අම්බලන්ගොඩ ප්‍රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට අනුව, ඉඩම් භුක්තිය සම්බන්ධව ඇති වූ ආරවුලක් පිළිබඳව බලපිටිය මහේස්ත්‍රාත් අධිකරණයේ, පැමිණිලිකරු විසින් පුද්ගලිකව පවරන ලද නඩුවකට අදාළ තීන්දුව පැමිණිලිකරුහට අවාසි ලෙස ලැබීමෙන් පසුව නැවත මහාධිකරණයේ අභියාචනය කිරීම සඳහා නීතිඥවරයාගේ උපදෙස් පරිදි ඉහත නඩුවට අදාළ සම්පූර්ණ නඩු වාර්තාවේ පිටපතක් ලබා දීමට රජයේ ගාස්තුවට අමතරව අල්ලස් ලෙස රු.5,000/- ක (රුපියල් පන්දහසක) මුදලක් අයැද භාරගැනීමේ චෝදනාව මත බලපිටිය මහේස්ත්‍රාත් උසාවියේ සිතාසි සහ ඇස්කිසි ක්‍රියාකරුවකු 2025.06.05 දින මධ්‍යාහ්න 12.23ට බලපිටිය උසාවි සංකීර්ණය තුළ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.