චූදිතයාට රු. 250,000/- ක දඩයක් නියම වෙයි.

පාසැලට ළමයෙකු ඇතුළත් කිරීමට විදුහල්පති විසින් රු.40,000/-ක අල්ලසක් ගැනීම සම්බන්ධයෙන් මහාධිකරණ නඩු විභාගයේදී වරදකරු වේ.

පැමිණිලිකරු විසින් සීදූව පොලිස් ස්ථානයේ අපරාධ අංශය වෙත කරන ලද පැමිණිල්ල විභාගකර සැකකරුවන් අත්අඩංගුවට ගෙන පැමිණිලිකරුට වාසි වන පරිදි නීති මගින් කටයුතු කර දීමට අවශ්‍ය කටයුතු කර දීම සඳහා අල්ලස් වශයෙන් රු.25 000/-ක මුදලක් ඉල්ලා ලබා ගැනීම සහ පැමිණිලිකරු භාරයේ තිබූ වොඩ්කා වර්‍ගයේ රට බීම බෝතලයක්ද සැකකාර නිලධාරියා පැමිණිලිකරුගෙන් ලබා ගන්නා අවස්ථාවේ දී 2018.03.13 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගෙන ඇත.

පැමිණිලිකරු ව්යා ජ කාර් රථයක් පරිහරණය කිරීම, ව්යානජ මුදල් හා සුදු හඳුන් කිලෝ 03 ක් ලග තබා ගැනීම සම්බන්ධයෙන් අත්අඩංගුවට ගෙන මහබාගේ පොලිස්ථානය විසින් අධිකරණයට ඉදිරිපත් කර තිබූ කාර් රථය එහි අයිතිකරු වෙත නිදහස් කර දීමට අවශ්යු කටයුතු කරදීම සඳහා රුපියල් 10000/= ක මුදලක් ඉල්ලා ඉන් රුපියල් 2000/= ක් මීට ඉහතදී ලබාගෙන ඉතිරි රුපියල් 8000/= ක මුදල ලබාගත් අවස්ථාවේදී මහබාගේ පොලිස්ථානයේ අපරාධ විමර්ශන අංශයේ ස්ථානාධිපති වශයෙන් කටයුතු කල උ.පො.ප. වරයෙකු අල්ලස් හෝ දූෂණ චෝදනා විමර්ශන කොමිෂන් සභාවේ බලයලත් විමර්ශන නිළධාරීන් විසින් 2018.03.05 වන දින අත් අඩංගුවට ගෙන ඇත.

දෙහිවල - ගල්කිස්ස මහනගර සභාවේ කම්කරුවෙකු වශයෙන් සේවය කරන පැමිණිලිකරුට ගෙවනු ලබන අතිකාල දීමනා (OT) මුදල 2018 ජනවාරි මාසය සඳහා ලබාදීම වෙනුවෙන් සහ ඉදිරි මාසවලදී එම දීමනාව කරදරයකින් තොරව ලබාදීමට අවශ්යම කටයුතු කරදීම සඳහා රුපියල් 4000/- ක මුදලක් අල්ලස් වශයෙන් ඉල්ලා ලබාගත් අවස්ථාවේ දෙහිවල - ගල්කිස්ස මහ නගර සභාවේ කර්මාන්ත පරිපාලක වරයෙකු අල්ලස් හෝ දූෂණ චෝදනා විමර්ශන කොමිෂන් සභාවේ බලයලත් විමර්ශන නිළධාරීන් විසින් 2018.02.28 වන දින අත් අඩංගුවට ගෙන ඇත.

පැමිණිලිකාරිය විසින් වෙන්නප්පුව පොලිස් වසමේ පවත්වාගෙන යනු ලබන ආයුර්වේද වෛද්‍ය සම්භාහන මධ්‍යස්ථානයක් කරදරයකින් තොරව ඉදිරියට පවත්වාගෙන යාම සදහා මාසිකව රුපියල් 40,000/= ක මුදලක් ඉල්ලා, එම මුදල රුපියල් 30,000/= දක්වා අඩුකර, 2018.02.27 වන දින කොමිෂන් සභාවේ උපායදුත නිළධාරිනිය ඉදිරිපිටදි අල්ලස් වශයෙන් ඉල්ලා ලබාගත් අවස්ථාවේදී, වෙන්නප්පුව සහකාර පොලිස් අධිකාරි ගඟහාරාලලාගේ දයා දේශප්‍රිය ජයතිලක බණ්ඩාර යන අය මෙම කොමිෂන් සභාවේ බලයලත් විමර්ශන නිලධාරින් විසින් අත්අඩංගුවට ගෙන ඇත.

වරකාපොල ප්‍රාදේශීය සභාවේ හිටපු සභාපතිවරයා වූ බෝපේ ආරච්චිලාගේ චන්දන කීර්තිසිරි විජේතුංග යන අයට එරෙහිව අල්ලස් කොමිසම විසින් කොළඹ ප්‍රධාන මහේස්ත්‍රාත් අධිකරණයේ නඩු 04ක් ගොනුකර තිබිණි.

