වාරියපොල ප්‍රදේශයේ වෙළඳසැල් හිමිකරුවෙකු පිරිසිදු කරන ලද ජලය අලෙවි කිරීමේ ව්‍යාපාරයක් කරගෙන යන බවත්, ඔහු විසින් නිකුත් කරනු ලබන ජල ටැංකියේ ෆිල්ටර් සවි නොකිරීම සම්බන්ධව නීති මගින් කටයුතු නොකර සිටීමට සහ පාරිසරික බලපත්‍රය ලබා ගැනීමට සෞඛ්‍ය වෛද්‍ය නිලධාරි කාර්යාලයෙන් අවශ්‍ය නිර්දේශ ලබා දීමට මාසිකව අල්ලස් වශයෙන් රු.7000/= බැගින් ඉල්ලා එයින්, 2021 මාර්තු මාසය සඳහා වූ රු.7000/= ක මුදල ඉල්ලා ඔහු පදිංචි නිවසට පැමිණ ඉල්ලා ලබා ගැනීමේදී අල්ලස් කොමිසමේ නිලධාරින් විසින් වාරියපොල මහජන සෞඛ්‍ය පරීක්ෂක වරයකු  2021.03.24  දින අත්අඩංගුවට ගෙන ඇත. සැකකරු වාරියපොල මහේස්ත්‍රාත් තුමා වෙත ඉදිරිපත් කිරීමට නියමිතව ඇත.