ආබාධ සහිත තැනැත්තන් සඳහා වූ ජාතික මහා ලේකම් කාර්යාලය මඟින් එක් දරුවෙකු සඳහා එක් වතාවක් පමණක් ලබාදෙන රු.10,000/- ක අධ්‍යාපන ආධාර මුදල දරුවන් දෙදෙනෙකු නමින් ලබාගෙන එම මුදල් අදාල දරුවන් සඳහා ලබා නොදී තම පුද්ගලික පරිහරණයට යොදා ගැනීමේ දූෂණ චෝදනා මත කටාන ප්‍රදේශීය ලේකම් කාර්යාලයේ හිටපු සමාජසේවා නිලධාරියෙකු වන කුඩා පේදුරු ආරච්චිලාගේ සමන් ශ්‍රියාරත්න යන අය 2026.02.24 වන දින ප.ව.12.45 ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

ලලිත් ඇතුලත්මුදලි මහපොල උසස් අධ්‍යාපන ශිෂ්‍යත්ව භාර අරමුදල තර ගැනීම සඳහා මාර්ගගත ලොතරැයියක් ආරම්භ කිරීම සඳහා සිදු කරන ලද ප්‍රසම්පාදනයේ දී සාර්ථකව තෝරාගන්නා ලද ආයෝජකයා වෙත ලංසුව නොපිරිනැමීමෙන් රජය සහ එකී ආයතනය වෙත පාඩුවක් සිදු කිරීම සහ නැවත ලංසු කැඳවීම මඟින් දූෂණයක් සිදු කිරීම ට අදාලව වෙළඳ අමාත්‍යංශයේ හිටපු ලේකම්වරයෙකු වූ ඒ.එම්.ප්‍රියංක මද්දුම බණ්ඩාර අතපත්තු , හිටපු අතිරේක ලේකම්වරයෙකු වූ (පාලන) දොරෙයිසාමි ජිවානන්නදම් සහ ප්‍රධාන මූල්‍ය නිලධාරීවරයෙකු වූ කලුදේව අරවින්ද ප්‍රියදර්ශනී ද සිල්වා යන තිදෙනාම සහ නැවත ලංසු කැඳවීමේ දී පළමු ලංසු කැඳවීමෙන් අසාර්ථක හා ප්‍රතික්ෂේපිත ආයතනයකට අනුබද්ධ සමාගමකින් රු.1,000,000/- ක මුදලක් අල්ලස් අයදීම සහ ලබා ගැනීම යන චෝදනාවන් සඳහා ඉහත පළමු සහ දෙවන චූදිතයන් යනාදී ලෙස අදාළ චූදිතයන් තිදෙනා 2026.02.24 වන දින පිළිවෙළින් පෙ.ව.10.05, පෙ.ව.10.20 ට සහ පෙ.ව.10.30ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

ඕට්ටමාවඩි ප්‍රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට අනුව, පැමිණිලිකරුගේ නීත්‍යනුකූල බිරිඳ විසින් දරුවන්ට නඩත්තු ගෙවන ලෙසට ඉල්ලා, පවරන ලද නඩුවක නඩත්තු නොගෙවීම සම්බන්ධයෙන් මහේස්ත්‍රාත් අධිකරණය මඟින් පැමිණිලිකරුට විවෘත වරෙන්තු නිකුත් වී තිබිය දී එම විවෘත වරෙන්තු අවලංගු කරගැනීම සඳහා සැකකරු විසින් ගරු අධිකරණය වෙත ඉදිරිපත් කරන ලද නඩත්තු නඩුවලට අදාල විස්තර වාර්තාවේ සහතික පිටපතක් ලබා දී ඒ වෙනුවෙන් රු.5,000/- ක මුදලක් අල්ලස් වශයෙන් ඉල්ලා ලබාගැනීමේ චෝදනාව මත වාලච්චේන කෝරලයිපත්තු (මධ්‍යම) ක්වාසි අධිකරණය සහ පොළොන්නරුව (වැ.බ.) ක්වාසි විනිසුරුවරයෙකු 2026.02.17 වන දින පෙ.ව.11.45 ට පමණ අංක 621,අක්බර් පල්ලිය පාර, වාලච්චේන 05 ක්වාසි අධිකරණ කාර්යාලයේ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

