2003 වර්ෂයේ දී සම්මත කරගත් එක්සත් ජාතීන්ගේ දූෂණ විරෝධී ප්‍රඥප්තිය මගින් දෙසැම්බර් මස 09 වන දින ජාත්‍යන්තර දූෂණ විරෝධී දිනය ලෙස නම් කල අතර “ දූෂණයට එරෙහිව එකමුතුව ” යන තේමාව යටතේ 2023 වර්ෂයේ එම දිනය සැමරීම සිදු කරන ලදී. මෙහි දී විශ්ව විද්‍යාල සිසුන්, පාසැල් දරුවන්, හා ගුරුවරුන් මෙන්ම පාසැල් දරුවන්ගේ දෙමාපියන් හා රාජ්‍ය නිලධාරීන් 500 දෙනෙකු පමණ සහාභාගී කර ගනිමින් දූෂණය වැළැක්වීම සහ දූෂණයට එරෙහිවීම සඳහා වූ ප්‍රධාන වැඩසටහන කොළඹ ටාජ් හෝටලයේදී පවත්වන ලදී.

කළුතර දිසා අධිකරණයේ කාර්යාල කාර්ය සහයකයකු 2023.12.05 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

කඳාන පොලිස්ථානයේ දූෂණ විමර්ශන අංශයේ ස්ථානාධිපති ලෙස සේවය කරන පොලිස් පරීක‍්ෂකවරයෙකු අල්ලස් ලෙස රුපියල් හැත්තෑපන්දහසක (රු.75,000/=) මුදලක් ලබාගැනීමේ චෝදනාව මත 2023.11.30 දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී,

මෙම රිට් පෙත්සම මෑතකදී මහත් ආන්දෝලනයකට ලක්වූ මිනි කූපර් රථයකට අනීතිකව ලියාපදිංචි සහතිකයක් නිකුත් කරමින් රජයට පාඩු සිද්දකිරීම සම්බන්ධ මෝටර් රථ ප්‍රවාහන දෙපාර්තමේන්තුවේ පරිගණක දත්ත පද්ධතියේ පරිශීලන කටයුතු සිද්ධ කළ නිලධාරීන්ට එරෙහිව සිදු කරනු ලැබූ විමර්ශනය වැළැක්වීම සඳහා ගොනු කර ඇත.

කොළඹ මහ අධිකරණය විසින් විභාගවුණු එම නඩුකරයේදී විත්ති පාර්ෂවය විසින් ගනුලැබූ මූලික විරෝධතාවය පිළිගනිමින් චූදිත නිදහස් කිරීමට 2023 මාර්තු 29 වෙනි දින මහ අධිකරණ විනිසුරුතුමන් නියෝග දී ඇත.

කල්මුණේ මූලස්ථාන පොලිස් ස්ථානයට අනුයුක්තව රාජකාරී කරන ලැබූ උප පොලිස් පරීක්ෂකවරයකු ලිංගික අල්ලස් ලබා ගැනීමේ චෝදනාව මත 2023.11.22 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

අල්ලස් හෝ දූෂණ චෝදනා විමර්ශන කොමිෂන් සභාව හා එක්සත් ජාතීන් ගේ සංවර්ධන වැඩසටහන සිය පුහුණුකරුවන් පුහුණු කිරීමේ දමිල මාධ්‍ය සමාරම්භක වැඩසටහන නැගෙනහිර පලාතෙහි අති සාර්ථක ව පවත්වන ලදි.

මධ්‍යම පරිසර අධිකාරියේ සභාපතිවරයා සහ තවත් අතරමැදියන් දෙදෙනෙකු 2023.11.10 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී.

සියඹලාණ්ඩුව ප්‍රදේශයේ පුද්ගලයකු විසින් සිදු කරන ලද පැමිණිල්ලකට අනුව රු. 50,000/- ක මුදලක් අල්ලස් ලෙස ඉල්ලා ලබා ගැනීමේ චෝදනාව මත, වන සංරක්‍ෂණ දෙපාර්තමේන්තුවට අයත් මොරාන බීට්ටු වන කාර්යාලයේ සේවය කරනු ලබන බීට්ටු වන නිලධාරියකු 2023.11.09 වන දින අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබීය.

2023 ඔක්තෝබර් මස 18 දින මහා භාරකාර දෙපාර්තමේන්තුවේ මහා භාරකාර තැන ගිහාන් පිලපිටිය මැතිතුමාගේ මූලිකත්වයෙන් එහි සේවයේ නියුතු නිලධාරීන් 65 දෙනෙකු සදහා පවත්වන ලද නිවාරණ වැඩසටහන සදහා සහකාර අධ්‍යක්ෂ ජනරාල් තනූජා බන්ඩාර මෙනවිය, ජේෂ්ඨ කතිකාචාර්ය තරිදු ධනංජය වීරසිංහ මහතා, පොලිස් පරීක්ෂක ශාන්ත කුමාර වික්‍රමාරච්චි මහතා සහ නිවාරණ නිලධාරීන් වන චමෝදි ජයසිංහ මහත්මිය, මදුකා රුවන්ති මහත්මිය, දිනූශා වික්‍රමාරච්චි මහත්මිය විසින් සම්පත් දායකත්වය විසින් සපයන ලදී.

අල්ලස් හෝ දුෂණ චෝදනා විමර්ශන කොමිෂන් සභාව(CIABOC) සහ එක්සත් ජාතීන්ගේ සංවර්ධන වැඩසටහන (UNDP) මගින් 2023 ඔක්තෝම්බර් 21 දින කොළඹ කිංස්බරි හෝටලයේදී “අල්ලසින් තොර සුපිළිපන් දේශයක් බිහි කරමු “ මැයෙන් අල්ලස සහ දුෂණය පිලිබඳ අනොන්‍ය අත්දැකීම් සහ දැනුම හුවමාරුකර ගැනීම පිණිස සිවිල් සංවිධානවල සාමාජිකයන් සමග සුහදශීලි හමුවක් සිවිල් සංවිධාන 50ක් සදහා පවත්වන ලදී.

2023.09.24 දින ඉරිදා ලංකාදීප පුවත්පතේ “අල්ලස් නඩුවලින් භාගයක්ම අයින් කරගෙන” යන මාතෘකාවෙන් යුතුව පළවුන පුවතේ අඩුපාඩු සම්බන්ධව අතිරේක අධ්‍යක්ෂ ජනරාල් සුනේත්‍රා ජයසිංහ මිය විසින් 2023.10.04 දිනැතිව පැහැදිලි කිරීමක් ලංකාදීප පුවත්පතේ ප්‍රධාන කතෘ වෙත යොමුකරන ලදී. ඒ අනුව අදාල නිවැරදි කිරීම 2023.10.15 දින ඉරිදා ලංකාදීප පුවත්පතේ සිඳුකර ඇත.