අල්ලස් කොමිෂන් සභාවට ලද පැමිණිල්ලකට අනුව, රුපියල් 15,000/= ක මුදලක් අල්ලස් ලෙස ඉල්ලා එය ලබා ගැනීමේ චෝදනාව මත, වත්තල පොලිස් ස්ථානයේ පොලිස් කොස්තාපල්වරයකු 2022.03.21 වන දින අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගන්නා ලදී.

පැමිණිලිකරු විසින් පවත්වාගෙන යනු ලබන, පැරණි යකඩ මිලදී ගෙන අලෙවි කරන ව්‍යාපාරයේ සොර බඩු මිලදී ගෙන විකුණන බව පවසා, ඒ සඳහා නීති මගින් කටයුතු නොකර, අදාළ ව්‍යාපාරය කරදරයකින් තොරව ඉදිරියට පවත්වාගෙන යාමට ඉඩ සලසා දීම වෙනුවෙන් රු.15,000 ක මුදල ලබා ගන්නා අවස්ථාවේදී හැඳල, බලගලවත්ත සුරුවම අසලදී මෙලෙස අත්අඩංගුවට පත් විය.