ශ්‍රී ලංකාවේ රේගුවේ නිශ්කාෂනය නොවී මෝටර් රථ ප්‍රවාහන දෙපාර්තමේන්තුවේ ලියාපදිංචි කළ වාහන අල්ලස් හෝ දූෂණ චෝදනා විමර්ශන කොමිෂන් සභාව විසින් සිදු කරගෙන යනු ලබන විමර්ශන කටයුතුවලට අදාළව HG – 5087 දරණ මෝටර් රථය සම්බන්ධයෙන් විමර්ශන කටයුතු සිදු කිරීමේ දී ඉහත වාහනය අංකය යටතේ පළමුවෙන් ම ලොරි රථයක් ලියාපදිංචිව තිබී 2022.08.15 දින මෝටර් රථ ප්‍රවාහන දෙපාර්තමේන්තුවේ හම්බන්තොට කාර්යාලය මගින් ජීප් රථයක් සඳහා ලියාපදිංචි සහතිකයක් අනීතික ලෙස නිකුත් කර ඇත. එම ලියාපදිංචි සහතිකය අනුමත කිරීම සහ මුද්‍රණය කිරීම සිදු කළ බවට මෝටර් රථ කොමසාරිස් දෙපාර්තමේන්තුවේ නියෝජ්‍ය කොමසාරිස්වරයෙකු සම්බන්ධයෙන් විමර්ශනය සිදු කරනු ලබයි.

හිටපු සිවිල් ගුවන් සේවා අමාත්‍ය උන්නති පියංකර ජයරත්න මහතාට එරෙහිව දූෂණය නම් වරද සම්බන්ධ චෝදනා මත අල්ලස් හෝ දූෂණ චෝදනා විමර්ශන කොමිෂන් සභාව මඟින් නඩු ත්‍රිත්වයක් පවරා ඇත. ඒ අනුව,

ගිරිබාව ප්‍රදේශයේ පුද්ගලයෙකු විසින් කරන ලද පැමිණිල්ලකට අනුව, පැමිණිලිකරු විවාහ වී සිට දැනට ඔහුව අතහැර ගොස් සිටින තම බිරිඳට විරුද්ධව පැමිණිලිකරු විසින් පවරන ලද වන්දි නඩුවට අදාළව බිරිඳට විරුද්ධව ඇති වරෙන්තුව ක්‍රියාත්මක කර, බිරිඳ අධිකරණයට ඉදිරිපත් කිරීමට කටයුතු කර දීම මඟින් හිඟ වන්දි මුදල් ලබා ගැනීමට උදව් කර දීම වෙනුවෙන් රු. 20,000/- ක (රුපියල් විසිදහසක) අල්ලස් මුදලක් ඉල්ලා එකී මුදල ලබා නොදුනහොත් පැමිණිලිකරුට විරුද්ධව යම් නීති විරෝධී කටයුත්තක් සම්බන්ධ කර නඩු පවරා සිරගත කිරීමට කටයුතු කරන බව පවසා, එය සිදු නොකර සිටීමට රු.20,000/=ක මුදලක් අල්ලස් වශයෙන් ඉල්ලා, ලබාගත් ගිරිබාව පොලිස් ස්ථානයේ පොලිස් සැරයන්වරයෙකු 2025.01.24 දින ප.ව.1.22 ට පමණ පැමිණිලිකරුගේ නිවසේ දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

ගල්කිස්ස ප්‍රදේශයේ පුද්ගලයෙකු විසින් කරන ලද පැමිණිල්ලකට අනුව, පැමිණිලිකරු විසින් පවත්වාගෙන යනු ලබන ආයතනයේ සේවකයින්ට මාසිකව ගෙවනු ලබන මූලික වැටුප රුපියල් පන්දහසකින් වැඩි කළ යුතු බවත්, එම වැඩි කළ මුදලට අදාළව රජයට ගෙවිය යුතු සේවක අර්ථසාධක මුදල් ගෙවිය යුතු බවත්, මෙම ආයතනය සම්බන්ධයෙන් පෙර වැරදි ඇති බවත් දන්වා ඒ සම්බන්ධයෙන් උසස් නිලධාරීන් දැනුවත් කර නීති මඟින් කටයුතු නොකර සිටීම සඳහා සහ විමර්ශන කටයුතු සඳහා භාරයට ගත් ලේඛන නැවත ලබාදීම සඳහා රු. 250,000/- ක (දෙලක්‍ෂ පනස්දහසක) මුදලක් අල්ලස් වශයෙන් ඉල්ලා ලබා ගැනීමේ චෝදනාව මත කම්කරු දෙපාර්තමේන්තුවේ, බටහිර කොළඹ දිස්ත්‍රික් ලේකම් කාර්යාලයේ කම්කරු නිලධාරියෙකු 2025.01.22 වන දින ප.ව. 1.55 ට පමණ ගල්කිස්ස, ගාලු පාර, ටෙම්පල්ස් පාර හන්දිය අසල පිහිටි රාජ්‍ය ඖෂධ නීතිගත සංස්ථාව ඉදිරිපිට දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

