අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.09.25 වන දින සිදු කරන ලද වැටලීම්වල දී ගොවිජන සංවර්ධන නිලධාරියෙකු , කාර්යාල සේවක සේවයේ නිලධාරියෙකු සහ කාන්තා ආරක්ෂක නිලධාරිණියක අත්අඩංගුවට ගෙන ඇත. වැටලීම් 02කට අදාළව මෙම අත්අඩංගුවට ගැනීම් සිදු වී ඇති අතර, එම වැටලීම් 02කට අදාළ තොරතුරු පහත පරිදි වේ.

පිටිගල ප්‍රදේශයේ පදිංචි පුද්ගලයෙකු විසින් සිදුකරන ලද පැමිණිල්ලක් අනුව පැමිණිලිකරුගේ නිවස ඉදිකිරීම සඳහා නිවාස සංවර්ධන අධිකාරිය මගින් ලබාදෙන රු. ලක්ෂ 10 ක ආධාර මුදල ලබාදීම සඳහා අවශ්‍ය තාක්ෂණික සහාය හා නිර්දේශය ලබාදීමට රු. 50,000/- ක මුදලක් අල්ලස් ලෙස ඉල්ලා, 2025.08.19 දින මෙම ආධාර මුදලේ පළමු වාරිකය ලෙස රු. 146,000/- ක මුදල පැමිණිලිකරු ලබාගන්නා අවස්ථාවේදී ඉන් රු. 25,000/- ක මුදලක් අල්ලස් වශයෙන් ඉල්ලා ලබාගෙන ඇති අතර, ඉතිරි ආධාර මුදල ලබාගැනීමට අවශ්‍ය කටයුතු කරදීමට හා නිර්දේශය ලබා දීම වෙනුවෙන් රු. 25,000/- ක මුදලක් ඉල්ලා ලබාගැනීමේ දී ගාල්ල, නිවාස සංවර්ධන අධිකාරී කාර්යාලයේ නිවාස (තාක්ෂණික) නිලධාරියෙකු 2025.09.15 වන දින පෙ.ව. 11.45 ට පමණ නියාගම, ප්‍රාදේශීය ලේකම් කාර්යාලයේ සංවර්ධන අංශය තුළදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත් අඩංගුවට ගන්නා ලදී.

සයින්දමරුදු ප්‍රදේශයේ ව්‍යාපාරිකයෙකු විසින් සිදු කරන ලද පැමිණිල්ලකට අනුව, සැකකරු භාරයට ගන්නා ලද පැමිණිලිකරුගේ ආදායම් බලපත්‍රය නඩු නොපවරා පැමිණිලිකරුට ආපසු ලබාදීම සඳහා අල්ලස් වශයෙන් රු.10,000 (රුපියල් දසදහසක) මුදලක් ඉල්ලා ලබා ගැනීමේ චෝදනාව මත අම්පාර කොට්ඨාසයේ, කාර්තිවු පොලිස් ස්ථානයේ, පොලිස් කොස්තාපල්වරයෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.09.11 වන දින ප.ව.6.10ට පමණ කාර්තිවු පොලිස් ස්ථානයේ චෝදනාගාරයේ දී අත්අඩංගුවට ගන්නා ලදී.

සයින්දමරුදු ප්‍රදේශයේ ව්‍යාපාරිකයෙකු විසින් සිදු කරන ලද පැමිණිල්ලකට අනුව, සැකකරු භාරයට ගන්නා ලද පැමිණිලිකරුගේ ආදායම් බලපත්‍රය නඩු නොපවරා පැමිණිලිකරුට ආපසු ලබාදීම සඳහා අල්ලස් වශයෙන් රු.10,000 (රුපියල් දසදහසක) මුදලක් ඉල්ලා ලබා ගැනීමේ චෝදනාව මත අම්පාර කොට්ඨාසයේ, කාර්තිවු පොලිස් ස්ථානයේ, පොලිස් කොස්තාපල්වරයෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.09.11 වන දින ප.ව.6.10ට පමණ කාර්තිවු පොලිස් ස්ථානයේ චෝදනාගාරයේ දී අත්අඩංගුවට ගන්නා ලදී.

නාගරික සංවර්ධන අධිකාරිය සතු කොළඹ 05, මයුර පෙදෙසේ පිහිටි පර්චස් 55.5 ක ඉඩම් කොටසක් තාවකාලික බදු පදනම මත ලබා දීමේ දී නාගරික සංවර්ධන අධිකාරියට රු. 29,519,666.16 ක මුදලක් පාඩුකිරීම තුළින් දූෂණ වරද සිදුකිරීම මත නාගරික සංවර්ධන අධිකාරියේ හිටපු අධ්‍යක්ෂ ජනරාල් (මේ වන විට විශ්‍රාම ලබා ඇත) සම්පත් සුමේධ පූජිත රත්නායක සහ නාගරික සංවර්ධන අධිකාරියේ හිටපු අධ්‍යක්ෂ (ඉඩම්) හා අභ්‍යන්තර තක්සේරු කමිටුවේ සභාපති (මේ වන විට විශ්‍රාම ලබා ඇත) කොස්වත්ත ලියනගේ වීරවංශ පෙරේරා යන අය අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.09.11 වන දින පෙ.ව. 9.30 ට පමණ අත්අඩංගුවට ගන්නා ලදි.

