රාගම ප්‍රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට අනුව, පැමිණිලිකරුගේ පුතාගේ නමින් ලියාපදිංචි හෝටලයේ මුදල් අයකැමිට විරුද්ධව ආහාර පනත යටතේ වැලිසර මහේස්ත්‍රාත් අධිකරණයේ විභාග වන නඩුවක සාක්ෂිකරුවන්ව සිටිමින් එම නඩුවේ විත්ති පාර්ශ්වයට වාසියක් වන පරිදි කටයුතු සිදුකර දීම සඳහා රු.50,000/- (රුපියල් පනස්දහස)ක මුදලක් අල්ලස් ලෙස ඉල්ලා ලබාගැනීමේ චෝදනාව මත රාගම පදිංචි සිවිල් පුරවැසියන් දෙදෙනෙකු 2026.03.18 වන දින පෙ.ව.10.25ට පමණ රාගම නගරයේ පිහිටා ඇති මිහිරි හෝටලය තුළ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් අත්අඩංගුවට ගන්නා ලදි.

රාගම ප්‍රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට අනුව, පැමිණිලිකරු විසින් ජා-ඇල ප්‍රාදේශීය සභාවේ ටෙන්ඩරයක් මත ලබාගෙන, සතියේ බදාදා සහ සෙනසුරා දින වලදී පවත්වාගෙන යනු ලබන රාගම පොළභූමිය තුළ ඇති මාර්ගවල වෙළඳාම් කිරීමටත්, එම මාර්ගවල රථවාහන ගාල් කර වෙළඳුන්ට සහ පදිකයින්ට කරදරයකින් තොරව එම කටයුතු පවත්වාගෙන යාමට නීති මඟින් කටයුතු නොකර සිටීමට පොළ පැවැත්වෙන එක් දිනයක් සඳහා රු.5,000/- බැගින් දින දෙකකට රු10,000/- මුදලක් පැමිණිලිකරුගෙන් අල්ලස් වශයෙන් ඉල්ලා ලබාගැනීමේ චෝදනාව මත ශ්‍රී ලංකා පොලීසියේ උප පොලිස් පරීක්ෂකවරයෙකු (ස්ථානාධිපති රථවාහන අංශය) 2026.03.17 වන දින පෙ.ව.6.30ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

මීගමුව ප්‍රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට අනුව, දෙහිඕවිට අඩවි වන කාර්යාලයේ නිලධාරීන් සිව්දෙනකු සහ සිවිල් පුරවැසියෙකු අල්ලස් ඉල්ලා ලබාගැනීමේ චෝදනාව මත අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් 2026.03.17 වන දින අත්අඩංගුවට ගන්නා ලද අතර, එහි විස්තර පහත පරිදි වේ.

වාලච්චේන ප්‍රදේශයේ පුද්ගලයෙකු විසින් සිදු කරන ලද පැමිණිල්ලකට අනුව, පැමිණිලිකරුට අයිස් මත්ද්‍රව්‍ය සම්බන්ධයෙන් පවරන ලද නඩුවකට දඬුවම් වශයෙන් පැය 200ක කාලයක් ප්‍රජා සේවයේ යෙදෙන ලෙසට කළ නියෝගයට අනුව, එසේ ප්‍රජා සේවයේ නිසියාකාරව නොයොදන බව පවසා ඒ සම්බන්ධයෙන් අධිකරණයට කරුණු වාර්තා කර වරෙන්තු ලබාගත හැකි බවත්, එසේ වරෙන්තු නොගෙන සිටීම වෙනුවෙන් රු.10,000/- (රුපියල් දසදහස) ක මුදලක් අල්ලස් වශයෙන් ඉල්ලා, ලබාගැනීමේ චෝදනාව මත වාලච්චේන මහේස්ත්‍රාත් අධිකරණයේ, ප්‍රජා විශෝධන කාර්යාලයේ ප්‍රජා විශෝධන නිලධාරියෙකු 2026.03.13 වන දින පෙ.ව.09.30 ට පමණ වාලච්චේන මහේස්ත්‍රාත් අධිකරණයේ, ප්‍රජා විශෝධන කාර්යාලය තුළ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