නල්ලූර් උතුර, යාපනය ප්‍රදේශයේ පුද්ගලයෙකු විසින් කරන ලද පැමිණිල්ලකට අනුව වීසා නොමැතිව ශ්‍රී ලංකාව තුළ රැඳී සිටීමේ වරදට අත්අඩංගුවට ගන්නා ලද පැමිණිලිකරු, වැලිසර ආගමන විගමන රැදවුම් මධ්‍යස්ථානයෙන් නිදහස් කර දීමට අවශ්‍ය කටයුතු කර දීමට රු. 500,000/- ක මුදලක් අල්ලස් වශයෙන් ඉල්ලා ලබා ගැනීමේ චෝදනාව මත ආගමන විගමන දෙපාර්තමේන්තුවේ වැලිසර රැදවුම් මධ්‍යස්ථානයේ සේවයේ නියුතු ආගමන විගමන බලයලත් නිලධාරීවරයෙක් 2025.01.20 වන දින ප.ව. 4.42 ට පමණ ආගමන විගමන දෙපාර්තමේන්තුවේ වැලිසර රැදවුම් මධ්‍යස්ථානය තුල දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

තෝරාගත් දූෂණ විරෝධී ක්‍රියාන්විතයන් සඳහා සහය ලබා දීමේ ව්‍යෘපෘතිය දියත් කිරීම, වත්කම් ප්‍රකාශ කිරීම සඳහා වූ ඉලෙක්ට්‍රොනික ක්‍රමවේදය ඉලක්ක කර ගනිමින්, 2023.01.16 වන දින කොළඹ අල්ලස් හෝ දූෂණ චෝදන විමර්ශන කොමිෂන් සභා ප්‍රධාන ශ්‍රවනාගාරයේ දී සිදුවිය. රාජ්‍ය අංශය තුල විනිවිදභාවය, වගවීම හා යහපාලනය ඉහළ නැංවීම සඳහා මේ වන විට අප රට විසින් දරනු ලබන ප්‍රයත්නයන්හී වැදගත් සන්ධිස්ථානයක් මෙතුලින් සනිටුහන් කෙරේ.

ලියන්නවත්ත වලගෙදර ප්‍රදේශයේ පුද්ගලයෙකු විසින් කරන ලද පැමිණිල්ලකට අනුව පැමිණිලිකරු 2025.01.14 වන දින ලොරි රථයකින් මතුගම නගරයේ සිට අගලවත්ත ප්‍රදේශයට යමින් සිටියදී එම මාර්ගයේ මතුගම ක්‍රිස්තියානි පල්ලිය අසලදී සැකකරු විසින් ලොරි රථය නවතා බලපත්‍ර පරික්ෂා කළ අවස්ථාවේ දී පැමිණිලිකරුගේ රියදුරු බලපත්‍රයේ බර වාහන පන්තියට අදාළ කාල සීමාව කල් ඉකුත්වී තිබූ බැවින් රියදුරු බලපත්‍රය සැකකරු භාරයට ගෙන නීති මගින් කටයුතු නොකර නැවත රියදුරු බලපත්‍රය රියදුරුට (පැමිණිලිකරුට) ලබා දීම සඳහා රු. 5,000/- ක මුදලක් ඉල්ලා එකී මුදලින් රු. 3,000/- ක මුදලක් අල්ලස් වශයෙන් ඉල්ලා ලබා ගැනීමේ චෝදනාව මත මතුගම මූලස්ථාන පොලිසියේ පොලිස් සැරයන්වරයෙක් 2025.01.15 වන දින ප.ව. 7.15 ට පමණ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

2023 අංක 09 දරන දූෂණ විරෝධී පනතේ 17(1) වගන්තිය මගින් පැවරී ඇති බලතල ප්‍රකාරව ගරු ජනාධිපතිතුමාගේ 2025.01.08 දිනැති පත් කිරීම අනුව මහාධිකරණ විනිසුරු රංග ශ්‍රීනාත් අබේවික්‍රම දිසානායක මහතා අල්ලස් හෝ දූෂණ චෝදනා විමර්ශන කොමිෂන් සභාවේ නව අධ්‍යක්ෂ ජනරාල් ලෙස 2025 ජනවාරි මස 10 දින රාජකාරී ආරම්භ කරන ලදී.

