අල්ලස් කොමිෂන් සභාවට ලද පැමිණිල්ලකට අනුව රු. 21,000/- ක මුදලක් අල්ලස් ලෙස ඉල්ලා ලබා ගැනීමේ චෝදනාව මත මහරගම අපේක්‍ෂා රෝහලේ සේවය කරනු ලබන ඖෂධවේදියකු 2023.02.15 වන දින අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබීය.

මහරගම අපේක්‍ෂා රෝහලට රජයෙන් ලබාදෙන ඖෂධ හා පරිත්‍යාග වශයෙන් ලැබෙන රෝහලේ හිඟ ඖෂධ, එම රෝහලේ සේවය කරනු ලබන ඖෂධවේදියකු වූ ඉහත සැකකරු විසින් පැමිනිලිකරු හට ලබා දීම වෙනුවෙන් අල්ලස් ලෙස රු.22,000/- ක මුදලක් ඉල්ලා ඇති අතර, ඉන් රු. 21,000/- මුදලක් ලබා ගැනීමේදී මහරගම රෝයල් ඉන්ස්ටිටියුට් පාසල අසලදී මෙලෙස අත්අඩංගුවට පත් විය.