රු. 200,000 ක මුදලක් අල්ලස් වශයෙන් ඉල්ලා ඉන් රු. 150,000 ක මුදලක් ලබා ගැනීමෙන් වරදක් සිදු කිරීම මත පානදුර ප්‍රදේශයේ ප්‍රසිද්ධ රජයේ පාසලක විදුහල්පතිවරයෙකුට එරෙහිව ලද පැමිණිල්ලකට අනුව අල්ලස් හෝ දූෂණ චෝදනා විමර්ශන කොමිෂන් සභාව විසින් අදාළ විමර්ශන කටයුතු සිදු කරන ලදී.
එම විමර්ශන කටයුතු වලින් අනතුරුව, අදාළ විදුහල්පතිවරයාට එරෙහිව නඩු අංක එච්සිබී 286/2024 යටතේ 2024.06.28 වන දින කොළඹ මහාධිකරණයේ නඩු පැවරීම් කටයුතු සිදු කරන ලදී.
