පැමිණීලිකරුට රියදුරු බලපත්‍රය ලබා ගැනිමට අවශ්‍ය විභාගය සමත් කර දිමට හා ඉන් අනතුරුව, රියදුරු බලපත්‍රය ලබා ගැනිමට, අවශ්‍ය කටයුතු කර දිම වෙනුවෙන් රු.5,000/= ක මුදලක් අල්ලස් වශයෙන් අයැද, ඒම මුදල 2020.07.29 දින ඉල්ලා ලබා ගත් අවස්ථාවේදි, අල්ලස් හෝ දුෂණ චෝදනා විමර්ශණ කොමිෂන් සභවේ නිළධාරින් විසින් අත් අඩංගුවට ගෙන ඇත.

පදිංචි සහතිකයක් ලබාදීම සඳහා රුපියල් 100000/-ක (ලක්‍ෂයක) මුදලක් අල්ලස් වශයෙන් ඉල්ලා ලබාගන්නා අවස්ථාවේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිළධාරීන් විසින් 2020.07.27 වන දින අංක 177 වනාතමුල්ල ග්‍රාම නිළධාරිනී වශයෙන් කටයුතු කල අය හා ඊට ආධාර අනුබල දුන් තවත් පුද්ගලයෙකු අත් අඩංගුවට ගෙන ඇත.

පැමිණිලිකාරියගේ පුරුෂයා සමග අත්අඩංගුවට ගන්නා ලද තවත් අයෙකු හට මහාධිකරණයේ නඩුවක් නොපරවා සුළු දුෂණ වරදකට මහේස්ත්‍රාත් අධිකරණයේ නඩුවක් පැවරීමට අවශ්‍ය කටයුතු සලසා දීමට සහ පොලිස් භාරයට ගෙන තිබූ පැමිණිලිකාරියගේ විදේශ ගමන් බලපත්‍රය නැවත ලබාදීමට ලිංගික අල්ලසක් ඉල්ලා ලබා ගැනීමට තැත් කරන අවස්ථාවේදී අල්ලස් හෝ දුෂණ චෝදනා විමර්ශන කොමිෂන් සභාවේ නිලධාරීන් විසින් 2020.07.26 දින බියගම පොලිසියේ උප පොලිස් පරීක්‍ෂකවරයකු අත්අඩංගුවට ගන්නා ලදී.

නීති විරෝධී මත්පැන් තම සන්තකයේ තබාගත් තැනැත්තෙකුට එරෙහිව පවරා ඇති නඩුවකින් නිදහස් වූ පුද්ගලයෙකුට නීති විරෝධී මත්පැන් සම්බන්ධයෙන් නැවත අලුතෙන් නඩුවක් පවරන බව පවසා එසේ නොකර සිටීමට මාසිකව රුපියල් 5,000/ බැගින් අල්ලස් ඉල්ලා 2020 ජූලි මසට අදාළව රුපියල් 5,000/= ක මුදලක් අල්ලස් වශයෙන් ඉල්ලා ලබාගන්නා අවස්ථාවේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිළධාරීන් විසින් 2020.07.20 වන දින නුගේගොඩ කොට්ඨාශ ළමා හා කාන්තා කාර්යාංශයට අනුයුක්ත උප පොලිස් පරීක්‍ෂක වරයෙකු අත් අඩංගුවට ගෙන ඇත.

ගෝඩා සම්බන්ධයෙන් පවරා ඇති නඩුවකින් නිදහස් වූ පුද්ගලයෙකුට නැවත නඩු පවරන බව හා නීති විරෝධී මත්පැන් සම්බන්ධයෙන් නැවත අලුතෙන් නඩුවක් පවරන බව පවසා එසේ නොකර සිටීමට මාසිකව රුපියල් 5,000/ බැගින් අල්ලස් ඉල්ලා  2020 ජූලි මසට අදාළව රුපියල් 5,000/= ක මුදලක් අල්ලස් වශයෙන් ඉල්ලා ලබාගන්නා අවස්ථාවේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිළධාරීන් විසින් 2020.07.20 වන දින නුගේගොඩ කොට්ඨාශ ළමා හා කාන්තා කාර්යාංශයට අනුයුක්ත උප පොලිස් පරීක්‍ෂක වරයෙකු අත් අඩංගුවට ගෙන ඇත.

පැමිණිලිකරු ඇතුළු 04 දෙනෙකුට විරුද්ධව ගම්පහ අධිකරණයට කරුණු වාර්තා කර ඇති නඩුවක අධිකරණ නියෝගය ලිහිල් කර දීමට සහ ඉදිරි නඩු කටයුතු වලට සහනයක් සළසාදීම සඳහා අවශ්‍ය කටයුතු කරදීමට රුපියල් 15,000/= ක මුදලක් අල්ලස් වශයෙන් ඉල්ලා ලබාගත් අවස්ථාවේ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිළධාරීන් විසින් 2020.07.13 වන දින අත් අඩංගුවට ගෙන ඇත.

නැගෙනහිර පළාතේ මුලික රෝහලක සෞඛ්‍ය සේවා සහයක වශයෙන් සේවය කරන පැමිණිලිකරු හට දැනට රාජකාරි කරනු ලබන හදිසි අනතුරු ඒකකයේ සිට සායන අංශය වෙත රාජකාරි ස්ථානය වෙනස් කර දීම සඳහා එම රෝහලේ සුළු සේවා පාලක විසින් රු.15,000 ක මුදලක් ඉල්ලා එයින් රු.10000 ක මුදලක් අල්ලස් වශයෙන්  ඉල්ලා ලබාගන්නා අවස්ථාවේදී අල්ලස් හෝ දුෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන ඇත.

