රු.15,000/-ක මුදලක් අල්ලස් වශයෙන් පිරිනැමීම සම්බන්ධව අල්ලස් හෝ දූෂණ චෝදනා විමර්ශන කොමිෂන් සභාව මගින් සුල්තානාගොඩ ප්‍රදේශයේ සිවිල් පුද්ගලයෙකුට එරෙහිව නඩු අංක එච්.සී.බී 226/2023 මගින් ගොනු කළ නඩුවකට අදාළව, අදාළ චූදිත විසින් වරද පිළිගැනීම මත 2024.04.01 වන දින කොළඹ මහාධිකරණ අංක 01 හි ගරු විනිසුරු දමිත් තොටවත්ත මැතිතුමා විසින් දඬුවම් නියම කරන ලදි.

ඒ අනුව, අදාළ පුද්ගලයාට වසර 02 ක බරපතල වැඩ සහිත සිර දඬුවම් නියම කර, එය වසර 07කට අත්හිටුවන ලදි. තව ද, රුපියල් 5,000/-ක දඩයක් නියම කරන ලද අතර, එය නොගෙවන්නේ නම් මාස 02 ක ලිහිල් වැඩ සහිත සිර දඬුවම් නියම කරන ලදි. නඩු භාණ්ඩ ලෙස ඉදිරිපත්ව ඇති රුපියල් 15,000 /- ක මුදල රජයේ ඒකාබද්ධ අරමුදලට බැර කරන ලෙස නියෝග කරන ලදි.