2016 අංක 12 දරණ තොරතුරු දැන ගැනිමේ පනතේ ප‍්‍රතිපාදනයන්ද සැලකිල්ලට ගෙන අල්ලස් හෝ දුෂණ චෝදනා විමර්ශන කොමිෂන් සභාවේ නව නිල වෙබ් අඩවිය වර්ෂ 2017 ක් වු දෙසැම්බර් මස 20 වන දින , එනම් අද දින ජනගත කරන ලදි.මෙම උත්කර්ශවත් අවස්ථාව සදහා අල්ලස් හෝ දුෂණ චෝදනා විමර්ශන කොමිෂන් සභාවේ ගරු සභාපති ශේ‍්‍රෂ්ඨාධිකරණ විනිසුරු ටී.බී වීරසුරිය මැතිතුමා, ගරු කොමසාරිස් අභියාචනාධිකරණ විනිසුරු ඩබ්ලිව්. ලාල් රංජිත් ද සිල්වා මැතිතුමා, ගරු කොමසාරිස් නෙවිල් ගුරුගේ මැතිතුමා සහ අධ්‍යක්ෂ ජනරාල් ජනාධිපති නීතීඥ සරත් ජයමාන්න මහතාගේද, සිවිල් සංවිධාන හා මාධ්‍ය ආයතන රැුසකගේ සහභාගීත්වය දක්නට ලැබුණි.
මෙහි විශේෂාංග ලෙස මෙතෙක් ශ‍්‍රීලාංකේය රාජ්‍ය අංශයේ වෙබ් අඩවි තුල දක්නට නොලැබුනු විවිධ අංග රැුසක් ඇතුලත්වු අතර ඒ අනුව මුලික වශයෙන් වර්ණ අන්ධතාවයෙන් පෙලෙන පුද්ගලයන්ට සහ දෘශ්‍යාබාධ වලින් පෙලෙන පුද්ගලයන්ට සිය අවශ්‍යතාවය අනුව සාමාන්‍ය පුද්ගලයෙක් මෙන් තොරතුරු ග‍්‍රහනය කර ගැනීමේ අවස්ථාව සලසා දී ඇත.
තවද මහජනතාවට විවිධ ක‍්‍රම 8 ක් ඔස්සේ අල්ලස් හෝ දුෂණ චෝදනා විමර්ශන කොමිෂන් සභාව වෙත පැමිණිලි යොමු කිරීමේ හැකියාව ඇත.
එමෙන්ම අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන අංශය විසින් කරන ලද වැටලීම් සම්බන්ධවද , අධිකරණයේ දෛනික කැදවන සහ විභාග වන නඩු කටයුතු පිළිබදවද අධිකරණය විසින් ප‍්‍රකාශයට පත්කරන ලද නඩු තින්දු සහ නිවාරණ වැඩ සටහන් පිළිබදවද සමස්ත තොරතුරු මෙම වෙබ් අඩවිය ඔස්සේ ලබාගත හැක.
තවද අන්තර් ජාතික සබදතා පුහුණු වැඩමුළු පිළිබදව තොරතුරු ලබා ගැනීමේ හැකියාව ඇත.මෙම වෙබ් අඩවිය තුළ කුඩා දරුවන් යොවුන් පරපුර සහ වැඩිහිටි පිරිස කේන්ද්‍ර කරගනිමින් විශේෂිත කවුළු ති‍්‍රත්වයක් ද දක්නට ලැබේ.
එමෙන්ම වෙබ් අඩවියේ මුල් පිටුවේ ප‍්‍රදර්ශිත කවුළු ඔස්සේ අල්ලස් කොමිෂන් සභාවේ සිදුවු නවතම සිදුවීම් නිරීක්ෂණය කිරීමට අවකාශයන්ද සලසා ඇත.
වෙබ් අඩවිය : www.ciaboc.gov.lk
විද්‍යූත් තැපෑල : This email address is being protected from spambots. You need JavaScript enabled to view it.
ක්ෂණික ඇමතුම් : 1954 , 0112596360
