අල්ලස් කොමිෂන් සභාවට ලද පැමිණිල්ලකට අනුව රු. 30,000/- ක මුදලක් අල්ලස් ලෙස ඉල්ලා ලබා ගැනීමේ චෝදනාව මත රාජාංගනය ප්‍රාදේශීය ලේකම් කාර්යාලයට අනුයුක්තව සේවය කරනු ලබන යාය 10,11,12 කාර්යාලයේ ඉඩම් නිලධාරියකු 2022.10.05 වන දින අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබීය.

පැමිණිලිකාරියගේ මවගේ නමින් ලබා ගත් ඉඩමේ බලපත්‍රය පැමිණිලිකාරියගේ හා ඇයගේ සහෝදරයාගේ නමට පැවරීමට හා එම ඉඩමට ස්ථිර මාර්ගයක් ලබා ගැනීමට අවශ්‍ය කටයුතු සිදු කර දීම වෙනුවෙන්, සැකකාර නිලධාරියා විසින් මුලින් රු.50,000/- ඉල්ලා, පසුව එම මුදල රු.30,000/- දක්වා අඩු කර ඇති අතර, එම රු.30,000/- මුදල අල්ලස් වශයෙන් ඉල්ලා ලබා ගන්නා අවස්ථාවේදී අදාළ සැකකරු යාය 12, කොලනි නිලධාරි කාර්යාලයේදී මෙලෙස අත්අඩංගුවට පත් වී ඇත.