ගරු මහත්මයාණෙනි/මහත්මියනි,

රටක ඉදිරි ගමනට අකුල් හෙලන ප්‍රධානම බාධකයක් ලෙස වර්තමාන ලෝකය තුල වාර්තාගතව ඇත්තේ එම රටෙහි ක්‍රියාකාරි අංශ තුල පවතින අල්ලස සහ දුෂණයයි. අල්ලස සහ දුෂණය හේතුවෙන් ලැබිය යුත්තන්ට ලැබිය යුතු දේ නොලැබී යාමත්, අනවශ්‍ය පාර්ශවයන් අයථා ලාභ ප්‍රයෝජන ලැබීමත්, එම හේතුව නිසාම ඇතිවන සංකුලතා හේතුවෙන්, සත් කාර්‍යයක් අසත්කාර්‍යයක් බවට පත්වී ගැටළු පැන නැගී එම ක්‍රියාවලියෙහි යාන්ත්‍රණය සම්පුර්ණයෙන්ම බිද වැටීම නිරන්තරයෙන් සිදු වන සිදුවීමකි.

ඇඹිලිපිටිය නව නගරයේ පදිංචි පුද්ගලයකුගෙන් කොමිෂන් සභාවේ 1954 දූරකථනයට කරන ලද පැමිණිල්ලකට අනුව රු. 150,000/- ක මුදලක් අල්ලස් ලෙස ලබා ගැනීමේ චෝදනාව මත ඇඹිලිපිටිය ජනාධිපති විද්‍යාලයේ විදුහල්පතිනිය 2020.12.02 වන දින එම විද්‍යාලයේ ක්‍රීඩාපිටිය අසලදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

අල්ලස් හෝ දූෂණ චෝදනා විමර්ශන කොමිෂන් සභාවේ නීති සහකාර තනතුරු 11ක් සහ ලඝු ලේඛක /යතුරු ලේඛක තනතුරු 07ක් සඳහා 2020.10.15 දින සිට ක්‍රියාත්මක වන පරිදි නිලධාරීන් බඳවා ගන්නා ලදී. අදාල පත්වීම් ලිපි අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් විසින් 2020.10.15 දින ප්‍රදානය කල අතර, එදින සිට සතියක කාලසීමාවක් ඔවුන්ට සේවාරම්භක පුහුණුව  ලබා දීමට කටයුතු කරන ලදී.

වැල්ලවාය හඳපානාගල ප්‍රදේශයේ පදිංචි පුද්ගලයෙකුගෙන් 1954 දුරකථන අංකයට ලද පැමිණිල්ලකට අනුව රු. 14000/- ක මුදලක් අල්ලස් ලෙස ලබා ගැනීමේ චෝදනාව මත ඌව පළාත් නාගරික සංවර්ධන අධිකාරියේ අධ්‍යක්‍ෂ සහ සැලසුම් නිලධාරියා 2020.10.15 වන දින බදුල්ල ඌව පළාත් නාගරික සංවර්ධන අධිකාරි කාර්යාලය තුලදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින. පැමිණිලිකරුගේ ඉඩමේ සැලැස්ම වැල්ලවාය ප්‍රාදේශීය සභා කමිටු රැස්වීමේදී අනුමත කර ගැනීමට අවශ්‍ය නිර්දේශ සහ කමිටුවේදී සහය ලබා දීමට සැලසුම් නිලධාරියා විසින් අල්ලස් වශයෙන් රු. 14000/= ඉල්ලා නාගරික සංවර්ධන අධිකාරියේ ඌව පළාත් අධ්‍යක්‍ෂ වෙත ලබා ගැනීමට ඉඩ සලස්වා අධ්‍යක්‍ෂ විසින් මුදල් ලබා ගැනීමේදී සැකකරුවන් මෙලෙස අත්අඩංගුවට ගන්නා ලදී.

