රු.25,000/-ක (විසිපන්දහස) මුදලක් අල්ලස් වශයෙන් බේරුවල පොලිස් ස්ථානාධිපතිට පිරිනැමීම සම්බන්ධව අල්ලස් හෝ දූෂණ චෝදනා විමර්ශන කොමිෂන් සභාව මගින් බේරුවල ප්‍රදේශයේ සිවිල් පුද්ගලයෙකුට එරෙහිව නඩු අංක HCB 208/2022 යටතේ ගොනු කළ නඩුවට අදාළව, අදාළ චූදිත විසින් වරද පිළිගැනීම මත 2024.07.19 වන දින කොළඹ මහාධිකරණ අංක 04හි ගරු විනිසුරු ආදිත්‍ය පටබැඳිගේ මැතිතුමා විසින් දඬුවම් නියම කරන ලදි.

ඒ අනුව, අදාළ පුද්ගලයාට එරෙහිව ගොනුකරන ලද චෝදනා 02 සඳහා වසර 01 බැගින් බරපතල වැඩ සහිත සිර දඬුවම් නියමකර එය වසර 05කට අත්හිටුවා ඇති අතර, රු.10,000/-ක දඩ මුදලක් ද ගෙවීමට නියම කරන ලදි. රු.25,000ක අල්ලස් මුදල රාජසන්තක කර ඇත.

අල්ලස් හෝ දූෂණ චෝදනා විමර්ශන කොමිෂන් සභාව වෙනුවෙන් මෙම නඩුව සහකාර අධ්‍යක්ෂ ජනරාල් අනුරාධා සිරිවර්ධන මහත්මිය විසින් මෙහෙයවන ලදි.