අල්ලස් කොමිෂන් සභාවට ලද පැමිණිල්ලකට අනුව රු. 15,000/- ක මුදලක් අල්ලස් ලෙස ඉල්ලා ලබා ගැනීමේ චෝදනාව මත වන සංරක්‍ෂණ දෙපාර්තමේන්තුවේ දැනට වැඩ තහනමකට ලක්ව සිටින බීට්ටු වන නිලධාරියකු 2022.12.21 වන දින අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබීය.

වන සංරක්‍ෂණ දෙපාර්තමේන්තුවේ කල්මුණේ ප්‍රදේශය භාරව කටයුතු කරන නිලධාරියා වශයෙන් පෙනී සිටිමින්, බලපත්‍ර නොමැතිව දැව ප්‍රවාහනය කිරීම සම්බන්ධයෙන් නීතිමය පියවර නොගැනීම වෙනුවෙන් රු.15,000/- ක මුදලක් අල්ලස් වශයෙන් ඉල්ලා ලබා ගන්නා අවස්ථාවේදී, කල්මුණේ නගරයේ අංක 298, ප්‍රධාන වීදිය, කල්මුණේ ලිපිනයේ පිහිටි ජරීනා ටයර් මාර්ට් ආයතනය ඉදිරිපිටදී ඉහත සැකකරු අත්අඩංගුවට ගෙන ඇත.