අල්ලස් කොමිෂන් සභාවට ලද පැමිණිල්ලකට අනුව රුපියල් 10,000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත තෙල්දෙණිය දිසා මහේස්ත්‍රාත් අධිකරණයේ සේවය කරන අධිකරණ රෙජිස්ට්‍රාර්වරියකු 2021.‍11.17 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

අල්ලස් කොමිෂන් සභාවට ලද පැමිණිල්ලකට අනුව ලිංගික අල්ලසක් ලබා ගැනීමට තැත් කළ වනාතවිල්ලුව පොලිස් ස්ථානාධිපති ලෙස කටයුතු කරන ප්‍රධාන පොලිස් පරීක්‍ෂකවරයෙකු 2021.10.28 වන දින අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබීය.

අළුත්ගම ප්‍රදේශයේ පදිංචි ගොවිතැන් ව්‍යාපාර කටයුතු සිදු කරන පුද්ගලයකුගෙන් ලද පැමිණිල්ලකට අනුව රුපියල් 25,000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත බෙන්තොට, මිරිස්වත්ත, පහළගම් 6 ගොවිජන සේවා මධ්‍යස්ථානයේ ගොවිජන සංවර්ධන ප්‍රාදේශීය නිලධාරියකු 2021.10.25 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

අල්ලස් කොමිෂන් සභාවට ලද පැමිණිල්ලකට අනුව රුපියල් 20,000/- ක මුදලක් අල්ලස් ලෙස ඉල්ලීමේ චෝදනාව මත, වන සංරක්‍ෂණ දෙපාර්තමේන්තුවට අයත් ආණමඩුව අඩවි වන කාර්යාලයට අනුයුක්තව සේවය කරන මහකුඹුක්කඩවල ප්‍රදේශයේ බීට්ටු වන නිලධාරියකු 2021.10.12 වන දින අල්ලස් හෝ දුෂණ චෝදනා විමර්ශන කොමිෂන් සභාව විසින් අත් අඩංගුවට ගනු ලැබීය.

අල්ලස් කොමිෂන් සභාවට ලද පැමිණිල්ලකට අනුව රුපියල් 300,000/= ක මුදලක් අල්ලස් ලෙස ඉල්ලා, එයින් රු.25,000/= ක මුදලක් ලබා ගැනීමේ චෝදනාව මත, කලුදාවලෙයි ප්‍රාදේශීය සභාවේ සේවය කරන ආදායම් පරීක්‍ෂකවරයකු 202‍1.10.05 වන දින අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරින් විසින් අත්අඩංගුවට ගනු ලැබින.

අල්ලස් කොමිෂන් සභාවට ලද පැමිණිල්ලකට අනුව රුපියල් 7000/- ක මුදලක් අල්ලස් ලෙස ලබාගැනීමේදී, වන සංරක්‍ෂණ දෙපාර්තමේන්තුවට අයත් ලියන්ගොල්ල අඩවි වන කාර්යාලයේ සේවය කරනු ලබන, වන ක්ෂේත්‍ර සහකාර නිලධාරීන් දෙදෙනෙකු 2021.09.30 වන දින අල්ලස් හෝ දුෂණ චෝදනා විමර්ශන කොමිෂන් සභාව විසින් අත් අඩංගුවට ගනු ලැබීය.

සාලියවැව ප්‍රදේශයේ පදිංචි ව්‍යාපාරිකයකුගෙන් ලද පැමිණිල්ලකට අනුව රුපියල් 25,000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත, සාලියවැව පොලිස් ස්ථානයේ සේවය කරන පොලිස් කොස්තාපල් වරයකු 2021.08.03 වන දින පුත්තලම අධිකරණ භූමියේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

අලුත්ගම දර්ගා නගරයේ පදිංචි ව්‍යාපාරිකයකුගෙන් ලද පැමිණිල්ලකට අනුව රුපියල් 3000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත බේරුවල කොට්ඨාශයේ හදිසි මරණ පරීක්‍ෂක වරයකු 2021.08.03 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

 අල්ලස් කොමිෂන් සභාවට ලද පැමිණිල්ලකට අනුව රුපියල් 150,000/- ක මුදලක් අල්ලස් ලෙස ඉල්ලා බාර ගැනීමේ චෝදනාවන් මත, පොතුවිල් ප්‍රාදේශීය ලේකම් කාර්යාලයේ සේවය කරනු ලබන ඉඩම් නිලධාරියා සහ ක්ෂේත්‍ර නිලධාරියා 2021.07.16 වන දින අල්ලස් හෝ දුෂණ චෝදනා විමර්ශන කොමිෂන් සභාවේ නිලධාරීන් විසින් අත් අඩංගුවට ගනු ලැබීය.

වැලිමඩ ඌව පරණගම ප්‍රදේශයේ පදිංචි පුද්ගලයකුගෙන් ලද පැමිණිල්ලකට අනුව රුපියල් 50,000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත, ඌව පළාත් සභාවේ මගී ප්‍රවාහන සේවා අධිකාරියේ වැඩ බලන ධාවන කළමනාකරු 2021.05.03 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

කඹුරුපිටිය ප්‍රදේශයේ පදිංචි ව්‍යාපාරිකයකුගෙන් ලද පැමිණිල්ලකට අනුව රුපියල් 5000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත, කඹුරුපිටිය අඩවි වන කාර්යාලයේ සේවය කරන බීට්ටු වන නිලධාරියෙකු 2021.04.09 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

මොරටුව ප්‍රදේශයේ පදිංචි ව්‍යාපාරිකයකුගෙන් ලද පැමිණිල්ලකට අනුව රුපියල් 5000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත මාර්ගස්ථ මගී ප්‍රවාහන අධිකාරියේ රත්මලාන ප්‍රාදේශීය කාර්යාලයේ කාර්යාල කාර්ය සහායක‍යෙකු 2021.04.07 වන දින රත්මලාන සොයිසාපුර හන්දියේ හෝටලයක් ඉදිරිපිටදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.