අල්ලස හා දූෂණය සම්බන්ධයෙන් කැලණිවැලි ප්ලාන්ටේෂන්ස් පීඑල්සී වතුකාර්ය මණ්ඩලය සහ කලමණාකාරීත්වය දැනුවත් කිරීම සඳහා වූ මාර්ගගත වැඩසටහනක් 2025.02.11 ප.ව. 2.00 සිට 4.00 දක්වා සාර්ථකව පවත්වන ලදි. මයික්රොසොෆ්ට් ටීම්ස් යොදා ගනිමින් කැලණිවැලි ප්ලාන්ටේෂන්ස් පීඑල්සී සම්මණ්ත්රණ ශාලාවේ දී සිදු කල මෙම වැඩසටහන සදාචාරසම්පන්න පරිචයන් පිලිබඳ ව වතු සේවකයින් තුල වූ දැනුවත්බව හා අවබෝධය ඉහළ නැංවීම අරමුණු කර ගනිමින් සිදු කෙරුනි.
අල්ලස් හෝ දූෂණ චෝදනා විමර්ශන කොමිෂන් සභාවේ දූෂණ නිවාරණ නිලධාරී උදේශිකා ජයසේකර මහත්මිය සහ මධුකා රුවන්ති මහත්මිය යන ප්රවීන දේශක දෙපල විසින් නව දූෂණ විරෝධී පනත පිලිබඳවත් සේවා ස්ථානය තුල අල්ලස හා දූෂණය වැලැක්වීම සඳහා වූ සදාචාරාත්මක වගකීම හා ප්රායෝගික පියවර පිලිබඳවත් සහභාගී වූ පිරිස දැනුවත් කලහ.
අල්ලස හා දූෂණයට අදාල සත්ය සිදුවීම් පිලිබඳවත් ඒවා වැලැක්වීම පිලිබඳවත් අදහස් හුවමාරු කර ගනිමින් පැවැත් වූ මෙම සැසිය සඳහා හැටන්, නුවරඑළිය, සහ යටියන්තොට පිහිටි වතු 25 ක කාර්ය මණ්ඩලය හා කලමණාකාරීත්වය සහභාගී වූහ. සුපිලිබන්නබව හා විනිවිදභාවය ඉහළ නැංවීම සඳහා ආයතනයෙහි නොනිමි කැපවීම මෙම වැඩසටහන තුලින් පිලිබිඹු කෙරේ.