අල්ලස් කොමිෂන් සභාවට ලද පැමිණිල්ලකට අනුව රු. 200/- ක මුදලක් අල්ලස් ලෙස ඉල්ලා ලබා ගැනීමේ චෝදනාව මත නැගෙනහිර පළාත් මාර්ගස්ථ මගී ප්‍රවාහන අධිකාරියට අයත් කල්මුණේ බස් නැවතුම්පොළෙහි ස්ථාන භාර නිලධාරිවරයා 2023.03.08 වන දින අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබීය.

කල්මුණේ පුද්ගලික බස් නැවතුම්පොළෙන් කල්මුණේ සිට ත්‍රිකුණාමලය දක්වා ධාවනය වන අංක EP NB-4625 දරණ බස් රථයේ ධාවන සටහන් පත්‍රය අත්සන් කර දීමට හා කරදරයකින් තොරව බස් රථය ධාවනය කරවීමට අවශ්‍ය කටයුතු සලසා දීම වෙනුවෙන් සෑම දිනකම රු.200/- ක අල්ලස් මුදලක් ඉල්ලා ලබා ගන්නා ඉහත සැකකරු, 2023.03.08 වන අද දින ද, ඉහත පරිදි කටයුතු කර දීම සඳහා රු.200/- ක මුදලක් අල්ලස් වශයෙන් ඉල්ලා ලබා ගන්නා අවස්ථාවේදී, කල්මුණේ බස් නැවතුම්පොළෙහිදී අත්අඩංගුවට ගෙන ඇත.