වත්තල, පල්ලියවත්ත ප්‍රදේශයේ පදිංචිකරුවකු විසින් කරන ලද පැමිණිල්ලකට අනුව, පැමිණිලිකරු විසින් ලබා දී ඇති අගරු චෙක්පත් 02කට අදාළව මහබාගේ පොලිස් ස්ථානයේ කර ඇති පැමිණිල්ල විභාග කර, එම අගරු චෙක්පත්වලට අදාළ ඉතිරි මුදල මාසික වාරික ලෙස ගෙවීමට ඉඩ සලසා දීමට හා පැමිණිලිකරු අධිකරණයට ඉදිරිපත් නොකර සිටීම සඳහා රු.25,000/=ක (විසිපන්දහසක) මුදලක් අල්ලස් වශයෙන් ඉල්ලා ලබා ගැනීමේ චෝදනාව මත මහබාගේ පොලිස් ස්ථානයේ, පොලිස් පරීක්ෂකවරයෙකු 2024.07.03 වන දින ප.ව 02.13ට පමණ මහබාගේ පොලිසිය අසල වැලිසර ආර්ථික මධ්‍යස්ථානයට ගමන් කරන මාර්ගයේ අබාන්ස් ආයතනය ඉදිරිපිට දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.