ගුවන් තොටුපොළ හා ගුවන් සේවා (ශ්‍රී ලංකා) (පුද්ගලික) සමාගමේ නිලධාරීන් සඳහා වන අල්ලස් හා දුෂණය නිවාරණ පිළිබඳව දැනුවත් කිරීමේ වැඩසටහන් මාලාවේ තවත් වැඩසටහනක් 2025 ජුනි මස 13 වන දින ගුවන් තොටුපොළ හා ගුවන් සේවා (ශ්‍රී ලංකා) (පුද්ගලික) සමාගම් ශ්‍රවණාගාරයේදී සාර්ථකව පැවැත්වුණි. මෙම වැඩසටහන සඳහා එම ආයතයේ ජ්‍යෙෂ්ඨ නිලධාරීන් 30 ක පමණ ප්‍රමාණයක් සහභාගී වීය.

මෙම වැඩසටහන සඳහා අල්ලස් හෝ දූෂණ චෝදනා විමර්ශන කොමිෂන් සභවේ දූෂණ නිවාරණ නිලධාරි විමුකිති ජයසූරිය මහත්මිය, දූෂණ නිවාරණ නිලධාරි චමෝදි ජයසිංහ මහත්මිය සම්පත් දායකත්වය ලබා දෙන ලදී. මෙම වැඩසටහන තුළින් අල්ලස , දූෂණය, අයුතු වත්කම් රැස්කිරීම සහ වත්කම් සහ බැරකම් ප්‍රකාශ කිරීම ඇතුළුව 2023 අංක 9 දරන දූෂණ විරෝධි පනත පිළිබඳ, අල්ලස හා දූෂණය නිවාරණය, දූෂණ සංජානන දර්ශකය, සුපිළිපන්නභාවය පිළිබඳ සංකල්පය සහ අල්ලස හා දූෂණයෙහි විපාකයන් පිළිබඳව දැනුවත් කිරීම සිදු කරන ලදි.