සාලියවැව ප්‍රදේශයේ පදිංචි ව්‍යාපාරිකයකුගෙන් ලද පැමිණිල්ලකට අනුව රුපියල් 25,000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත, සාලියවැව පොලිස් ස්ථානයේ සේවය කරන පොලිස් කොස්තාපල් වරයකු 2021.08.03 වන දින පුත්තලම අධිකරණ භූමියේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

පැමිණිලිකරුගේ නැගණිය සුළු පියා විසින් දූෂණය කළ බවට චෝදනා කර, ඔහු අත්අඩංගුවට ගෙන පවරා ඇති නඩුවෙන් ඔහුට ඇප ලබා ගැනීමට උදව් උපකාර කිරීම වෙනුවෙන් රුපියල් 75,000/= ක මුදලක් අල්ලස් ලෙස ඉල්ලා, එම මුදලින් රුපියල් 25,000/= ක මුදලක් අල්ලස් වශයෙන් ලබා ගැනීමේදී සැකකරු මෙලෙස අත්අඩංගුවට ගන්නා ලදී.