ශ්‍රී ලංකා මහවැලි අධිකාරියෙහි ඩී කලාපයේ එනම්, මැදිරිගිරිය කලාපයේ එහි සේවයේ නියුතු නිලධාරින් 100කට ආසන්න ප්‍රමාණයක් සම්බන්ධ කරගනිමින් Clean Sri Lanka ජාතික වැඩසටහන යටතේ “පොහොසත් රටක් - ලස්සන ජිවිතයක්” තේමා කරගත් මහවැලි පුනරුද සතියෙහි එනම් 2025.03.03 වන දින “තෘප්තිමත් සේවයක් වෙනුවෙන් පෙළගැසෙන සේවක ඵලදායිතා දිනය” ලෙස නම් කර තිබිණි.
මැදිරිගිරිය මහවැලි අධිකාරි ශ්‍රවණාගාරයේ දී අල්ලස හා දුෂණය පිළිබඳව දැනුවත් කිරීමේ නිවාරණ වැඩසටහනක් මේ වෙනුවෙන් වෙන් කර තිබූ අතර, මේ සඳහා අල්ලස් හෝ දූෂණ චෝදනා විමර්ශන කොමිෂන් සභවේ දූෂණ නිවාරණ නිලධාරි ශම්මි ශ්‍රීලාල් මහතා සහ දූෂණ නිවාරණ නිලධාරිනී උදේශිකා ජයසේකර මහත්මිය සම්පත්දායකත්වය ලබා දෙන ලදී. මෙම වැඩසටහන තුලින් අල්ලස දූෂණය වැලැක්වීම හා එහි ප්‍රතිවිපාක සම්බන්ධයෙන් ද, ඒ පිළිබඳව ඔවුනට පවතින ගැටළු හා සුපිළිපන්නභාවය යන සංකල්පය පිළිබඳවත්, නව දූෂණ විරෝධී පනත පිළිබඳවත් දැනුවත් කිරීම සිදු කරන ලදී.