තිරප්පනේ ප්‍රදේශයේ පුද්ගලයෙකුගෙන් ලද පැමිණිල්ලකට අනුව රු. 35000/- ක මුදලක් අල්ලස් ලෙස ඉල්ලා ලබා ගැනීමේ චෝදනාව මත තිරප්පනේ බීට්ටු වන නිලධාරීවරයෙකු 2020.10.14 වන දින තිරප්පනේ ප්‍රදේශයේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබිණි. පැමිණිලිකරු හට ජංගම ලී ඉරුම්හලක් ලියාපදිංචි කිරීමට අවශ්‍ය බීට්ටු වන නිලධාරීයාගේ සහතිකය නිකුත් කිරීමට රු. 35000/= ක මුදලක් අල්ලස් ලෙස ඉල්ලා ලබා ගැනීමේදී සැකකරු මෙලෙස අත්අඩංගුවට ගන්නා ලදී.

2020.10.12 වන දින ලද පැමිණිල්ලකට අනුව කටයුතු කළ අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් 13.10.2020 දින සහාධිපත්‍ය කළමනාකරණ අධිකාරියේ නියෝජ්‍ය සාමාන්‍යාධිකාරී (නියාමන හා වැඩ ආවරණ) රු.25000/- ක් වූ මුදලක් තුටු පඩුරක් භාර ගැනීමේදී එම කාර්යාලය තුළදී අත්අඩංගුවට ගන්නා ලදී. පැමිණිලිකරු විසින් විකිනීමට ඉදිකරන ලද බද්ධ නිවාස 02ක් වෙනුවෙන් සහාධිපත්‍ය සහතිකය ලබා දීමට සැකකරු විසින් රු.25,000/- අල්ලස ඉල්ලා ඇත.

කණුපැලැල්ල,බදුල්ල ප්‍රදේශයේ පුද්ගලයකුගෙන් ලද පැමිණිල්ලකට අනුව රු. 300000/- ක මුදලක් අල්ලස් ලෙස ලබා ගැනීමේ චෝදනාව මත බණ්ඩාරවෙල පොලිස් විශේෂ අපරාධ විමර්ශන අංශයට අනුයුක්ත උප පොලිස් පරීක්ෂකවරයෙක් 2020.10.06 වන දින වැලිමඩ මහේස්ත්‍රාත් අධිකරණය අසල ඇති ආපනශාලාව තුලදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

වැලිමඩ මහේස්ත්‍රාත් අධිකරණයේ විභාගවෙමින් පවතින නඩුවක 12 වන චූදිත ලෙස පැමිණිලිකරු නම්කර ඇති අතර එයින් නිදහස්කර රජයේ සාක්ෂිකරුවෙකු වශයෙන් නම් කිරීමට සහ කෑගල්ල මහේස්ත්‍රාත් අධිකරණයේ විභාග වන නඩුවකටද පැමිණිලිකරුගේ සම්බන්ධයක් ඇති බව පවසා එම නඩුවෙන්ද සැකකරුවෙකු ලෙස නම් නොකර රජයේ සාක්ෂිකරුවකු කිරීම සඳහා අවශ්‍ය කටයුතු කරදීමට රු. 300000/= ක මුදලක් අල්ලස් ලෙස ඉල්ලා ලබා ගැනීමේදී සැකකරු මෙලෙස අත්අඩංගුවට ගන්නා ලදී.

කැලණිය, නාතුඩුව ප්‍රදේශයේ පදිංචිකාරියකගෙන් ලද පැමිණිල්ලකට අනුව රු. 5000/- ක මුදලක් අල්ලස් ලෙස ලබා ගැනීමේ චෝදනාව මත ජල සම්පාදන මණ්ඩලයේ කඩවත උප ඒකකයට  අයත් මනු කියවන්නෙක් හා අල්ලස් මුදල් ලබා ගැනීමට අනුබල දුන් ජල සම්පාදන මණ්ඩලයේ සේවය කර විශ්‍රාම ලබා  ඇති පුද්ගලයෙකු 2020.10.06 වන දින පැමිණිලිකාරියගේ නිවසේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

