රු. 5,000/- ක අල්ලස් ඉල්ලා, ලබාගැනීම සම්බන්ධව අල්ලස් හෝ දූෂණ චෝදනා විමර්ශන කොමිෂන් සභාව මගින් ලංකා විදුලි බල මණ්ඩලයේ කාර්යාල කාර්ය සහායකවරයෙකුට එරෙහිව නඩු අංක HCB 66/2020 මගින් ගොනු කළ නඩුවකට අදාළව, අදාළ චූදිත විසින් වරද පිළිගැනිම මත 2024.02.19 වන දින කොළඹ මහාධිකරණ අංක 02 හි ගරු විනිසුරු අමල් රණරාජා මැතිතුමා වීසින් දඩුවම් නියම කරන ලදී.

ඒ අනුව, අදාළ කාර්යාල කාර්ය සහායකවරයාට චෝදනා 06 ක් සඳහා එක් චෝදනාවකට වසර 02 ක බැගින් එකවිට ගෙවී යන ලෙස සිරදඬුවම් නියම කරන ලද අතර, එය වසර 05 කට අත්හිටුවන ලදී. එමෙන්ම, චෝදනා 06 ක් සඳහා එක් චෝදනාවකට රු. 5,000/- බැගින් රු.30,000/- ක දඩ මුදලක් සහ 1954 අංක 11 දරන අල්ලස් පනතේ 26 වන වගන්තිය ප්‍රකාරව රු. 5,000/- ක දණ්ඩනයක් ද ගරු විනිසුරුතුමන් විසින් නියම කරන ලදී.

අල්ලස් හෝ දූෂණ චෝදනා විමර්ශන කොමිෂන් සභාව වෙනුවෙන් මෙම නඩුව සහකාර අධ්‍යක්ෂ (නීති) ගයාන් මාදුවගේ මහතා විසින් මෙහෙයවන ලදී.