මරදමුනේ ප්‍රදේශයේ පදිංචි ව්‍යාපාරිකයෙකු විසින් සිදු කරන ලද පැමිණිල්ලකට අනුව, පැමිණිලිකරුගේ දියණියගේ උප්පැන්න සහතිකය ලියාපදිංචි කරගැනීමට ගිය අවස්ථාවේ දී ඒ සඳහා සැකකාරිය විසින් රු.1000/- ක මුදලක් අල්ලස් ලෙස ඉල්ලා ඉන් රු.500/- ක් එදින ලබාගෙන, 2026.02.16 වන දින ලියාපදිංචි උප්පැන්න සහතිකය ලබාගැනීමට පැමිණෙන ලෙසත්, එදිනට ඉතිරි රු.500/- රැගෙන එන ලෙස දැන්වීමෙන් පසුව පැමිණිලිකරු අද දින සැකකාරිය හමු වූ අවස්ථාවේ දී උප්පැන්න සහතිකය ලබා දී ඉතිරි රු.500/- ක මුදල අල්ලස් ලෙස ඉල්ලා ලබාගැනීමේ චෝදනාව මත ආලයඩිවෙම්බු ප්‍රාදේශීය ලේකම් කාර්යාලයේ වැඩ බලන උප්පැන්න හා මරණ රෙජිස්ට්‍රාර්වරයෙකු 2026.02.16 වන දින පෙ.ව. 11.45 ට පමණ සැකකාරියගේ නිවසේ පවත්වාගෙන යනු ලබන උප්පැන්න හා මරණ රෙජිස්ට්‍රාර් කාර්යාලය තුළ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

ජාතික ජල සම්පාදන හා ජලපවහන මණ්ඩලයේ සභාපතිවරයාගේ පරිහරණය සඳහා රජයේ වාහන දෙකක් යොදවා තිබිය දී එම මණ්ඩලය මඟින් ක්‍රියාත්මක කර ඇති මහනුවර උතුර පාතදුම්බර ඒකාබද්ධ ජල සම්පාදන ව්‍යාපෘතියේ කොන්ත්‍රාත් මුදලින් කුලී ගෙවීමේ පදනම මත ටොයෝටා ප්‍රාඩ්‍රෝ (Toyota Prado) වර්ගයේ (SUV) ජීප් රථයක් කුලී පදනම මත ලබාගෙන, එම වාහනය කුමන කටයුත්තක් සඳහා ධාවනය කළාද යන්න පිළිබඳව තහවුරු කරගැනීමකින් තොරව, කුලී මුදල් වශයෙන් රු.12,750,000/- ක පමණ මුදලක් ගෙවීමට කටයුතු කිරීමෙන් රජයට පාඩුවක් සිදු කිරීමෙන් හා පී.එන් ඔටෝ හෝල්ඩින් නැමැති ආයතනයෙන් එකී වාහනය සපයා ගැනීමේ අරමුණින් ප්‍රසම්පාදන රීති නොසලකා හරිමින් කටයුතු කර එම ආයතනය වෙත කොන්ත්‍රාත්තුව පිරිනැමීමට කටයුතු කර වාහනය නිසි ලෙස භාරගැනීමක් සිදු නොකර සැපයුම්කරුට මුදල් ගෙවීමෙන් සැපයුම්කරුට අයුතු වාසියක් සිදු කිරීමෙන් දූෂණය නම් වරද සහ එම වරද සිදු කිරීමට කුමන්ත්‍රණය කිරීමේ චෝදනාව මත ජාතික ජල සම්පාදන හා ජලපවහන මණ්ඩලයේ විශ්‍රාමික සාමාන්‍යාධිකාරීවරයෙකු 2026.02.12 වන දින පෙ.ව.9.20 ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

