සුපිලිපන් රාජ්‍ය සේවයක් උදෙසා පවත්වනු ලබන රාජ්‍ය නිලධාරීන් දැනුවත් කිරීමේ වැඩසටහනක් ලෙස මාතර මහනගර සභාවේ නිලධාරීන් පනහක් සහභාගී කරගනිමින් අල්ලස හා දූෂණය සම්බන්ධව දැනුවත් කිරීමේ වැඩමුළුවක් 2025-02-24 වන දින නගර සභා පරිශ්‍රයේ දී පැවැත්වුණි. මෙහි දී අල්ලස හා දූෂණයෙහි විපාකයන්, අල්ලස දූෂණය සම්බන්ධ නීතිමය තත්ත්වය, රාජ්‍ය නිලධාරින් වශයෙන් අල්ලසට විරුද්ධ වීම , අල්ලස් හා දූෂණය සම්බන්ධයෙන් පැමිණිලි කරන ආකාරයන් සම්බන්ධව හා අල්ලස දූෂණය ශ්‍රී ලංකාවෙන් මුලිනුපුටා දැමීම සම්බන්ධව ගතයුතු ක්‍රියාමාර්ග පිලිබඳව දැනුවත් කරන ලදී.
මෙම වැඩසටහන සඳහා සම්පත්දායකත්වය දූෂණ නිවාරණ නිලධාරී ශම්මි ශ්‍රීලාල් තොටවත්ත මහතා හා දූෂණ නිවාරණ නිලධාරි උදේශිකා ජයසේකර මහත්මිය විසින් ලබා දුන් අතර ම නාගරික කොමසාරිස්තුමිය හා නියෝජ්‍ය නාගරික කොමසාරිස්තුමිය ද මේ අවස්ථාවට සම්බන්ධ විය.
