අල්ලස් හෝ දූෂණ චෝදනා විමර්ශන කොමිෂන් සභාවේ රහසිගත හා බුද්ධි විමර්ශන ඒකකය වෙත ලද තොරතුරක් මත, කොමිෂන් සභාව විසින් කරුණු ඉදිරිපත් කිරීමෙන් අනතුරුව, ශ්‍රී ලංකා රේගුවේ නිෂ්කාශනය නොවූ ලෑන්ඩ් කෘෂර් රථ 05ක් සහ මිට්සුබිෂි මොන්ටේරෝ රථ 02ක් රේගුව භාරයට ගැනීම සඳහා එම වාහනවල වර්තමාන හිමිකරුවන් 2024.08.13 වන දිනට පෙර අල්ලස් කොමිෂන් සභාව වෙත අදාළ රථ ඉදිරිපත් කිරීමටත්, එම රථවලට අය විය යුතු රේගු ගාස්තු අය කරගැනීම සඳහා ශ්‍රී ලංකා රේගුවේ අධ්‍යක්ෂ ජනරාල්වරයාට හෝ ඔහුගේ නියෝජිතයෙකු වෙත එම රථ භාර ගැනීමට 2024.08.23 දින කොළඹ ප්‍රධාන මහේස්ත්‍රාත් අධිකරණයේ පෙනී සිටින ලෙස කොළඹ ප්‍රධාන මහේස්ත්‍රාත් තිළිණ ගමගේ මහතා විසින් 2024.08.06 වන දින නියෝග නිකුත් කර ඇත.

ශ්‍රී ලංකාව තුළින් අල්ලස හා දූෂණය වැළැක්වීම සඳහා වන “දුෂණ විරෝධී ජාතික ක්‍රියාකාරී සැලැස්ම, 2025-2029” සඳහා අදහස් හා යෝජනා ලබා ගැනීම මේ වන විටත් ආරම්භ කර ඇත.

ත්‍රිකුණාමලය ප්‍රදේශයේ කාන්තාවක විසින් කරන ලද පැමිණිල්ලකට අනුව පැමිණිළිකාරිය විසින් නඩත්තු සහ අපහාසය සඳහා රු. 80,000/- ක වන්දි මුදලක් ඉල්ලා මෙම ක්වාසි විනිසුරුවරයා වෙත නඩුවක් ගොණු කිරීමට අවශ්‍ය ලේඛන ලබාදී ඇති අතර එම වන්දි මුදල ලබා දීමට අවශ්‍ය කටයුතු කරදීම වෙනුවෙන් රු. 50,000/- ක අල්ලස් මුදලක් ඉල්ලා, ඉන් රු. 10,000/- ක මුදලක් ලබා ගැනීමේ චෝදනාව මත මාතලේ ප්‍රදේශයේ ක්වාසි විනිසුරුවරයෙක් 2024.07.30 වන දින ප.ව. 2.45 ට පමණ වරකාමුර ප්‍රදේශයේ සැකකරුගේ නිවසේ පවත්වාගෙන යන කාර්යාලයේ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

බිබිල, මැදගම ප්‍රදේශයේ පුද්ගලයෙකු විසින් කරන ලද පැමිණිල්ලකට අනුව, අත්අඩංගුවට ගන්නා ලද රා ප්‍රමාණය අඩුවෙන් සඳහන් කර අධිකරණයට කරුණු වාර්තා කිරීමටත්, අත්අඩංගුවට ගන්නා ලද සැකකරුවන්ගේ පෙර වැරදි සඳහන් නොකිරීමට සහ ඉදිරියේ දී මේ සම්බන්ධයෙන් අවශ්‍ය සහයෝගය ලබාදීම සඳහා රු. 3,000/- ක (තුන්දහසක) මුදලක් අල්ලස් වශයෙන් ඉල්ලා ලබා ගැනීමේ චෝදනාව මත බිබිල, මැදගම පොලිස් ස්ථානයේ පොලිස් කොස්තාපල්වරයෙකු 2024.07.30 වන දින ප.ව.4.15 ට පමණ මැදගම, නගරයේ පොදු වෙළඳ පොලෙහි ඇති පැමිණිලිකරුගේ කඩ කාමරය තුළ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

පොළොන්නරුව ප්‍රදේශයේ ව්‍යාපාරිකයකු විසින් කරන ලද පැමිණිල්ලකට අනුව, මහවැලි බී කලාපයට අයත් මඩකලපුව දිස්ත්‍රික්කයේ පිහිටි ජයමිණියාය වැවේ රොන් මඩ ඉවත් කර, එම රොන් මඩ නිස්සාරණය කර වැලි විකිණීමේ ව්‍යාපෘතියක් සඳහා පැමිණිලිකරුට හිමි පුද්ගලික සමාගම නමින් භූ විද්‍යා හා පතල් කැණීම් කාර්යාංශයෙන් ලබා ගත යුතු බලපත්‍රය ලබා දීම සඳහා රු. 1,500,000/- ක (රුපියල් ලක්ෂ පහළොවක) අල්ලස් මුදලක් තුටු පඬුරක් ලෙස ඉල්ලා ලබා ගැනීමේ චෝදනාව මත කරඩියනාරු ප්‍රදේශයේ දේශපාලන ක්‍රියාකරුවකුවන ව්‍යාපාරිකයකු, මඩකලපුව ලංකා බැංකු නගර ශාඛාව ඉදිරිපිට දී සහ රාජ්‍ය අමාත්‍යවරයකුගේ පුද්ගලික ලේකම්වරයකු, එම අමාත්‍යවරයාගේ මඩකලපුව පිහිටි කාර්යාලයේ දී 2024.08.01 දින පස්වරු 12.30 – 12.40 අතර කාලයේ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

