අල්ලස් කොමිෂන් සභාවට ලද පැමිණිල්ලකට අනුව රු.50,000/- ක මුදලක් අල්ලස් ලෙස ඉල්ලා ලබා ගැනීමේ චෝදනාව මත දේශපාලන කටයුතු වල නියැලෙන, යාපනය දිස්ත්‍රික් එක්සත් ශ්‍රී ලංකා දිස්ත්‍රික් සංවිධායක හා සාමදාන විනිශ්චයකාර වරයකු (මුළු දිවයිනටම) 2022.09.06 වන දින අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබීය.

පැමිණිලිකාරිය හට රජයේ රැකියාවක් ලබා දීම සඳහා සැකකාර දිස්ත්‍රික් සංවිධායක විසින් මුලින් රු.150,000/= මුදලක් හා ලිංගික අල්ලසක් ඉල්ලා, පසුව එම මුදල රු.50,000/= දක්වා අඩු කර ඇති අතර, එම රු.50,000 මුදල අල්ලස් වශයෙන් ඉල්ලා ලබා ගැනීමේදී අදාළ සැකකරු හා එම අල්ලස් මුදල ලබා ගැනීමට අධාර අනුබල දීම හේතුවෙන් අනෙක් සැකකරු පිටකොටුව පුද්ගලික බස් නැවතුම්පොළ ඉදිරිපිට වූ පාවෙන වෙළද සංකීර්ණයේ තෙස්ටා බේක්හවුස් අවන්හළ තුළදී මෙලෙස අත්අඩංගුවට පත් වී ඇත.