නාල්ල, දිවුල්දෙණිය ප්‍රදේශයේ පදිංචි පුද්ගලයකුගෙන් ලද පැමිණිල්ලකට අනුව රු. 500/- ක මුදලක් අල්ලස් ලෙස ලබා ගැනීමේ චෝදනාව මත අත්තනගල්ල ඉඩම් රෙජිස්ට්‍රාර් දෙපාර්තමේන්තු කාර්යාලයේ කණිෂ්ඨ ආරක්‍ෂක නිලධාරියෙකු 2021.02.17 වන දින ඉහත කාර්යාලය තුලදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

මාවතගොඩ, අරණායක ප්‍රදේශයේ පදිංචි පුද්ගලයකුගෙන් ලද පැමිණිල්ලකට අනුව රු. 35000/- ක මුදලක් අල්ලස් ලෙස ලබා ගැනීමේ චෝදනාව මත සබරගමු පලාත් ආදායම් දෙපාර්තමේන්තුවට අනුයුක්ත ජ්‍යෙෂ්ඨ තක්සේරු නිලධාරිනියක 2021.02.17 වන දින සබරගමු පලාත් ආදායම් දෙපාර්තමේන්තුවේ කෑගල්ල ප්‍රාදේශීය කාර්යාලය තුලදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

වාද්දූව ප්‍රදේශයේ පදිංචි පුද්ගලයෙකු විසින් කරන ලද පැමිණිල්ලකට අනුව අල්ලස්  ඉල්ලා ලබාගැනීමේ චෝදනාව මත කළුතර ප්‍රාදේශීය ලේකම් කාර්යාලයට අනුයුක්තව  රාජකාරී කරනු ලබන ග්‍රාමනිලධාරීවරයකු 2021.02.10 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු  ලැබින.

නාවල ප්‍රදේශයේ පදිංචි පුද්ගලයෙකු විසින් කරන ලද පැමිණිල්ලකට අනුව අල්ලස් ඉල්ලා ලබාගැනීමේ චෝදනාව මත කෝට්ටේ මහනගර සභා සෞඛ්‍ය වෛද්‍ය නිලධාරී කාර්යාලයේ වැඩබලන සෞඛ්‍ය පරිපාලක 2021.02.03 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින.

රාජාංගනය ප්‍රදේශයේ පදිංචි පුද්ගලයෙකු විසින් කරන ලද පැමිණිල්ලකට අනුව අල්ලස් ඉල්ලා ලබාගැනීමේ චෝදනාව මත කටුපත්වැව, පහළ මාරගහවැව, නොච්චියාගම යන ලිපිනයේ පදිංචි සිවිල් පුද්ගලයකු 2021.01.27 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින.

වීරවිල ප්‍රදේශයේ පදිංචි පුද්ගලයෙකු විසින් කරන ලද පැමිණිල්ලකට අනුව අල්ලස් ඉල්ලීමේ හා ලබාගැනීමේ චෝදනාව මත ලුණුගම්වෙහෙර ප්‍රාදේශිය ලේකම් කාර්යාලයට අයත් අංක 64 - සිංහපුර ග්‍රාම නිලධාරී වසමේ ග්‍රාම නිලධාරීවරයා 2021.01.19 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින.

දුම්මලසූරිය ප්‍රදේශයේ පදිංචි පුද්ගලයකුගෙන් ලද පැමිණිල්ලකට අනුව රු. 20000/- ක මුදලක් අල්ලස් ලෙස ලබා ගැනීමේ චෝදනාව මත උඩුබැද්ද සෞඛ්‍ය වෛද්‍ය නිලධාරී කාර්යාලයට අනුයුක්තව සේවය කරන මහජන සෞඛ්‍ය පරීක්ෂක වරයෙක් 2021.01.12 වන දින ඇතුන්ගහකොටුව හංදියේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

පැමිණිලිකරු විසින් පවත්වාගෙන යනු ලබන ගෝ ඝාතකාගාරය අපහසුතාවකින් තොරව කරගෙන යාමට අවශ්‍ය වාර්තා ලබාදීමට සහ ඔහු විසින් සිදුකරන පරීක්‍ෂා කිරීම් කටයුතු වලදී පැමිණිලිකරු විසින් සිදුකරන මස් වෙළදාම් කටයුතු වලට කිසිඳු කරදරයකින් තොරව කරගෙන යාමට මහජන සෞඛ්‍ය පරීක්‍ෂක වරයා විසින් නීති මගින් කටයුතු නොකර සිටීමට රුපියල් 20,000/= ක මුදලක් අල්ලස් වශයෙන් ඉල්ලා ලබාගත් අවස්ථාවේ උඩුබැද්ද, සෞඛ්‍ය වෛද්‍ය නිළධාරී කාර්යාලයට අනුයුක්ත මහජන සෞඛ්‍ය පරීක්‍ෂක වරයෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිළධාරීන් විසින් 2021.01.12 වන දින අත් අඩංගුවට ගෙන ඇත.

මහනුවර ප්‍රදේශයේ පදිංචි පුද්ගලයකුගෙන් ලද පැමිණිල්ලකට අනුව රු. 150,000/- ක මුදලක් අල්ලස් ලෙස ලබා ගැනීමේ චෝදනාව මත මහනුවර මහ නගර සභාවේ
නාගරික මන්ත්‍රීවරු දෙදෙනෙක් 2021.01.05 වන දින මහනුවර නගරයේ පිහිටි පුද්ගලික රෝහලක රථ ගාලක් තුලදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

තිස්සමහාරාමය කොහොඹගහ පැලැස්ස ප්‍රදේශයේ පදිංචිකරුවෙකු විසින් 1954 දුරකථනයෙන් කොමිෂන් සභාව වෙත කරන ලද පැමිණිල්ලකට අනුව රු.900/- ක මුදලක් අල්ලස් ලෙස ලබා ගැනීමේ චෝදනාව මත හම්බන්තොට පරිපාලන සංකීර්ණයේ මිනුම් ඒකක ප්‍රමිති හා සේවා දෙපාර්තමේන්තු කාර්යාලයට අනුයුක්ත මිනුම් ප්‍රමුඛ සේවා සහයක නිලධාරියෙකු අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් 2020.12.30 වන දින අත්අඩංගුවට ගනු ලැබින.

අනුරාධපුර, ගොඩගේ මාවත ප්‍රදේශයේ පදිංචිකරුවෙකුගෙන් ලද පැමිණිල්ලකට අනුව රු.29,000/- ක මුදලක් අල්ලස් ලෙස ලබා ගැනීමේ චෝදනාව මත අනුරාධපුර නගර සභාවේ ගිනි නිවන ඒකකයේ වැඩ බලන ස්ථාන භාර නිලධාරියා අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් 2020.12.28 වන දින අත්අඩංගුවට ගනු ලැබින.

ගොඩකවෙල ප්‍රදේශයේ බස්රථ රියදුරෙකු විසින් 1954 දුරකතනයට කරන ලද පැමිණිල්ලකට අනුව අල්ලස් ඉල්ලීමේ හා ලබාගැනීමේ චෝදනාව මත සබරගමුව මාර්ගස්ථ මගී ප්‍රවාහන අධිකාරියේ කළමනාකරණ සහකාරවරයකු 2020.12.14 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගනු ලැබින.