මෙතෙක් විශාල අඩුපාඩුවක්ව පැවති අල්ලස හා දූෂණය වැලැක්වීම සඳහා වන ජාතික ක්‍රියාකාරී සැලැස්ම එළි දැක්වීම සඳහා අවශ්‍ය කටයුතු කඩිනමින් සූදානම් කෙරෙමින් පවතී. මේ සඳහා අදහස් ලබා ගැනීමට රාජ්‍ය පරිපාලන හා කළමණාකරන අමාත්‍යාංශය හා එක්ව USAID අනුග්‍රහයෙන් දීප ව්‍යාප්ත විද්වත් කථිකාවන් 30 කට ආසන්න සංඛ්‍යාවක් පවත්වන ලදී. ඒ සඳහා පාර්ලිමේන්තු මන්ත්‍රීවරුන් සඳහා වු වැඩමුළුව රජයේ ජ්‍යෙෂ්ඨ පරිපාලන නිලධාරීන්ගේ ද සහභාගීත්වයෙන් පසුගියදා පාර්ලිමේන්තුවේ දී පැවැත්විනි. දෙසැම්බර් 09 වන දිනට යෙදෙන ජාත්‍යන්තර දූෂණ විරෝධී දිනයේ දී ගරු ජනාධිපතිතුමාගේ සහභාගීත්වයෙන් මෙම අල්ලස හා දූෂණය වැලැක්වීම සඳහා වන ජාතික ක්‍රියාකාරී සැලැස්ම ජනගත කිරීමට නියමිතය.