හිඟුරක්ගොඩ ප්‍රාදේශීය ලේකම්වරයෙක් ලෙස කටයුතු කළ වඩුමේස්ත්‍රිගේ ගුණවර්ධන යන අය රජයට පාඩුවෙන ලෙස රජයේ ටෙන්ඩර් මාර්ගෝපදේශවලට පටහැනිව පරිගණක යන්ත්‍රයක් සහ වර්ණ මුද්‍රණ යන්ත්‍රයක් මිලදීගැනීමට තීරණය කිරීමෙන් සහ ඒ සඳහා මුදල් ප්‍රතිපාදන මුදාහැරීමෙන් අල්ලස් පනතේ 70 වෙනි වගන්තිය යටතේ වරදක් කරණ ලද බවට ඔහුට එරෙහිව අල්ලස් හෝ දුෂණ චෝදනා විමර්ෂණ කොමිෂන් සභාව විසින් 2010 මාර්තු 25 වන දින කොළඹ මහේස්ත්‍රාත් අධිකරණයේදී චෝදනා ගොණු කරණ ලදී.

2023 අංක 9 දරන දූෂණ විරෝධී පනතේ විධිවිධාන ප්‍රකාරව 2023/2024 වර්ෂයේ වත්කම් සහ බැරකම් ප්‍රකාශ කිරීමට නියමිත නිලධාරීන් ඇතුළු පුද්ගලයන්ගේ වත්කම් සහ බැරකම් ප්‍රකාශ අල්ලස් හෝ දූෂණ චෝදනා විමර්ශන කොමිෂන් සභාවේ නිල වෙබ් අඩවිය මඟින් ප්‍රසිද්ධ කිරීමේ කටයුතු මේවන විට ආරම්භ කර ඇත.

ත්‍රිකුණාමලය ප්‍රදේශයේ කාන්තාවක විසින් කරන ලද පැමිණිල්ලකට අනුව පැමිණිළිකාරිය විසින් නඩත්තු සහ අපහාසය සඳහා රු. 80,000/- ක වන්දි මුදලක් ඉල්ලා මෙම ක්වාසි විනිසුරුවරයා වෙත නඩුවක් ගොණු කිරීමට අවශ්‍ය ලේඛන ලබාදී ඇති අතර එම වන්දි මුදල ලබා දීමට අවශ්‍ය කටයුතු කරදීම වෙනුවෙන් රු. 50,000/- ක අල්ලස් මුදලක් ඉල්ලා, ඉන් රු. 10,000/- ක මුදලක් ලබා ගැනීමේ චෝදනාව මත මාතලේ ප්‍රදේශයේ ක්වාසි විනිසුරුවරයෙක් 2024.07.30 වන දින ප.ව. 2.45 ට පමණ වරකාමුර ප්‍රදේශයේ සැකකරුගේ නිවසේ පවත්වාගෙන යන කාර්යාලයේ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

බිබිල, මැදගම ප්‍රදේශයේ පුද්ගලයෙකු විසින් කරන ලද පැමිණිල්ලකට අනුව, අත්අඩංගුවට ගන්නා ලද රා ප්‍රමාණය අඩුවෙන් සඳහන් කර අධිකරණයට කරුණු වාර්තා කිරීමටත්, අත්අඩංගුවට ගන්නා ලද සැකකරුවන්ගේ පෙර වැරදි සඳහන් නොකිරීමට සහ ඉදිරියේ දී මේ සම්බන්ධයෙන් අවශ්‍ය සහයෝගය ලබාදීම සඳහා රු. 3,000/- ක (තුන්දහසක) මුදලක් අල්ලස් වශයෙන් ඉල්ලා ලබා ගැනීමේ චෝදනාව මත බිබිල, මැදගම පොලිස් ස්ථානයේ පොලිස් කොස්තාපල්වරයෙකු 2024.07.30 වන දින ප.ව.4.15 ට පමණ මැදගම, නගරයේ පොදු වෙළඳ පොලෙහි ඇති පැමිණිලිකරුගේ කඩ කාමරය තුළ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

අල්ලස් කොමිසමට එරෙහිව වරාය අධිකාරියේ හිටපු සභාපතිගේ රිට් අයදුම්පත ගරු ශ්‍රේෂ්ඨාධිකරණය විසින් විභාගයට නොගෙනම නිෂ්ප්‍රභා කරයි.

අල්ලස් හෝ දූෂණ චෝදනා විමර්ෂණ කොමිශන් සභාව, අධ්‍යක්ෂ ජනරාල්, අධ්‍යක්ෂ විමර්ෂණ ඇතුළු තවත් නිලධාරීන් පහලොස් දෙනෙකු වග උත්තරකරුවන් කරමින් ගොනුකරතිබූ රිට් පෙත්සම 2023 නොවැම්බර් 29 වෙනිදින ගරු ශ්‍රේෂ්ඨාධිකරණය විසින් විභාගයට නොගෙනම නිෂ්ප්‍රභා කරයි.

රු.150,000 (එක්ලක්ෂ පනස්දහස) ක මුදලක් අල්ලස් වශයෙන්, අවිස්සාවේල්ල පොලිස් ස්ථානයේ, පොලිස් නිලධාරියෙකුට පිරිනැමීම සම්බන්ධව අවිස්සාවේල්ල ප්‍රදේශයේ සිවිල් පුද්ගලයෙකුට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව මගින් නඩු පැවරීමක් සිදු කර ඇත.