කොමිෂන් සභාවට ලද තොරතුරක් මත සිදු කරගෙන යනු ලබන විමර්ශනයකට අදාළව , අමාත්‍ය මණ්ඩල අනුමැතිය සහ ලංකා සතොස ලිමිටඩ් ආයතනයේ පවත්නා නීතිරීතිවලට පටහැනිව ලංකා සතොස ලිමිටඩ් ආයතනයට පාඩුවක් වන බවට දැනුම හා චේතනාව ඇතිව පුද්ගලික ව්‍යාපාරිකයෙකුට වාසියක් සැලසීමේ අරමුණින් සුදුළුෑණු කිලෝ ග්‍රෑම් 54860 ක් කිලෝ එකක් රු.135/- ක මුදලක‌ට පුද්ගලික පාර්ශවයකට විකිණීමෙන් රු.17,006,600 /- ක පාඩුවක් ලංකා සතොස ආයතනය වෙත සිදු කිරීම හා ආධාර අනුබල ලබා දීම හා කුමන්ත්‍රණය යන චෝදනා මත ලංකා සතොස ලිමිටඩ් ආයතනයේ හිටපු නියෝජ්‍ය සාමාන්‍යාධිකාරිවරයෙකු (මුදල්) සහ ව්‍යාපාරිකයන් දෙදෙනෙකු 2026.02.12 වන දින පෙ.ව.9.00 ට සහ පෙ.ව.9.14 ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

කොමිෂන් සභාවට ලද තොරතුරක් මත සිදු කරගෙන යනු ලබන විමර්ශනයකට අදාළව , මෝටර් රථ ප්‍රවාහන දෙපාර්තමේන්තුවේ නීත්‍යනුකූල මුල් පදිංචියක් නොමැතිව අංක GZ - 6889 දරණ මෝටර් රථය 2017.02.17 දින නීත්‍යනුකූල නොවන පැවරීමක් සිදු කිරීම සඳහා අනුමැතිය ලබා දීමේ චෝදනාව මත වර්තමානයේ මුදල් අමාත්‍යංශයේ , වෙළඳ හා ආයෝජන ප්‍රතිපත්ති දෙපාර්තමේන්තුවේ සේවයේ නියුතු මෝටර් රථ ප්‍රවාහන දෙපාර්තමේන්තුවේ, කාර් පැවරුම් අංශයේ හිටපු නියෝජ්‍ය කොමසාරිස්වරියක 2026.02.12 වන දින ‌පෙ.ව.9.00 ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

දෙහිඅත්තකණ්ඩිය ප්‍රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට අනුව, පැමිණිල්කරු සේවය අතහැර යාම නිසා නැවත ඔහු සේවයේ පිහිටුවා අධ්‍යාපන අමාත්‍යංශය මඟින් දෙහිඅත්තකණ්ඩිය කලාප අධ්‍යාපන කාර්යාලයට කර තිබූ අනුයුක්තය දීර්ඝ කර ගැනීමට අවශ්‍ය කටයුතු කර දීම සඳහා අල්ලස් වශයෙන් රුපියල් පනස්දහසක මුදලක් අල්ලස් වශයෙන් ඉල්ලා, ලබාගැනීමේ චෝදනාව මත දෙහිඅත්තකණ්ඩිය කලාප අධ්‍යාපන කාර්යාලයේ සේවයේ නියුතු කලාප අධ්‍යාපන අධ්‍යක්ෂවරයෙකු සහ ගුරු උපදේශකවරයෙකු 2026.02.10 වන දින පිළිවෙළින් ප.ව.3.45ට සහ ප.ව. 3.25 ට පමණ දෙහිඅත්තකණ්ඩිය කලාප අධ්‍යාපන කාර්යාලය තුළ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

ශ්‍රී ලංකා ඉඩම් සංවර්ධනය කිරීමේ සංස්ථාව මගින් පරිසර සංරක්ෂණ ජාතික වැඩසටහන පුනරුදය 2016/2018 ප්‍රතිපාදන යටතේ සංස්ථාව මගින් කෙරවලපිටිය කසල අංගනයේ යෙදවීම සදහා Long arm Excavators යන්ත්‍ර දෙකක් මිලදි ගැනිමේ ප්‍රසම්පාදන ක්‍රියාවලියේදි තෝරාගත් ආයතනය විසින් කර්මාන්ත ශාලාවේ නිෂ්පාදන කරන ලද යන්ත්‍රයක් මෙරටට ආනයනය කර, එම ආයතනය විසින් යන්ත්‍ර වල කොටස් ගලවා ඒ වෙනුවට වෙනත් අමතර කොටස් සවිකර නවීකරණය කර සැපයීමේ හා නිසි පරික්ෂාවකින් තොරව එම යන්ත්‍ර භාර ගැනිම තුලින් රජයට රුපියල් මිලියන 41 ක පාඩුවක් සිදු කිරිමෙන් දුෂණය නම් වරද සිදුකිරීමේ චෝදනාව මත ශ්‍රී ලංකා ඉඩම් සංවර්ධනය කිරිමේ සංස්ථාවේ විශ්‍රාමික ප්‍රධාන ඉංජිනේරුවරයෙකු, ශ්‍රී ලංකා ඉඩම් සංවර්ධනය කිරිමේ සංස්ථාවේ යාන්ත්‍රික ඉංජිනේරුවරයෙකු සහ සෙනොක් ට්‍රේඩ් කම්බයින් ප්‍රයිවට් ලිමිටඩ් ආයතනයේ සහකාර කළමණාකාර අධ්‍යක්ෂවරයෙකු (අලෙවි හා සැපයුම්) 2026.02.10 වන දින පිළිවෙලින් ප.ව.1.30 , ප.ව.1.35 සහ ප.ව.1.40 ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

