ධයෙන් ඔවුනට පවතින ගැටළු පිළිබඳවත් දැනුවත් කිරීම සිදු කරන ලදී.

ශ්‍රී ලංකා මහවැලි අධිකාරියෙහි එච් කලාපයේ සියලු රාජ්‍ය ආයතන ආවරණය වන පරිදි ආයතන  ප්‍රධානින් හා රාජ්‍ය නිලධාරින් 300කට ආසන්න ප්‍රමාණයක් සම්බන්ධ කරගනිමින් Clean Sri Lanka ජාතික වැඩසටහන යටතේ “පොහොසත් රටක්- ලස්සන ජිවිතයක්” තේමා කරගත් මහවැලි පුනරුද සතියෙහි පළමු දිනය 2025.01.27 වන දින  තඹුත්තේගම  ජාතික පාසල් ශ්‍රවණාගාරයේදී  අල්ලස හා දුෂණය පිළිබඳව දැනුවත් කිරීමේ නිවාරණ වැඩසටහනක් මගින් ආරම්භ කෙරිණි.  මෙම වැඩසටහන සඳහා අල්ලස් හෝ දූෂණ චෝදනා විමර්ශන කොමිෂන් සභවේ දූෂණ නිවාරණ  නිලධාරිනී උදේශිකා ජයසේකර මහත්මිය, දූෂණ නිවාරණ  නිලධාරි  ශම්මි ශ්‍රීලාල් මහතා සම්පත් දායකත්වය ලබා දෙන ලදී. මෙම වැඩසටහන තුලින් අල්ලස දූෂණය වැලැක්වීම හා එහි ප්‍රතිවිපාක සම්බන්ධයෙන් ද, ඒ පිළිබඳව  ඔවුනට පවතින ගැටළු හා සුපිළිපන්නභාවය යන සංකල්පය පිළිබඳවත්, නව දූෂණ විරෝධී පනත පිළිබඳවත් දැනුවත් කිරීම සිදු  කරන ලදී.

ජාතික මැණික් හා ස්වර්ණාභරණ අධිකාරියේ සේවයේ නියුතු නිලධාරීන් 71 දෙනෙකු උදෙසා අල්ලස් හා දූෂණ නිවාරණය සඳහා වූ එක් දින පුහුණු වැඩසටහනක් 2025.01.24 දින ඇහැළියගොඩ මැණික් හා ස්වර්ණාභරණ අධිකාරි පරිශ්‍රයේදී පැවැත්වූ අතර මෙම වැඩසටහන සඳහා අල්ලස් හෝ දූෂණ චෝදනා විමර්ශන කොමිෂන් සභවේ දූෂණ නිවාරණ නිලධාරිනී උදේශිකා ජයසේකර මහත්මිය, දූෂණ නිවාරණ නිලධාරි ශම්මි ශ්‍රීලාල් මහතා සම්පත් දායකත්වය ලබා දෙන ලදී. මෙම වැඩසටහන තුලින් අල්ලස දූෂණය වැලැක්වීම හා එහි ප්‍රතිවිපාක සම්බන්ධයෙන් ද, ඒ පිළිබඳව ඔවුනට පවතින ගැටළු හා සුපිළිපන්නභාවය යන සංකල්පය පිළිබඳවත්, නව දූෂණ විරෝධී පනත පිළිබඳවත් දැනුවත් කිරීම සිදු කරන ලදී.

අල්ලස හා දූෂණය තුරන් කර සුපිළිපන්න දේශයක් නිර්මාණය කිරීම පරමාර්ථ කොටගෙන පෞද්ගලික අංශය සඳහා 2025 නව වසරේ පැවති පළමු නිවාරණ වැඩසටහන 2025.01.16 වන දින බෝගල ග්‍රැෆයිට් ලංකා පීඑල්සී සමාගමේ විධායක නිලධාරීන් සඳහා එම ආයතන පරිශ්‍රයේ දී පැවැත් වුණි. මෙම වැඩසටහන සඳහා එම ආයතනයේ සාමාන්‍යාධිකාරීතුමන් ඇතුළු විධායක නිලධාරීන් 37 ක පමණ ප්‍රමාණයක් සහභාගී විය.

