මංගලගම, මුරුතලාව ප්‍රදේශයේ පදිංචි පුද්ගලයකුගෙන් ලද පැමිණිල්ලකට අනුව රු. 50,000/- ක මුදලක් අල්ලස් ලෙස ලබා ගැනීමේ චෝදනාව මත කහටගස්දිගිලිය අඩවි වන කාර්යාලයේ වන ව්‍යාප්ති නිලධාරියෙකු 2021.02.24 වන දින ඉහත අඩවි වන කාර්යාලයේදී අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබින.

පැමිණිලිකරු විසින් තේක්ක වන වගා ගොවීන්ගෙන් මීලට ගෙන බිම හෙලා තිබූ ඉඩම් කට්ටි 08ක දැව කඳන් ප්‍රවාහනය කිරීම සඳහා අවශ්‍ය දැව කඳන් වාර්තාව සකස්කර නිර්දේශය ලබා දිම සඳහා රු. 50,000/= ක මුදලක් අල්ලස් ලෙස ඉල්ලා ලබා ගැනීමේදී සැකකරු මෙලෙස අත්අඩංගුවට ගන්නා ලදී.