පැමිණිලිකාරියගේ නිවසට ලැබී ඇති 2020 සැප්තැම්බර් මසට අදාල ජල බිල්පතෙහි එම මාසෙට අදාල මුදල හා  අය විය යුතු මුලු මුදල අඩුකර ජල මීටරය ඒකක 77කින් අඩුකර ගෙවීය යුතු මුදල අඩු කිරීම සඳහා රු. 5000/= ක මුදලක් අල්ලස් ලෙස ඉල්ලා ලබා ගැනීමේදී සැකකරුවන් මෙලෙස අත්අඩංගුවට ගන්නා ලදී

පැමිණිලිකරුගේ බස් රථය කරදරයකින් තොරව බස්නැවතුම්පලේ නවතා නියමිත කාලය අවසන් වන තෙක් රදවා ගනිමින් මගීන් රැගෙන යාම වෙනුවෙන් රු100/=ක මුදලක් අල්ලස් වශයෙන් අයැද ඒම මුදල 2020.09.24 වන දින ඉල්ලා ලබා ගත් අවස්ථාවේදී, අල්ලස් හෝ දුෂණ චෝදනා විමර්ශණ කොමිෂන් සභාවේ නිළධාරින් විසින් අත්අඩංගුවට ගෙන ඇත.

අල්ලස් හෝ දූෂණ චෝදනා විමර්ශන කොමිෂන් සභාවේ නිල වෙබ් අඩවිය රිදී අංශයෙන් හොදම රාජ්‍ය වෙබ් අඩවිය ලෙස දිනා ඇත. රිදී අංශයෙන් හොදම සිංහල වෙබ් අඩවිය ලෙසත් කුසලතා අංශයෙන් හොදම දෙමල වෙබ් අඩවිය ලෙසත් සම්මාන ලබා ඇත. මෙම සම්මානය ලබා දීම 2020 සැප්තැම්බර් 9 වන දින ශැන්ග්‍රිලා හෝටලයේ සිදු වූ අතර කොමිෂන් සභාව නියෝජනය කරමින් සහකාර අධ්‍යක්‍ෂ ජනරාල් අසිත ඇන්තනි මහතා සහභාගී විය.

යාපනය මහේස්ත්‍රාත් අධිකරණයට අනුයුක්තව සිටි පොලිස් නිලධාරියෙකු කොළඹ ප්‍ර‍ධාන මහේස්ත්‍රාත් ලංකා ජයරත්න මෙනවිය විසින් අල්ලස් චෝදනාවට වරදකරු කරන ලදී. අල්ලස් හෝ දූෂණ චෝදනා විමර්ශන කොමිෂන් සභාව විසින් ගොනුකර තිබූ චෝදනා 4න් 2කට සැකකරු වරදකරු කරනු ලැබූ අතර 2කට නිදොස් කරන ලදී. සෑම චෝදනාවකටම වසර බැගින් ලිහිල් සිර දඩුවම් නියම කෙරුණි. එමෙන්ම රු.10,000/- ක දඩයක් හා රු.500/- ක දණ්ඩනයක් නියම කළ අතර එය නොගෙවන්නේ නම් මාසයක ලිහිල් සිර දඩුවම් නියම කරන ලදී.

තවදුරටත් කියවන්න

පැමිනිලිකාරියගේ ස්වාමිපුරුෂයාගේ අහිමි වි ඇති රැකියාව නැවත ලබා ගැනිමට උදව් කිරිම වෙනුවෙන්,  ල.ග.ම.ට අළුතින් රැකියා ලබා දිමට පුද්ගලයින් දෙදෙනෙකු සොයා දෙන ලෙසටත් ඉන් එක් අයකුගෙන් රු 50.000/= බැගින් රු 100,000 /=ක් ඉල්ලා, ඉන් පළමුව රු 30,000/=ක මුදලක් අයැද එම මුදල 2020.09.13 වන දින ඉල්ලා ලබා ගත් අවස්ථාවේදි, අල්ලස් හෝ දුෂණ චෝදනා විමර්ශණ කොමිෂන් සභාවේ නිළධාරින් විසින් අත්අඩංගුවට ගෙන ඇත.