කන්තලේ ප්‍රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට අනුව, කන්තලේ නගර මධ්‍යයේ පිහිටි සංචාරක අවන්හලක් වෙත 2026 වර්ෂය සඳහා ගිණි ආරක්ෂණ සහතිකය ලබා දීම සඳහා අල්ලස් ලෙස මුදලින් රු.40,000 /- ක මුදලක් ඉල්ලා එකී මුදල රු.35,000/- දක්වා අඩුකර, එයින් රු.10,000/- ක මුදලක් බැංකු ගිණුමට බැර කරවාගෙන ඉතිරි රු.25,000/- මුදලින් රු.20,000/- මුදලක් අල්ලස් ලෙස ඉල්ලා ලබා ගැනීම හා ආධාර අනුබල ලබා දීම යන චෝදනා මත ත්‍රිකුණාමලය මහ නගර සභාවේ ගිණි නිවීම් හා හදිසි මුදවා ගැනීම් අංශයේ, අංශ භාර ගිණි නිවන නිලධාරියෙකු (ස්ථානභාර නිලධාරී) සහ ගිණි භටයෙකු 2026.03.11 වන දින පිළිවෙළින් පෙ.ව.10.07 ට සහ පෙ.ව. 10.02 ට පමණ ත්‍රිකුණාමලය මහ නගර සභාව සහ ත්‍රිකුණාමලය ගිණි නිවීම් හා හදිසි මුදවාගැනීම් අංශය යන ස්ථානවලදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

ශ්‍රී ලංකා ගුවන් සමාගමේ ප්‍රධාන විධායක නිලධාරී ලෙස සහ එයාර් බස් ගුවන් යානා මිල දී ගැනීමට අදාළ ප්‍රසම්පාදන කමිටුවේ සභාපති ලෙස කටයුතු කරමින් සිට එකී මිල දී ගැනීමේ දී
අල්ලස් ලබා ගැනීමේ අරමුණින් තම බිරිඳ ඇතුළුව තවත් අයවළුන් සමඟ කුමන්ත්‍රණය කර සිය බිරිඳ නමින් බෘනායි රටේ ව්‍යාජ සමාගමක් පිහිටුවා එම සමාගම නමින් සිංගප්පූරුවේ බැංකුවක ගිණුම් විවෘත කර අල්ලස් මුදල් ලෙස European Aeronautic Defense and Space Company නම් සමාගම වෙතින් යුරෝ 1,454,645.54 ක මුදලක් ලබාගෙන තමාගේ ඔස්ට්‍රේලියාවේ කොමන්වෙල්ත් බැංකුවේ ගිණුමකට සහ ශ්‍රී ලංකා ගුවන් සමාගමේ එවකට අධ්‍යක්ෂ ජනරාල්වරයෙකු ඇතුළු තවත් පුද්ගලයින් කිහිපදෙනෙකු වෙත එම අල්ලස් මුදල් ලබාදීමට කටයුතු කිරීමේ චෝදනා මත ශ්‍රී ලංකා ගුවන් සමාගමේ හිටපු ප්‍රධාන විධායක නිලධාරි කපිල චන්ද්‍රසේන යන අය 2026.03.12 වන ප.ව.6.30 ට පමණ දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

ව්‍යාජ ආකාරයට මෝටර් රථ ලියාපදිංචි කිරීම ඇතුළු චෝදනා කිහිපයක් යටතේ මෝටර් රථ ප්‍රවාහන දෙපාර්තමේන්තුවේ සේවය කරන ලද සහ දැනට සේවය කරනු ලබන නිලධාරින් 04 දෙනෙකු 2026.03.12 දින පෙ.ව 10.00 ත් පෙ.ව 10.40ත් අතර කාලය තුළ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි. අදාළ ‌තොරතුරු පහත පරිදි වේ.

අල්ලස් පනතේ 23(අ) (1) වගන්තිය අනුව, සැකකරු විසින් 2011.03.31 වන දින සිට 2013.08.03 වන දින දක්වා කාලය තුල තම නීත්‍යානුකූල ආදායම අභිබවා රු. 4,428,305.70ක වටිනාකමෙන් යුත් වත්කම් උපයා තිබීමෙන්, අයතා වත්කම් ඉපයීම යන වරද සිදු කිරීමේ චෝදනාව මත සිවිල් ආරක්ෂක දෙපාර්තමේන්තුවේ හිටපු ප්‍රධාන ගණකාධිකාරීවරයෙකු වන උඩුගම ආරච්චිලාගේ මංගලසිරි කුමාරරත්න සුමණසේකර යන අය 2026.03.11 වන දින පෙ.ව. 09.40ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

