අල්ලස් කොමිෂන් සභාවට ලද පැමිණිල්ලකට අනුව රු. 4000/- ක මුදලක් අල්ලස් ලෙස ලබා ගැනීමේ චෝදනාව මත පොළොන්නරුව, දියබෙඳුම පොලිස් ස්ථානයේ සේවය කළ පොලිස් කොස්තාපල්වරයකු 2022.11.09 වන දින අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබීය.
පැමිණිලිකරු හට ජාතික ගමනාගමන කොමිෂන් සභාවෙන් නිකුත් කර තිබූ රියදුරු හැඳුනුම්පත කල් ඉකුත් වීමෙන් පසුව, නැවත එය අලුත් කර ගැනීමට අවශ්‍ය පොලිස් වාර්තාව ලබාදීමේ කටයුතු කරදීම වෙනුවෙන් සැකකාර නිලධාරියා විසින් මුලින් රු.6000/- ක මුදලක් අල්ලස් වශයෙන් ඉල්ලා, පසුව එම මුදල රු.4000/- දක්වා අඩු කර ඇති අතර, එම රු.4000/- මුදල අල්ලස් වශයෙන් ඉල්ලා ලබා ගන්නා අවස්ථාවේදී දියබෙඳුම පොලිස් ස්ථානය තුළදී මෙලෙස අත්අඩංගුවට පත් වී ඇත.