1954 අංක 11 දරන අල්ලස් පනත, 1994 අංක 19 දරන අල්ලස් හෝ දූෂණ චෝදනා විමර්ශන කොමිෂන් සභා පනත සහ 1975 අංක 1 දරන වත්කම් බැරකම් නීතිය අහෝසි කරමින් 2023 අංක 9 දරන දූෂණ විරෝධී පනත 2023 සැප්තැම්බර් මස සිට බලාත්මක වීමත් සමඟ කොමිෂන් සභාව විසින් එම පනත යටතේ 2024.03.26 දින සිට 2024.12.31 දින දක්වා නඩු 75 ක ප්‍රමාණයක් පහත පරිදි පවරා ඇත.

අල්ලස් හෝ දූෂණ චෝදනා විමර්ශන කොමිෂන් සභාවේ 2025 වසරේ රාජකාරී කටයුතු අද දින (2025.01.01) පෙ.ව.8.30ට ජාතික කොඩිය එසවීමෙන් හා ජාතික ගීය ගායනා කිරීමෙන් පසු ආරම්භ කරනු ලැබීය. මෙහි දී ප්‍රථමයෙන් ම අදහස් දැක් වූ අධ්‍යක්ෂ ජනරාල් එම්.ආර්.වයි.කේ.උඩවෙල මහත්මිය, දූෂණ විරෝධී පනත මගින් කොමිෂන් සභාවට පැවරී ඇති සුවිශාල රාජකාරී වපසරිය ඉටු කරගැනීමෙහිලා සියලු ම නිලධාරීන්ගේ දායකත්වය හා කැපවීම අවධාරණය කරන ලදි.

කොස්ගම ප්‍රදේශයේ පුද්ගලයෙකු විසින් කරන ලද පැමිණිල්ලකට අනුව පැමිණිලිකරුට අයත් වෙළෙඳසැලේ 2025 වර්ෂයට අදාළ වාර්ෂික වෙළෙඳ බලපත්‍රය ලබාදීමට අවශ්‍ය කටයුතු සළසා දීම සදහා රු. 1170/- ක් වටිනා කුකුළු මස් කිලෝ එකක් අල්ලස් වශයෙන් ඉල්ලා ලබා ගැනීම මත මීරිගම ප්‍රාදේශීය සභාවේ වේවැල්දෙණිය උප කාර්යාලයේ සේවය කළ ආදායම් නිලධාරීවරයෙක් (වැඩ බලන) සහ මීරිගම ප්‍රාදේශීය සභාවේ මාර්ග අංශයේ සේවය කළ ක්ෂේත්‍ර කම්කරුවරයෙක් 2024.12.24 වන දින ප.ව. 1.00 ට පමණ පැමිණිලිකරුගේ වෙළෙඳසැල ඉදිරිපිට දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

කෝට්ටේ මාදිවෙල ප්‍රදේශයේ පුද්ගලයෙකු විසින් කරන ලද පැමිණිල්ලකට අනුව පැමිණිලිකරුගේ නැන්දනියකට අයත් ටොරිංටන් ඇවෙනිව් ප්‍රදේශයේ පිහිටි ඉඩමක් නාගරික සංවර්ධන අධිකාරියට පවරා ගැනීමෙන් අනතුරුව එම ඉඩමට වන්දි ගෙවීම සදහා අවශ්‍ය කටයුතු කරදීම වෙනුවෙන් රුපියල් ලක්ෂ 90 ක මුදලක් අල්ලස් වශයෙන් ඉල්ලා ලබා ගැනීම හා ඊට ආධාර අනුබල ලබාදීම මත මහරගම සහ ගොතටුව ප්‍රදේශයේ පදිංචි ව්‍යාපාරිකයන් දෙදෙනෙක් 2024.12.27 වන දින ප.ව. 3.08 ට පමණ පිට කෝට්ටේ පිහිටි වෙළඳසැලක් ඉදිරිපිට දී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.