ශ්‍රී ලංකාවෙන් අල්ලස හා දුෂණය තුරන් කිරීමේ මුඛ්‍ය අරමුණ යටතේ මෙරට රාජ්‍ය අංශයේ ආයතනයන්හි පවතින අල්ලස් හා දුෂණ, අකටයුතුකම් තුරන් කරමින් සුපිළිපන්න රාජ්‍ය සේවයක් උදෙසා රාජ්‍ය නිලධාරීන් බලගන්වනු වස් අල්ලස් හෝ දුෂණ චෝදනා විමර්ශන කොමිෂන් සභාව විසින් 2024-12-27 වන දින සබරගමුව මාර්ගස්ථ මගී ප්‍රවාහන අධිකාරියේ කාර්යාලිය හා ක්ෂේත්‍ර නිලධාරීන් සදහා දැනුවත් කිරීමේ වැඩමුළුව කේතුමතී හෝටල් පරිශ්‍රයේදී පවත්වන ලදී. අල්ලස් හෝ දූෂණ චෝදනා විමර්ශන කොමිෂන් සභාවේ නිවාරණ අංශයේ දුෂණ නිවාරණ නිලධාරී ශම්මි ශ්‍රී ලාල් මහතා සහ දුෂණ නිවාරණ නිලධාරී එරංගා මදුශි මිය වැඩමුලුවේ දේශනයන් සඳහා සම්පත් දායකත්වය ලබා දෙන ලදී.

ශ්‍රී ලංකාවෙන් අල්ලස හා දුෂණය තුරන් කිරීමේ මුඛ්‍ය අරමුණ යටතේ මෙරට රාජ්‍ය ආයතනයන්හි පවතින අල්ලස් හා දුෂණ, අකටයුතුකම් තුරන් කරමින් සුපිළිපන්න රාජ්‍ය සේවයක් උදෙසා රාජ්‍ය නිලධාරීන් බලගන්වනු වස් අල්ලස් හෝ දුෂණ චෝදනා විමර්ශන කොමිෂන් සභාව විසින් 2024-12-12 වන දින පහලගම පොලිස් අභ්‍යාස විද්‍යාලයදී පොලිස් නිලධාරීන් 100 කට ආසන්න සංඛ්‍යාවක් සදහා නිවාරණ වැඩමුලුවක් පවත්වන ලදී. අල්ලස් හෝ දූෂණ චෝදනා විමර්ශන කොමිෂන් සභාවේ නිවාරණ අංශයේ දුෂණ නිවාරණ නිලධාරී ශම්මි ශ්‍රී ලාල් මහතා සහ දුෂණ නිවාරණ නිලධාරී එරංගා මදුශි මිය වැඩමුලුවේ දේශනයන් සඳහා සම්පත් දායකත්වය ලබා දෙන ලදී.

ශ්‍රී ලංකාවෙන් අල්ලස හා දුෂණය තුරන් කිරීමේ මුඛ්‍ය අරමුණ යටතේ මෙරට රාජ්‍ය ආයතනයන්හි පවතින අල්ලස් හා දුෂණ, අකටයුතුකම් තුරන් කරමින් සුපිළිපන්න රාජ්‍ය සේවයක් උදෙසා රාජ්‍ය නිලධාරීන් බලගන්වනු වස් අල්ලස් හෝ දුෂණ චෝදනා විමර්ශන කොමිෂන් සභාව විසින් 2024-12-23 වන දින තංගල්ල නගරසභා කාර්යාලය මුලික කොට ගෙන නිවාරණ වැඩමුලුවක් පවත්වන ලද අතර ඒ සඳහා රාජ්‍ය නිලධාරීන් 75 දෙනෙකු පමණ, පැය 7 කට ආසන්න කාලයක් තුළ වැඩමුලුවට සහභාගී විය. අල්ලස් හෝ දූෂණ චෝදනා විමර්ශන කොමිෂන් සභාවේ දුෂණ නිවාරණ නිලධාරී එන්. විමුක්ති ජයසූරිය මිය සහ දුෂණ නිවාරණ නිලධාරී උදේශිකා ජයසේකර මිය වැඩමුලුවේ දේශනයන් සඳහා සම්පත් දායකත්වය ලබා දෙන ලදී.