2013 වර්ෂයේ දී, මග නැගුම නාගරික අභ්‍යන්තර මාර්ග හා ග්‍රාමීය මාර්ග සංවර්ධන වැඩසටහනට අදාළ කොන්ත්‍රාත්තු 112 ක් ප්‍රජාපාදක සමිති 12ක් වෙත තම අභිමතය මත කොන්ත්‍රාත් ප්‍රදානය කර මුදල් ගෙවීමේ දී ගිවිසුම්ගත පාර්ශ්වයට හැර වෙනත් පාර්ශ්ව වෙත මුදල් රෙගුලාසිවලට පටහැනි ලෙස මුදල් ගෙවීමෙන් හා ව්‍යාපෘති සඳහා නීති විරෝධී ලෙස සහ අයුතුසහගත ලෙස මැදිහත්වීමෙන් දූෂණයක් සිදු කිරීම මත මොරටුව මහා නගර සභාවේ හිටපු නගරාධිපති වනක්කුවත්ත සමන් ලාල් ප්‍රනාන්දු යන අය අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.09.10 වන දින ප.ව.12.50 ට පමණ අත්අඩංගුවට ගන්නා ලදී.

කඩුවෙල, කොරතොට ප්‍රදේශයේ පදිංචි ව්‍යාපාරිකයෙකු විසින් සිදුකරන ලද පැමිණිල්ලක් අනුව පැමිණිලිකරු විසින් ගෙන්වන ලද බහාලුමක් (Container) නිෂ්කාශනය කරදීම වෙනුවෙන් රේගු නිලධාරීන්ට ලක්ෂ පහක (රු. 500,000/-) මුදලක් අල්ලස් ලෙස ලබාදීමට මැදිහත් වීම සහ තවත් රු. 329,000/- ක මුදලක් තුටුපඩුරක් ලෙස අල්ලස් වශයෙන් ඉල්ලා රු. 330,000/- ක මුදලක් ලබාගැනීම සම්බන්ධව ශ්‍රී ලංකා රේගුවේ ලියාපදිංචි පුද්ගලික ආයතනයක වාප්පු ලිපිකරුවෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත් අඩංගුවට ගන්නා ලදී. මෙම අත්අඩංගුවට ගැනීම 2025.08.28 වන දින ප.ව. 5.30 ට පමණ ඔරුගොඩවත්ත බහාලුම් පර්යන්තයේ දී සිදුවිය.

2025.08.26 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් සිදු කළ වැටලීම් දෙකක දී පහත පරිදි අත්අඩංගුවට ගැනීම සිදු කරන ලදි.

ජා-ඇල ප්‍රදේශයේ ව්‍යාපාරිකයෙකු විසින් සිදුකළ පැමිණිල්ලක් අනුව, ආඬිඅම්බලම, ගොවිජන සේවා මධ්‍යස්ථානයේ ගොවිජන සංවර්ධන ප්‍රාදේශීය නිලධාරියෙකු සහ කෘෂිකර්ම පර්යේෂණ හා නිෂ්පාදන සහයකවරයෙකු රු.300,000/- ක අල්ලස් ඉල්ලා ලබාගැනීමේ දී ආඬිඅම්බලම, ගොවිජන සංවර්ධන ප්‍රාදේශීය නිලධාරී කාර්යාලය තුළ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2025.08.15 වන දන ප.ව.2.00ට පමණ අත්අඩංගුවට ගන්නා ලදි.

අල්ලස් හෝ දූෂණ චෝදනා විමර්ශන කොමිෂන් සභාව විසින් රාජ්‍ය පරිපාලන පළාත් සභා හා පළාත් පාලන අමාත්‍යංශය සහ පළාත් සභාවල සහයෝගය ඇතිව අභිනවයෙන් පත් වූ පළාත් පාලන සභිකයින් 8,500කට වඩා වැඩි ප්‍රමාණයක් ඉලක්ක කරගනිමින් දූෂණ විරෝධී නීතිය හා සුපිළිපන්බව පිළිබඳ දැනුම ඉහළ නැංවීමේ ජාතික වැඩසටහන් මාලාවක් පැවැත්වීමට සැලසුම් කර ඇත. අල්ලසින් හා දූෂණයෙන් තොර වූ පළාත් පාලන ආයතන සංස්කෘතියක් නිර්මාණය කිරීම මෙහි ප්‍රමුඛත ම අභිලාෂය වේ.

ඒකල ප්‍රදේශයේ පදිංචිකරුවෙකු විසින් සිදු කරන ලද පැමිණිල්ලකට අනුව, 2025.08.06 වන දින පැමිණිලිකරු යතුරුපැදියෙන් නිවසට යන අවස්ථාවේ වසා තිබූ දුම්රිය හරස් මාර්ගය හරහා යතුරුපැදිය ධාවනය කිරීම යන වරදට පැමිණිකරුව අධිකරණය වෙත ඉදිරිපත් නොකර සිටීමටත්, පොලිස් භාරයට ගත් රියදුරු බලපත්‍රය නැවත් ලබාදීමටත්, රු.15,000/- (රුපියල් පහළොස්දහසක) මුදලක් අල්ලස් ලෙස ඉල්ලා ලබාගැනීමේ චෝදනා මත ජා-ඇල පොලිස්ථානයේ රථවාහන අංශයට අනියුක්තව සේවය කළ පොලිස් සැරයන්වරයෙකු 2025.08.23 වන දින ‌ප.ව.5.35 ට පමණ ජා-ඇල පොලිස්ථානයේ රථවාහන අංශයේ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.