ජාතික ජල සම්පාදන හා ජලපවහන මණ්ඩලයේ සභාපතිවරයාගේ පරිහරණය සඳහා රජයේ වාහන දෙකක් යොදවා තිබිය දී එම මණ්ඩලය මඟින් ක්‍රියාත්මක කර ඇති මහනුවර උතුර පාතදුම්බර ඒකාබද්ධ ජල සම්පාදන ව්‍යාපෘතියේ කොන්ත්‍රාත් මුදලින් කුලී ගෙවීමේ පදනම මත ටොයෝටා ප්‍රාඩ්‍රෝ (Toyota Prado) වර්ගයේ (SUV) ජීප් රථයක් කුලී පදනම මත ලබාගෙන, එම වාහනය කුමන කටයුත්තක් සඳහා ධාවනය කළාද යන්න පිළිබඳව තහවුරු කරගැනීමකින් තොරව, කුලී මුදල් වශයෙන් රු.12,750,000/- ක පමණ මුදලක් ගෙවීමට කටයුතු කිරීමෙන් රජයට පාඩුවක් සිදු කිරීමෙන් හා පී.එන් ඔටෝ හෝල්ඩින් නැමැති ආයතනයෙන් එකී වාහනය සපයා ගැනීමේ අරමුණින් ප්‍රසම්පාදන රීති නොසලකා හරිමින් කටයුතු කර එම ආයතනය වෙත කොන්ත්‍රාත්තුව පිරිනැමීමට කටයුතු කර වාහනය නිසි ලෙස භාරගැනීමක් සිදු නොකර සැපයුම්කරුට මුදල් ගෙවීමෙන් සැපයුම්කරුට අයුතු වාසියක් සිදු කිරීමෙන් දූෂණය නම් වරද සහ එම වරද සිදු කිරීමට කුමන්ත්‍රණය කිරීමේ චෝදනාව මත ජාතික ජල සම්පාදන හා ජලපවහන මණ්ඩලයේ අතිරේක සාමාන්‍යාධිකාරීවරයෙකු (පාරිභෝගික හා වත්කම් කළමණාකරණ තනතුර ආවරණ)සහ ගම්පහ ප්‍රදේශයේ පදිංචි ව්‍යාපාරිකයෙකු 2026.02.10 වන දින ප.ව.1.35 ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

හිටපු අමාත්‍ය කෙහෙළිය රඹුක්වැල්ල විසින් අයථා ලෙස උපයන ලද මුදල්, විශුද්ධිකරණය කිරීමට සහාය ලබා දෙමින් ආධාර අනුබල දීම මත, 2006 අංක 05 දරණ මුදල් විශුද්ධිකරණය වැළැක්වීමේ පනතේ 3 (1) වගන්තිය යටතේ වරදක් සිදු කර ඇති බවට විමර්ශනයක දී අනාවරණය වීම හේතුවෙන්, චමිත්‍රි ජයනිකා රඹුක්වැල්ල යන අය 2026.02.06 වන දින ප.ව.1.15ට පමණ කොළඹ, අලුත් කඩේ ප්‍රදේශයේ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.

2023 අංක 9 දරන දූෂණ විරෝධී පනත මඟින් මධ්‍යගත ඉලෙක්ට්‍රොනික පද්ධතියක් ස්ථාපිත කර, වත්කම් සහ බැරකම් ප්‍රකාශ ලබා ගැනීම හා සත්‍යායනය කිරීමේ වගකීම අල්ලස් හෝ දූෂණ චෝදනා විමර්ශන කොමිෂන් සභාව වෙත පැවරී ඇත.