හිටපු තණමල්විල ප්‍රාදේශීය සභාවේ තාක්ෂණික නිලධාරී වරද පිළිගනී.

ගාල්ල මහමෝදර රෝහලේ සුළු සේවකයින් දෙදෙනෙකුට එක් වරදකට වසර 4 බැගින් වසර 8කට ලිහිල් සිරදඬුවම් හා දඩ.

එවකට සිටි ක්‍රීඩා අමාත්‍යවරයා වූ මහින්දානන්ද අලුත්ගමගේ සහ එවකට ක්‍රීඩා සංවර්ධන දෙපාර්තමේන්තුවේ ගබඩා භාරකරු වූ නිශාන්ත ගුණසේකර යන අයට එරෙහිව කොළොඹ ප්‍රධාන මහේස්ත්‍රාත් අධිකරණයේ පවරා තිබු නඩු අංක 59720/01/16 දරණ නඩුව තාක්ෂණික දෝෂයක් මත 2018.01.19  දින ඉල්ලා අස්කර ගන්නා ලද අතර එදිනම පෙර කරන ලද විමර්ශනය මතම හිටපු ක්‍රීඩා අමාත්‍යවරයකු වූ මහින්දානන්ද අලුත්ගමගේ සහ සතොස සභාපති ව සිටි නලීන් රුවන්ජීව ප්‍රනාන්දු යන යෝජිත සැකකරුවන්ට විරුද්ධව අංක B/87776/18 යටතේ අල්ලස් හෝ දුෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් විසින් අධිකරණයට කරුණු වාර්තා කරන ලදී.තවද නලීන් රුවන්ජීව ප්‍රනාන්දු යන යෝජිත දෙවන සැකකරුට අල්ලස් හෝ දුෂණ කොමිෂන් සභාව වෙත පැමිණ ප්‍රකාශයක් ලබා දීමට කොළඹ ප්‍රධාන මහේස්ත්‍රාත් අධිකරණය විසින් නියෝග කරන ලදී.

සී/ස ලංකා විදුලි පෞද්ගලික සමාගමේ අධ්‍යක්ෂ මණ්ඩලය ඇතුළු සේවකයින් කිහිප දෙනෙක් විසින් කරනු ලැබ ඇති මුල්‍ය වැරදි සමුහයක් පිළිබඳව අපරාධ පරීක්ෂණ දෙපාර්තමේන්තුව විසින් පවත්වා ගෙන ගිය පරීක්ෂණයකට අනුව නීතිපති දෙපාර්තමේන්තුවේ හිටපු නියෝජ්‍ය සොලිසිටර් ජනරාල්වරයකු හා දැනට අභියාචනාධිකරණ විනිසුරුවරයකු වන අබ්දුල් හමීඩ් මොහොමඩ් දිලිප් නවාස් , හිටපු නීතිපති හා හිටපු අගවිනිසුරු පීටර් මොහාන් මෛත්‍රී පීරිස් සහ හිටපු විදුලිබල හා බලශක්ති අමාත්‍යංශයේ ලේකම් මහවිදානලාගේ මුනිදාස චාර්ල්ස් ෆර්ඩිනැන්ඩු යන අයවලුන්ට විරුද්ධව අල්ලස් පනතේ 70 වන වගන්තිය යටතේ අල්ලස් හෝ දුෂණ චෝදනා විමර්ශන කොමිෂන් සභාව විසින් කොළඹ මහේස්ත්‍රාත් අධිකරණයේ නඩුවක් ගොනුකරන ලදී.

2018.01.17 දින අක්කරපත්තුව - මඩකලපුව මාර්ගයේ ධාවනය කරන පුද්ගලික බස්රථයකින් එක් ගමන් වාරයක් සඳහා කල්මුණේ බස් නැවතුම්පලේදී වෙලාව සටහන් කර නියමිත වාරය පැමිණෙන තෙක් බස් රථය නතර කර තබා ගැනීමට හා මෙම බස් රථය ඉදිරියෙන් ධාවනය වන බස් රථ වලින් හිරිහැරයක් නොවන පරිදි ධාවනය කිරීමට අවශ්‍ය කටයුතු සලසා දීම වෙනුවෙන් නැගෙනහිර පළාත් මාර්ගස්ථ මගී ප්‍රවාහන අධිකාරියට අනුයුක්ත වේලා සටහන් කරුවකු රු100ක මුදලක් අල්ලස් වශයෙන් ලබා ගන්නා අවස්ථාවේදී අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගෙන ඇත. එදිනම ඔහු අම්පාර මහේස්ත්‍රාත් අධිකරණය වෙත ඉදිරිපත් කර ඇත.