උපයාගත් වත්කම් හෙළිදරව් කිරීමට අපොහොසත් වීම මත, අල්ලස් පනතේ 23 වගන්තිය යටතේ සඳහන් වැරදි සම්බන්ධව සිදු කරගෙන යනු ලබන විමර්ශනයකට අදාළව හිටපු පාර්ලිමේන්තු මන්ත්‍රීවරයෙකු වූ සජින් ද වාස් ගුණවර්ධන යන අය 2026.03.09 වන දින පෙ.ව.11.30 ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

කොමිෂන් සභාව වෙත ලද පැමිණිල්ලක් මත සිදු කරගෙන යනු ලබන විමර්ශනයකට අදාළව කුණ්ඩසාලේ උඩමළුව පුරාවිද්‍යා භූමියේ තිබූ මහනුවර රාජධානියට අයත් සිංහල රාජවංශයේ අවසන් රජු වන ශ්‍රී වීර පරාක්‍රම නරේන්ද්‍රසිංහ රජතුමාගේ මාලිගයේ පිවිසුම් ගැටපෙළ අසල තිබූ ඓතිහාසික පුරාවිද්‍යා වටිනාකමින් යුත් සඳගල නම් පුරා වස්තුව සොරකම් කිරීමට අදාළව සිදු කරන ලද විමර්ශනය නිසි පරිදි සිදු නොකිරීමට බලපෑම් කිරීම සහ අදාළ වරදට සම්බන්ධ සමහර සැකකකරුවන්ට ගැල වීයාමට ආධාර කිරීම තුළින් දූෂණය යන වරද සිදු කිරීම යන චෝදනාව මත චෝදනා මත අපරාධ පරීක්ෂණ දෙපාර්තමේන්තුවේ හිටපු නියෝජ්‍ය පොලිස්පතිවරයෙකු වූ ප්‍රසාද් රණසිංහ යන අය 2026.03.10 වන දින පෙ.ව.11.45ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

2018 වර්ෂයේ දී සෞඛ්‍ය පෝෂණ හා දේශීය වෛද්‍ය අමාත්‍යංශය වෙත පුද්ගලික ආයතනයකින් ගොඩනැගිල්ලක් කුලී පදනම මත ලබාගැනීමෙන් පසු ඒ සඳහා සෞඛ්‍ය අමාත්‍යංශයෙන් චෙක්පත් මඟින් කුලී මුදල් ගෙවීමේ දී අදාළ චෙක්පත් ප්‍රමාදයකින් තොරව ලබා දීමට පොරොන්දු වී ඒ වෙනුවෙන් අල්ලස් මුදල් ඉල්ලා අවස්ථා 07 ක දී චෙක්පත් මඟින් රුපියල් මිලියන 20 ක අල්ලස් මුදලක් ඉල්ලා, ලබාගැනීමට කටයුතු කිරීමේ චෝදනාව මත සෞඛ්‍ය අමාත්‍යංශයේ විශ්‍රාමික ප්‍රධාන ලිපිකරුවෙකු 2026.03.04 වන දින ප.ව.1.15 ට පමණ සෞඛ්‍ය අමාත්‍යංශයේ ආපන ශාලාවේ දී  අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

නීති විරෝධී දේපල හෝ වත්කම් විමර්ශන කොට්ඨාසය මඟින් අත්අඩංගුවට ගෙන රක්ෂිත බන්ධනාගාරගත කරන ලද සැකකරුවෙකු වෙත ඇප ලබාගැනීමට අවශ්‍ය සහාය ලබාදීම සඳහාත්, එම සැකකරුගේ පවුලේ අයවලුන් අත්අඩංගුවට ගැනීමෙන් වළක්වාලීමට අවශ්‍ය සහාය ලබාදීම සඳහාත් රුපියල් ලක්ෂ 50 ක මුදලක් අල්ලස් වශයෙන් ඉල්ලා ලබාගැනීමේ අල්ලස් චෝදනාව මත කොළඹ 12 ප්‍රදේශයේ පදිංචි ව්‍යාපාරිකයෙකු 2026.03.03 වන දින පෙ.ව.9.00 ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.