පැමිණිලිකාරියගේ දරුවා 8 ශ්‍රේණියට ඇතුලත් කිරීමට අවශ්‍ය කටයුතු කර දීම සදහා රු. 10000/- ක මුදලක් අයැද ඉන් රු. 8000/- ක මුදලක් නීති විරෝධී තුටු පඩුරක් වශයෙන් භාර ගැනීමේදී මොරටුව වේල්ස් කුමර විද්‍යාලයේ පාසැල් මුරකරු අල්ලස් හෝ දුෂණ චෝදනා විමර්ශණ කොමිෂන් සභාවේ විමර්ශන නිළධාරින් විසින් 2019.09.20 දින අත් අඩංගුවට ගෙන ඇත.

07 වසරට ළමයකු ඇතුලත් කිරිම වෙනුවෙන්, යාපනය හින්දු විද්‍යාලයේ විදුහල්පති විසින් රුපියල් 100,000/=ක මුදලක් අල්ලස් වශයෙන් අයැද ඉන් රුපියල් 50.000/=ක් පළමුව ලබාගෙන, ඉතිරි රුපියල් 50.000/=ක මුදල 2019.09.20 දින ඉල්ලා ලබාගත් අවස්ථාවේදි, අල්ලස් හෝ දුෂණ චෝදනා විමර්ශණ කොමිෂන් සභාවේ නිළධාරින් විසින් අත් අඩංගුවට ගෙන ඇත.

පැමිනිලිකරු විසින් කරණ ලද පහර දිමක් සම්බන්ධයෙන් නීති මගින් කටයුතු නොකර සිටිමට හා පැමිනිලිකරු සන්තකයේ තිබු ලියකියවිලි ඇතුලත් ගමන් බෑගය පොලිසිය භාරයට ගෙන, එය ආපසු දිම සදහා බොරැල්ල පොලිස් ස්ථානයේ කොස්තාපල්වරයෙකු අල්ලස් වශයෙන් රු 2000/- ක මුදලක් ඉල්ලා එම මුදල 2019.07.21 වන දින ලබා ගත් අවස්ථාවේදි , අල්ලස් හෝ දුෂණ චෝදනා විමර්ශණ කොමිෂන් සභාවේ නිළධාරින් විසින් අත් අඩංගුවට ගෙන ඇත.

විදුලි ජනක යන්ත්‍රයක් අස්ථාන ගත වීම සම්බන්ධයෙන් විල්ගමුව පොලිස් ස්ථානය වෙත කරන ලද පැමිණිල්ලක විමර්ශන කටයුතු සිදුකර සැකකරුවන් අත්අඩංගුවට ගැනීමටත්, එම විදුලි ජනක යන්ත්‍රය සොයා දීමටත් විල්ගමුව පොලිස් ස්ථානයට අනුයුක්තව හඳුන්ගමුව පොලිස් මුරපලේ සේවය කළ පොලිස් කොස්තාපල්වරයෙකු විසින් රු: 50,000/= ක මුදලක් අල්ලස් වශයෙන් ඉල්ලා ලබා ගන්නා අවස්ථාවේ දී අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරින් විසින් අත්අඩංගුවට ගෙන ඇත.

හම්බේගමුව පොලිස් ස්ථානයට අනුයුක්තව සේවය කරන ලද පොලිස් සැරයන්වරයෙකුට හා පොලිස් කොස්තාපල්වරුන් දෙදෙනෙකුට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව විසින් අධිචෝදනා ගොනුකරනු ලැබීය.

ආයුර්වේද දෙපාර්තමේන්තුවේ සේවය කරන නීති සහකාරවරයෙකුට හා තාක්‍ෂණ නිළධාරියෙකුට එරෙහිව 2019.07.11 දින අල්ලස් හෝ දූෂණ චෝදනා විමර්ශන කොමිෂන් සභාව විසින් අධිචෝදනා ගොනුකරන ලදී. පැමිණිලිකරු වන වලිමුණි දේවලයාලගේ සේන ආටිගල නමැත්තාගෙන් රු. 300,000/- ක් අයදීම හා ලබාගැනීම සම්බන්ධයෙන් එම නීති සහකාරවරයා (පළමු විත්තිකරු) වෙත චෝදනා එල්ල විය.

