කණුපැලැල්ල,බදුල්ල ප්‍රදේශයේ පුද්ගලයකුගෙන් ලද පැමිණිල්ලකට අනුව රු. 300000/- ක මුදලක් අල්ලස් ලෙස ලබා ගැනීමේ චෝදනාව මත බණ්ඩාරවෙල පොලිස් විශේෂ අපරාධ විමර්ශන අංශයට අනුයුක්ත උප පොලිස් පරීක්ෂකවරයෙක් 2020.10.06 වන දින වැලිමඩ මහේස්ත්‍රාත් අධිකරණය අසල ඇති ආපනශාලාව තුලදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

වැලිමඩ මහේස්ත්‍රාත් අධිකරණයේ විභාගවෙමින් පවතින නඩුවක 12 වන චූදිත ලෙස පැමිණිලිකරු නම්කර ඇති අතර එයින් නිදහස්කර රජයේ සාක්ෂිකරුවෙකු වශයෙන් නම් කිරීමට සහ කෑගල්ල මහේස්ත්‍රාත් අධිකරණයේ විභාග වන නඩුවකටද පැමිණිලිකරුගේ සම්බන්ධයක් ඇති බව පවසා එම නඩුවෙන්ද සැකකරුවෙකු ලෙස නම් නොකර රජයේ සාක්ෂිකරුවකු කිරීම සඳහා අවශ්‍ය කටයුතු කරදීමට රු. 300000/= ක මුදලක් අල්ලස් ලෙස ඉල්ලා ලබා ගැනීමේදී සැකකරු මෙලෙස අත්අඩංගුවට ගන්නා ලදී.