අල්ලස් කොමිෂන් සභාවට ලද පැමිණිල්ලකට අනුව රුපියල් 10,000/- ක මුදලක් අල්ලස් ලෙස ඉල්ලා ලබා ගැනීමේ චෝදනාව මත, පොළොන්නරුව මූලස්ථාන පොලිසියට අනුයුක්ත කොට්ඨාශ අපරාධ විමර්ශන ඒකකයේ සේවය කරනු ලබන පොලිස් සැරයන්වරයකු 2023.02.08 වන දින අල්ලස් හෝ දුෂණ චෝදනා විමර්ශන
කොමිෂන් සභාවේ විමර්ශන නිලධාරින් විසින් අත්අඩංගුවට ගනු ලැබීය.
පැමිණිලිකරු විසින් පවත්වාගෙන යනු ලබන ගව ඝාතකාගාරය සහ එළ හරක් මස් විකිණීමේ ව්‍යාපාරය නීත්‍යානුකූල නොවන අන්දමින් පවත්වාගෙන යාම සම්බන්ධයෙන් නීතිමය පියවර නොගෙන සිටීම වෙනුවෙන්, එම රු.10,000 ක මුදල අල්ලස් වශයෙන් ඉල්ලා ලබාගන්නා අවස්ථාවේදී, කදුරුවෙල පරණ ලංකා බැංකුව අසලදී ඉහත සැකකරු මෙලෙස අත්අඩංගුවට ගෙන ඇත.