පැමිණිලිකරු වාහන ලිසිං පාසුකම් ලබා දෙන ආයතනයක් පවත්වාගෙන යන අතර, ලීසිං වාහන රඳවා තබන ගොඩනැගිල්ලට අයතා ලෙස විදුලිය ලබාගෙන ඇති බවට චෝදනාකරමින් ඒ සඳහා නීති මගින්ත කටයුතු නොකර සිටීමට , හෝමාගම ප්‍රාදේශීය විදුලි ඉංජිනේරු කාර්යාලයේ නිලධාරීයකු රු.100,000 ක් අල්ලස් වශයෙන් ඉල්ලා එම මුදල 2019.06.20 දින ලබාගත් අවස්ථාවේදී අල්ලස් හෝ දුෂණ චෝදනා විමර්ශන කොමිෂන් සභාවේ නිලධාරීන් විසි න්අත්අඩංගුවට ගෙන ඇත.

ශ්‍රී ලංකා මහවැලි අධිකාරියට අයත් වෙහෙරගල තැන්න කොට්ඨාශයේ, නාමල්ගම ප්‍රදේශයෙන් ඉඩම් කොටසක් පැමිණිලිකාරියගේ දියණියගේ නමින් ලබාදීමට අවශ්‍ය කටයුතු කරදීම සඳහා රුපියල් 5,000/= ක මුදලක් අල්ලස් වශයෙන් ඉල්ලා ලබාගත් අවස්ථාවේ ශ්‍රී ලංකා මහවැලි අධිකාරියේ, වෙහෙරගල තැන්න කොට්ඨාශයේ, බෝගස්වැව ඒකක කළමණාකරු අල්ලස් හෝ දූෂණ චෝදනා විමර්ශන කොමිෂන් සභාවේ බලයලත් විමර්ශන නිළධාරීන් විසින් 2019.05.09 වන දින අත් අඩංගුවට ගෙන ඇත.

හොරොව්පතාන පොලිස් ස්ථානය මගින් අත්අඩංගුවට ගෙන රක්ෂිත බන්ධනාගාර ගතකර සිටින තව්හිත් ජමාත් සංවිධානයේ සාමාජිකයකු යැයි සැක කරන පුද්ගලයකුට නඩු නොපවරා, නිදහස් කරදෙන ලෙස ඉල්ලීමක් කර හොරොව්පතාන පොලිස් ස්ථානාධිපති වරයාට රුපියල් ලක්ෂ 5ක අල්ලසක් දෙන බව පවසා ,ඉන් රු.250,000/- ක මුදලක් අල්ලස් වශයෙන් පිරිනමන ලද අවස්ථාවේදී, එම මුදල් පිරිනමන ලද පුද්ගලයකු අල්ලස් හෝ දුෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන ඇත.

වයඹ පළාතේ පුද්ගලික බස්රථ හිමියකුගේ බස් රථය කුරුණෑගල බස් නැවතුම්පලට ඇතුල්කිරීමේ පිවිසුම් පත්‍රය ලබා දීමට හා එකී බස් රථයේ ධාවන කටයුතු අවහිරයකින් තොරව කරගෙන යාම සදහා මාර්ගස්ථ මගී ප්‍රවාහන අධිකාරියේ ධාවන කළමනාකරුවකු ඒ වෙනුවෙන් රුපියල් 100,000/- ක මුදලක් 2019.04.03 වන දින ලබාගත් අවස්ථාවේදී අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන ඇත.

රු.20,000/-ක අල්ලසක් ඉල්ලා ඉන් රු.10,000/- ගනු ලැබූ ගලෙන්බිඳුණුවැව පොලීසියට අනුයුක්තවී සිටි පොලිස් නිලධාරින් තිදෙනෙකු ගරු මහාධිකරණ විනිසුරු සම්පත් විජේරත්න මහතා විසින් වරදකරුවන් ලෙස තීන්දු කරන ලදී.

මෙසේ අත්අඩංගුවට පත්වූ පුද්ගලයා විසින් වැල්ලවාය පොලිස් ස්ථානයට අනුයුක්තව සේවය කරමින් සිටි පොලිස් කොස්තාපල්වරයකු වෙත මෙම අල්ලස් මුදල පිරිනැමීමට කටයුතු කර ඇත්තේ සිය රුධිර සාම්පලය වෙනස් කරගැනීම උදෙසාය.