පැමිණීලිකරු කහටගස්දිගිලිය ප්‍රදේශයේ හේන්ගොවිතැනින් ජිවත් වන අතර ඔහුගේ හේනට යාබදව තිබු රජයට අයත් ඉඩම් කොටසක් එළිපෙහෙළි කිරිම වරදක් බව පවසා, ඒ සදහා නඩු පවරන බවට ප්‍රකාශ කර, ඒසේ නඩු නොපවරා සිටිමට රු.20,000/= ක මුදලක් අල්ලස් වශයෙන් අයැද ඉන් රු.7,000/= ක් පළමුව ලබාගෙන ඉතිරි රු.13,000/= ක මුදල 2020.07.07 දින ඉල්ලා ලබා ගන්නා අවස්ථාවේදි, අල්ලස් හෝ දුෂණ චෝදනා විමර්ශන කොමිෂන් සභාවේ නිළධාරින් විසින් අත්අඩංගුවට ගෙන ඇත.

දොම්පේ කුඹල්විල වත්ත, අංක 320 ලිපිනයෙහි පදිංචි විතානගේ දිනේෂ්  චන්දන යන අය ගංජා ලග තබා ගැනීමේ වරදට නීති මගින්  කටයුතු නොකර සිටීම සඳහා  රු. 10,000/= ක මුදලක් ඉල්ලා ඉන් රු. 5,000/= ක මුදලක් එදිනම ලබාගෙන ඉතිරි රු. 5,000/= ක මුදල සම්බන්ධයෙන් අල්ලස් කොමිසමට කරන  ලද පැමිණිල්ලට අනුව සංවිධානය කරන ලද වැටලීමේදී අල්ලස් නිලධාරීන් ඉදිරිපිට ඉතිරි රු. 5,000/= ක මුදල ලබා ගත් බවට අධි චෝදනා ගොණු කරන ලද අතර එකී අධි චෝදනා පත්‍රයේ සඳහන් 01 – 08 දක්වා වූ චෝදනා සඳහා චූදිත තැනැත්තා වන දෙල්ගොඩ, පොල්හේන හන්දිය, බැලුම්මහර, අංක 165 ඩී, හි පදිංචි ජයවර්ධන මුදියන්සේලාගේ නිමල් රත්නායක යන (පොලිස් කොස්තාපල්, 43903, දොම්පෙ පොලස් ස්ථානය) අය වරද පිළිගන්නා ලදී.

කිරිබත්ගල, වටාපත, පදිංචි පැමිණිලිකරු භුක්ති  විදින රජයේ කුඹුරු ඉඩම සඳහා නීත්‍යායානුකූලව ඔප්පුව සකස් කර දීමට අවශ්‍ය ලිපියක් සකස් කිරීමට රු. 5,000/= මුදලක් අල්ලස් වශයෙන් අයැද ලබාගන්නා ලද රත්නපුර ඉඩම් ප්‍රතිසංස්කරණ කොමිෂන් සභාවේ කළමනාකරණ සහකාර, ඕමල්පේ දයාරත්න යන අය දීර්ඝ නඩු විභාගයකින් අනතුරුව වැරදිකරු කරන ලදී.

නිර්නාමික පෙත්සමක් මත, අල්ලස් කොමිසම මෙහෙයවූ වත්කම් විමර්ශනයක් පිලිබඳ නඩුවේ තීන්දුව 2020.06.12 දින , චුදිත එනම් විදුලි බල මණ්ඩලයේ රත්නපුර කාර්යාලයේ සැපයුම් සහකාර විජේකෝන් මුදියන්සේලාගේ සුමනසේකර යන නිලධාරියා වරද කරු කර ප්‍රකාශයට පත් කරන ලදී.

2020.05.28 දින අල්ලස් හෝ දූෂණ චෝදනා විමර්ශන කොමිෂන් සභාවට ලද පැමිණිල්ලකට අනුව ක්‍රියාත්මක වූ කොමිෂන් සභාවේ බලය ලත් විමර්ශන නිලධාරීන් විසින් එම දිනයේදීම කරන ලද වැටලීමකින් ආලයඩිවෙම්බු ප්‍රාදේශිය ලේකම් හා එම ප්‍රාදේශිය ලේකම් කාර්යාලයේ සහකාර අධ්‍යක්‍ෂ සැලසුම් රු.300,000/-ක අල්ලස් මුදලක් ලබාගන්නා අවස්ථාවේදී අත්අඩංගුවට ගන්නා ලදී. ප්‍රාදේශිය ලේකම් කාර්යාලය හරහා සිදු කිරීමට නියමිත මාර්ග සංවර්ධන ව්‍යාපෘතියක් යටතේ අතුරු මාර්ග 3ක් සංවර්ධනය කිරීමට අදාල කොන්ත්‍රාත්තුව පැමිණිලිකරු වෙත ලබා දීමට එකග වෙමින් පළමුවන සැකකරු වන ප්‍රාදේශීය ලේකම් විසින් දෙවන සැකකරු වන සහකාර අධ්‍යක්‍ෂ සැලසුම් මගින් මෙම අල්ලස් මුදල ලබා ගැනීමේදී අදාල ප්‍රාදේශීය ලේකම් කාර්යාලය තුළදී අත්අඩංගුවට ගෙන ඇත.