මාවනැල්ල, උතුවන්කන්ද ප්‍රදේශයේ පදිංචි සිවිල් පුද්ගලයෙකු විසින් සිදු කරන ලද පැමිණිල්ලකට අනුව, පැමිණිලිකරුට අයත් ඉඩමක ඉදිකිරීමට නියමිත ගොඩනැගිල්ල සඳහා ගොඩනැගිලි සැලැස්ම හා එම ඉඩමේ සැලැස්ම සඳහා මාවනැල්ල ප්‍රාදේශීය සභාව මගින් අනුමැතිය ලබා දීම සඳහා රු.2,000,000/= (රුපියල් මිලියන දෙකක) මුදලක් අල්ලස් වශයෙන් ඉල්ලා, ලබාගත් මාවනැල්ල ප්‍රාදේශීය සභාවේ සභාපතිට සහ රියදුරුට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව විසින් නඩු පැවරීමක් සිදු කර ඇත.
ඒ අනුව, නඩු අංක HCB/357/2025 යටතේ 2025.01.08 වන දින මෙම පුද්ගලයන්ට එරෙහිව කොළඹ මහාධිකරණයේ නඩු පවරා ඇත.
