අල්ලස් කොමිෂන් සභාවට ලද පැමිණිල්ලකට අනුව රුපියල් 300,000/= ක මුදලක් අල්ලස් ලෙස ඉල්ලා, එයින් රු.25,000/= ක මුදලක් ලබා ගැනීමේ චෝදනාව මත, කලුදාවලෙයි ප්‍රාදේශීය සභාවේ සේවය කරන ආදායම් පරීක්‍ෂකවරයකු 202‍1.10.05 වන දින අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරින් විසින් අත්අඩංගුවට ගනු ලැබින.

අල්ලස් කොමිෂන් සභාවට ලද පැමිණිල්ලකට අනුව රුපියල් 7000/- ක මුදලක් අල්ලස් ලෙස ලබාගැනීමේදී, වන සංරක්‍ෂණ දෙපාර්තමේන්තුවට අයත් ලියන්ගොල්ල අඩවි වන කාර්යාලයේ සේවය කරනු ලබන, වන ක්ෂේත්‍ර සහකාර නිලධාරීන් දෙදෙනෙකු 2021.09.30 වන දින අල්ලස් හෝ දුෂණ චෝදනා විමර්ශන කොමිෂන් සභාව විසින් අත් අඩංගුවට ගනු ලැබීය.

සභාපතිතුමියගේ පණිවිඩය ළමා දිනය වෙනුවෙන්
වැඩිදුරටත් කියවන්න

2021.08.06 වන දින කොළඹ මහාධිකරණ විනිසුරු ගරු ඒ.කේ.එම්. පටබැඳිගේ මහතා විසින් මාතර දිස්ත්‍රික් කම්කරු කාර්යාලයේ සේවය කළ එච්.එන්. සුනිල්ලාල් නමැති කම්කරු නිලධාරියෙකුට, අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් විසින් එකී කම්කරු නිලධාරියාට එරෙහිව ඉදිරිපත් කළ අධිචෝදනා පත්‍රයේ සියලුම චෝදනාවන්ට වරදකරු කරමින් තීන්දුවක් නිකුත් කරන ලදී.

සාලියවැව ප්‍රදේශයේ පදිංචි ව්‍යාපාරිකයකුගෙන් ලද පැමිණිල්ලකට අනුව රුපියල් 25,000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත, සාලියවැව පොලිස් ස්ථානයේ සේවය කරන පොලිස් කොස්තාපල් වරයකු 2021.08.03 වන දින පුත්තලම අධිකරණ භූමියේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

අලුත්ගම දර්ගා නගරයේ පදිංචි ව්‍යාපාරිකයකුගෙන් ලද පැමිණිල්ලකට අනුව රුපියල් 3000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත බේරුවල කොට්ඨාශයේ හදිසි මරණ පරීක්‍ෂක වරයකු 2021.08.03 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

 අල්ලස් කොමිෂන් සභාවට ලද පැමිණිල්ලකට අනුව රුපියල් 150,000/- ක මුදලක් අල්ලස් ලෙස ඉල්ලා බාර ගැනීමේ චෝදනාවන් මත, පොතුවිල් ප්‍රාදේශීය ලේකම් කාර්යාලයේ සේවය කරනු ලබන ඉඩම් නිලධාරියා සහ ක්ෂේත්‍ර නිලධාරියා 2021.07.16 වන දින අල්ලස් හෝ දුෂණ චෝදනා විමර්ශන කොමිෂන් සභාවේ නිලධාරීන් විසින් අත් අඩංගුවට ගනු ලැබීය.

වැලිමඩ ඌව පරණගම ප්‍රදේශයේ පදිංචි පුද්ගලයකුගෙන් ලද පැමිණිල්ලකට අනුව රුපියල් 50,000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත, ඌව පළාත් සභාවේ මගී ප්‍රවාහන සේවා අධිකාරියේ වැඩ බලන ධාවන කළමනාකරු 2021.05.03 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

කඹුරුපිටිය ප්‍රදේශයේ පදිංචි ව්‍යාපාරිකයකුගෙන් ලද පැමිණිල්ලකට අනුව රුපියල් 5000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත, කඹුරුපිටිය අඩවි වන කාර්යාලයේ සේවය කරන බීට්ටු වන නිලධාරියෙකු 2021.04.09 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

මොරටුව ප්‍රදේශයේ පදිංචි ව්‍යාපාරිකයකුගෙන් ලද පැමිණිල්ලකට අනුව රුපියල් 5000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත මාර්ගස්ථ මගී ප්‍රවාහන අධිකාරියේ රත්මලාන ප්‍රාදේශීය කාර්යාලයේ කාර්යාල කාර්ය සහායක‍යෙකු 2021.04.07 වන දින රත්මලාන සොයිසාපුර හන්දියේ හෝටලයක් ඉදිරිපිටදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

පැමිණිලිකරු ලංකා බැංකුවෙන් ණය මුදලක් ලබාගැනීමට කටයුතු කිරීමේදී, ඒ සඳහා ඉදිරිපත් කළ ඇපකරුවන් දෙදෙනාගෙන් එක් ඇපකරුවෙකු රජයේ සේවකයෙකු නොවන බැවින් එම ඇපකරුට ආදායම් ඇති බවට බැංකුවෙන් ලබාදෙන ලේඛනය අත්සන් කර දීම සඳහා රු.15,000/- ක් ව‍ටිනා මේසයක් හෝ රු.15,000/- ක මුදලක් අල්ලස් ලෙස ඉල්ලා එයින් රු.15,000/- ක මුදල අල්ලස් ලෙස ලබාගැනීමේදී වව්නියාව ප්‍රාදේශීය ලේකම් කාර්යාලයට අනුයුක්තව රාජකාරි කළ අංක 244සී, කෝවිල්කුලම් ග්‍රාම නිලධාරී වසම භාරව කටයුතු කළ, ග්‍රාම නිලධාරී, 2021.03.31 වන දින ආලයඩි වීදිය, කෝවිල්කුලම් ප්‍රදේශයේදී මෙම කොමිෂන් සභාවේ නිලධාරීන් විසින් අත් අඩංගුවට ගෙන ඇත.

වැලිවේරිය ප්‍රදේශයේ පදිංචි ව්‍යාපාරිකයකුගෙන් ලද පැමිණිල්ලකට අනුව රුපියල් 10,000/= ක මුදලක් අල්ලස් ලෙස ඉල්ලා ලබා ගැනීමේ චෝදනාව මත වැලිවේරිය පොලිස් ස්ථානයේ විවිධ පැමිණිලි අංශයේ ස්ථානාධිපති වශයෙන් කටයුතු කළ ප්‍රධාන පොලිස් පරීක්ෂකවරයෙකු 2021.03.29 වන දින වැලිවේරිය පොලිස් ස්ථානයේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.